Morgunblaðið - 13.01.2015, Síða 12

12 FRÉTTIRInnlent
MORGUNBLAÐIÐ ÞRIÐJUDAGUR 13. JANÚAR 2015
MOSFELLSBAKARÍ
Háholti 13-15 Mosfellsbæ | Háaleitisbraut 58-60 Reykjavík
s. 566 6145 | mosfellsbakari.is
Ert þú búin að prófa nýja
lágkolvetnabrauðið okkar?
Renndu við í Mosfellsbakarí og fáðu þér hollara brauð.
Alla leið
- fjallaverkef
ni
Ferðafélags Í
slands
Kynningarfundur
þriðjudaginn 13. janúar
kl. 19.45 í sal FÍ, Mörkinni 6
Ferðafélag Íslands býður upp á
æfingaáætlun sem miðar að því að
undirbúa þátttakendur fyrir göngu
á Hvannadalshnúk eða aðra
hátinda Öræfajökuls.
Undirbúningurinn er tvíþættur og
felst í vikulegum fjallgöngum, sem
stigmagnast að erfiðleikastigi, og
alhliða ferðafræðslu, meðal annars
um klæðnað, búnað, næringu,
öryggismál og jöklagöngur.
Umsjónarmaður: Hjalti Björnsson
FERÐAFÉLAG ÍSLANDS
Mörkinni 6 | 108 Reykjavík | S: 568 2533 | www.fi.is
www.fi.is
Skráðu þig inn – drífðu þig út
BAKSVIÐ
Þórunn Kristjánsdóttir
thorunn@mbl.is
Sala á rafbókum er svipuð og í
fyrra, segir Stefán Hjörleifsson,
eigandi eBóka sem selja rafbækur
og hljóðbækur. Sala á rafbókum
dróst hins vegar saman hjá Forlag-
inu sem er stærsta bókaútgáfan.
Bókartitlarnir sem gefnir voru út
sem rafbækur árið 2014 voru færri
en árið áður.
Salan á rafbókum hjá eBókum
fyrir árið 2014 var í kringum fimm
þúsund. Mesta salan fer fram í nóv-
ember og desembermánuði.
Samkvæmt Bókatíðindum árið
2014, sem Félag íslenskra bókaút-
gefenda gefur út, voru 49 rafbækur
skráðar. Árið 2013 voru þær 60
talsins og árið þar áður, 2012, voru
þær 94. Útgefnum rafbókum hefur
því fækkað en ekki fjölgað.
Auk þessara tæplega fimmtíu
rafbókartitla sem komu í sölu hjá
eBókum þá bættust 10 titlar við frá
Bókafélaginu Uglu, sem voru allt
erlendar bækur.
Rafbókasala Forlagsins dróst
saman milli ára
„Sala á rafbókum dróst saman á
síðasta ári en hún hefur aukist ár-
lega fram til ársins 2014,“ segir
Egill Jóhannsson, framkvæmda-
stjóri Forlagsins.
Forlagið hóf útgáfu á rafbókum
árið 2011, fyrir spjaldtölvur og les-
bretti. Forlagið segir að framboðið
á rafbókartitlum hafi verið nokkuð
aukið milli ára og margar hverjar
hafi komið út á sama tíma og sú
prentaða. „Það er þó athyglisvert
að svipuð þróun hefur átt sér stað
víða erlendis. Þar hefur sala á raf-
bókum dregist saman. Það má velta
fyrir sér hvort nýjabrumið af raf-
bókum sé að dofna. Það hefði mátt
búast við því að rafbókasalan
myndi aukast en hún hefur dregist
saman strax á þriðja ári,“ segir Eg-
ill.
Egill bendir á að stórauka þurfi
framboð á íslenskum rafbókum,
sérstaklega á bókmenntaarfinum,
en þær bókmenntir eru ekki endi-
lega aðgengilegar á rafrænan hátt.
„Hins vegar mega útgefendur
kanna hvort ekki sé hægt að fara
aðrar leiðir í útgáfumálum á bók-
menntum sem myndi svipa til tón-
listarveitunnar Spotify.“
Rauða serían sívinsæl
„Sala á rafbókunum hefur farið
stigvaxandi. Á síðasta ári hefur sal-
an vaxið um 100%,“ segir Rósa
Vestfjörð Guðmundsdóttir, fram-
kvæmdastjóri Ás-útgáfunnar, sem
stundum er nefnd ástarsögudrottn-
ingin. Ás-útgáfan gefur út ástar-
sögur undir merkjum Rauðu serí-
unnar. Sex nýir titlar koma út í
hverjum mánuði allan ársins hring.
Útgáfan hefur verið með raf-
bækur til sölu síðustu þrjú ár. Þær
hafa mælst vel fyrir og kjósa marg-
ir lesendur rafbók, einkum þeir
sem búa erlendis, að sögn Rósu.
Söluaukninguna rekur Rósa til
nýrrar heimasíðu sem er mjög að-
gengileg.
