Fréttatíminn - 10.07.2015, Blaðsíða 11

Ný Siemens þvottavél
Nóatúni 4 Sími 520 3000
www.sminor.is
Ný 8 kg þvottavél með íslensku stjórnborði. 1400 sn./mín. Orkuflokkur A+++. Kolalaus, hljóðlátur og
sparneytinn mótor með 10 ára ábyrgð. Bylgjulaga tromla („waveDrum”) fer einstaklega vel með
þvottinn. 15 mín. hraðþvottakerfi. Við hönnun vélarinnar hefur verið leitast við að gera hana mjög
stöðuga og hljóðláta („antiVibration Design”).
-með öllum þeim eiginleikum sem menn þurfa í dagsins önn.
Kynningarverð: 119.900 kr.
Þvottavél, WM 14P4E8DN
Við leggjum áherslu á hágæða vörur
og fyrsta flokks þjónustu á góðu verði.
Ariel fljótandi þvottaefni
fylgir með öllum Siemens
þvottavélum.
Tekur mest
8
10 ára
ábyrgð á
iQdrive
mótornum.
150 milljóna
styrktarsjóður
Viðskiptaráð Íslands hefur stofnsett nýjan
sjóð sem ætlað er að efla íslenskt mennta-
kerfi og atvinnulíf. Sjóðurinn mun styrkja
einstaklinga sem stunda rannsóknir eða
nýsköpun á þeim sviðum, að því er fram
kemur í tilkynningu ráðsins. Stofnfé
sjóðsins nemur 150 milljónum króna og
styrkirnir nema frá 500 þúsund krónum
upp í 2,5 milljónir króna á hvert verkefni.
Allir sem stunda rannsóknir eða nýsköpun
sem styðja við markmið sjóðsins geta sótt
um. Umsóknarfrestur er til 16. ágúst. Val-
nefnd sjóðsins tekur ákvörðun um fjölda
og upphæð styrkja. Nefndina skipa Eggert
Benedikt Guðmundsson, Gísli Hjálmtýsson
og Ragnhildur Geirsdóttir.
Gjaldeyrisforði
í hámarki
Íslendingar virðast ætla að læra af
mistökunum og safna nú nægilegum
gjaldeyrisforða til að mæta skammtíma-
innflæði peninga ólíkt því sem gerðist fyrir
hrun, að því er fram kemur í nýrri grein
sem birt er á vef Samtaka atvinnulífs-
ins. Þar segir að gjaldeyrisforðinn sé nú
næstum því tvöfalt stærri en allar erlendar
skammtímaskuldir þjóðarbúsins. „Inngrip
Seðlabankans eru þó ekki án kostnaðar en
Seðlabankinn greiðir gjaldeyriskaup sín
með „peningaprentun“, m.ö.o. auka inn-
grip Seðlabankans peningamagn í umferð.
Inngrip Seðlabankans eru um þessar
mundir að mestu leyti óstýfð inngrip en
það þýðir að Seðlabankinn grípur ekki til
mótvægisaðgerða til að draga úr aukningu
peningamagns. Þessu til viðbótar fylgir því
kostnaður fyrir ríkið af miklum vax-
tamun, einkum þegar stjórnvöld og í raun
Seðlabankinn hafa lofað nánast óbreyttri
krónu,“ segir í greininni.
20 milljóna brú
fyrir hrossabónda
Vegagerðin mun í sumar byggja brú á Ósá
á veginum sem liggur úr Dynjandisvogi í
Arnarfirði að býlinu Laugabóli í Mosdal
sem er eini bærinn í byggð á þessu svæði,
að því fram kemur á fréttavefnum BB.is.
Einbúinn sem þar var áður afþakkaði brú
á ána en samkvæmt upplýsingum frá
Vegagerðinni kostar brúin 20 milljónir,
segir í fréttinni. Laugaból var komið í eyði,
eftir að einbúinn flutti í burtu fyrir rúmum
tveimur áratugum. Eftir það var bú-
skapur um tíma en nú hefur Árni Beinteinn
Erlingsson byggt upp myndarlegt hrossa-
ræktarbú með veglegu íbúðarhúsi og reið-
höll, að því er fram kemur á vefnum.
Magnús Valur Jóhannsson, svæðisstjóri
Vegagerðarinnar segir í samtali við BB að
vegurinn þangað sé þjóðvegur og þar er
búseta. Vegurinn verði ófær á veturna,
einkum vegna ísburðar í Ósá. Íbúar hafi
kvartað undan því. Þar sem þetta er þjóð-
vegur telur Vegagerðin að fólk eigi rétt á
því að fá brú.
 Stjórnmál ný könnun mmr á fylgi Stjórnmálaflokka
Samfylkingin aldrei
mælst með minna fylgi
m MR kannaði fylgi stjórn-málaflokka og stuðning við ríkisstjórnina á tíma-
bilinu 24. til 30. júní. Fylgi Pírata
mældist nú 33,2%, borið saman við
32,4% í síðustu könnun og er flokk-
urinn með mest fylgi allra flokka.
Fylgi Sjálfstæðisflokksins mældist
nú 23,8%, borið saman við 23,3%
í síðustu könnun. Fylgi Vinstri-
grænna mældist nú 12,0%, borið
saman við 10,5% í síðustu könnun.
Fylgi Framsóknarflokksins mæld-
ist nú 10,6%, borið saman við 10,0%
í síðustu könnun. Fylgi Samfylk-
ingarinnar mældist nú 9,3% borið
saman við 11,6% í síðustu könnun
og hefur aldrei mælst minna. Fylgi
Bjartrar framtíðar mældist nú 5,6%,
borið saman við 6,8% í síðustu könn-
un. Fylgi annarra flokka mældist
undir 2%.
Stuðningur við ríkisstjórnina
mældist nú 30,4% en mældist 31,9%
í síðustu mælingu. Árni Páll Árnason, formaður Samfylkingarinnar. Flokkurinn mælist nú með 9,3%
fylgi og hefur aldrei verið minni.
fréttir 11 Helgin 10.-12. júlí 2015