Mest selst af rafbókinni í júlí og
þá nælir fólk sér gjarnan í marga
titla í einu. „Ég held að framtíðin
sé rafbókin sem verður í sókn.“
Sala á rafbókum ólík
eftir efni og útgáfum
Morgunblaðið/Ómar
Rafbækur Dregið hefur úr sölu rafbóka hjá stærsta útgefandanum á meðan
rafbækur í Rauðu seríunni seljast eins og heitar lummur.
Sala bóka hefur færst í aukana
samkvæmt nýjustu tölum frá
breskum bókabúðum, sem gefa
einnig til kynna að fólk kaupi nú
meira af bókum á hinu hefð-
bundna formi, fremur en raf-
bækur. Þetta kemur fram í
breska blaðinu Telegraph.
Sala á svonefndum les-
brettum hefur einnig minnkað
samkvæmt þessum tölum. Tals-
maður bresku bókabúðakeðj-
unnar Waterstones segir við
dagblaðið Financial Times að
eftirspurn eftir Kindle-
lestölvunni, sem búðirnar selja
einnig, sé með minnsta móti.
Þar jókst sala prentaðra bóka
um 5% í desember. Sam Husa-
in, framkvæmdastjóri bóka-
búðakeðjunnar Foyles, segir
sölu prentaðra bóka hafa aukist
um 11% þessi jól miðað við þau
síðustu.
Sala rafbóka
minnkað
BRETLAND
Ágúst Ingi Jónsson
aij@mbl.is
Reykjavíkurhöfn var að venju sú höfn
á landinu þar sem mestum botnfisk-
afla var landað á nýliðnu ári eða tæp-
lega 88 þúsund tonnum. Talsverður
samdráttur var þó á milli ára eða sem
nam 8.411 tonnum eða 8,7%. Grinda-
víkurhöfn kemur næst með 41.819
tonn, en þar varð 4,1% samdráttur.
Vestmannaeyjar eru í þriðja sæti, en
þar varð 1,8% aukning í botnfiski.
Breytingar í Hafnarfirði
Breytileiki í lönduðum afla getur
verið mikill á milli ára. Til dæmis varð
samdráttur í Hafnafirði um tæplega
átta þúsund tonn, fór úr 31.755 tonn-
um árið 2013 í 23.290 tonn á síðasta
ári. Væntanlega eru helstu skýringar
á því fólgnar í því að Stálskip hf.
hættu útgerð togarans Þórs hf.
Hlutur höfuðborgarsvæðisins hef-
ur farið minnkandi undanfarin ár.
Samdrátturinn nam tæplega 13,2%
milli áranna 2013 og 2014 og er hlutur
höfuðborgarsvæðisins nú 23,6% en
var 2010 31,0%. Þetta er samdráttur í
lönduðum botnfiskafla upp á 43.700
tonn á síðastliðnum fimm árum. Á
heimasíðu Faxaflóahafna kemur
fram að komum fiskiskipa hefur
fækkað í hafnir fyrirtækisins, en
brúttótonnafjöldi þeirra hafi aukist
verulega.
Nokkrir hástökkvarar
Sú höfn sem eykur mest við sig á
lönduðum botnfiskafla er Dalvíkur-
höfn með 3.454 tonn sem er 21%
aukning. Hins vegar er mest hlut-
fallsleg aukning á Eskifirði eða um
94,5% og á fleiri Austfjarðahöfnum
eins og Djúpavogi og Höfn í Horna-
firði er áberandi aukning á milli ára.
Á Suðurlandi eru tvær löndunar-
hafnir, Vestmannaeyjar og Þorláks-
höfn og varð aukning á lönduðum afla
í þeim báðum. Eftir landsvæðum var
mestur samdráttur í löndunum á
Norðurlandi vestra, rúm 10.200 tonn,
eða sem nemur um 30,4%.
Minnstu löndunarhafnir landsins
eru Blönduóshöfn og Haukabergs-
vaðall með 1.212 og 1.473 kg. Engum
afla var landað á Gjögri og í Haganes-
vík á síðasta ári en afla hefur verið
landað þar í einhverjum mæli á
undanförnum árum.
Austfirðir og uppsjávarafli
Upplýsingar um landaðaðan bol-
fisk er að finna á heimasíðu Fiski-
stofu og þar birtast væntanlega á
næstunni upplýsingar um landaðan
uppsjávarafla á nýliðnu ári. Þar voru
Neskaupstaður, Vestmannaeyjar,
Vopnafjörður, Eskifjörður, Horna-
fjörður og Þórshöfn í efstu sætum í
fyrra og ekki líklegt að mikil breyting
verði á því.
Ljósmynd/Albert Eymundsson
Hornafjörður Landað úr Hvanney.
Mestu af botnfiski
landað í borginni
 Hlutur höfuð-
borgarsvæðis hefur
farið minnkandi
Sveiflur
» Í fyrra var 87.786 þúsund
tonnum af bolfiski landað í
Reykjavík.
» 2013 var 96.500 tonnum
landað í höfuðborginni.
» Árið 2012 var 89.985 tonn-
um landað í Reykjavík.
» 2011 var 98.301 tonni land-
að.
» Árið 2010 var 104.406 tonn-
um af bolfiski landað í borginni.