Morgunblaðið - 10.03.2015, Blaðsíða 9
FRÉTTIR 9Innlent
MORGUNBLAÐIÐ ÞRIÐJUDAGUR 10. MARS 2015
Bæjarlind 6, sími 554 7030
Við erum á facebook
Túnikur
7.900 kr.
Str. 40-56
Áform eru um uppbyggingu ferða-
mannaaðstöðu við Reykholtslaug í
Þjórsárdal í Skeiða- og Gnúpverja-
hreppi. Um er að ræða veitinga-
aðstöðu og gistingu og auk þess yrði
sund- og baðaðstaða bætt sem þar er
fyrir. Þetta kemur fram í fundar-
gerð hreppsnefndar Skeiða- og
Gnúpverjahrepps.
Reykholtslaug er í eigu Skeiða- og
Gnúpverjahrepps en félagið Þjórs-
árdalslaug ehf. er með leigusamning
um Reykholtslaug til ársins 2022.
Fulltrúar Þjórsárdalslaugar ehf.,
þau Reynir Hjálmarsson og Ragn-
heiður Björk Sigurðardóttir, hafa
óskað eftir að fá að leigja meira land
á svæðinu í kring en það er forsenda
fyrir fyrirhuguðum rekstri.
Svæðið líka þjóðlenda
„Við munum gera leigusamning
um landið. Það þarf einnig að eiga
við forsætisráðuneytið um tilskilin
leyfi því svæðið er líka þjóðlenda,“
segir Kristófer A. Tómasson, sveit-
arstjóri Skeiða- og Gnúpverja-
hrepps.
„Við fögnum því að unnið er að
uppbyggingu á svæðinu. Ef við töl-
um um laugina sérstaklega þá er
þetta einstakt gullegg sem hefur
ekkert verið nýtt. Þarna er nóg af
heitu vatni, rafmagn er komið að
svæðinu og við viljum að einhverjir
fari að nýta þetta. En fjöldamargar
náttúruperlur eru þarna í kring,“
segir Kristófer.
„Það er vilji hjá sveitarfélaginu að
hrinda þessu í framkvæmd en samt
mun sveitarfélagið gera ákveðnar
kröfur um að þetta verði byggt upp
af metnaði,“ segir Kristófer.
Hann segir boltann vera í höndum
leigutakanna um að útfæra hug-
myndina betur, senda tilskilin gögn
og leggja þau fyrir skipulagsnefnd
og sveitarstjórn þegar búið er að
fullvinna þau. Það er viðbúið að
þetta taki þónokkurn tíma.
Byggð í kringum 1970
Reykholtslaug var byggð í kring-
um 1970 af starfsmönnum Búrfells-
virkjunar. Landsvirkjun átti hana
fram til ársins 2010 en þá eignaðist
sveitarfélagið hana. Laugin hefur
ekki verið opin reglulega frá því
sumarið 2012 og hefur henni ekkert
verið haldið við síðan, að sögn sveit-
arstjórans. thorunn@mbl.is
Reykholtslaug
Reykholtslaug
Grunnkort/Loftmyndir ehf.
Uppbygging við
Reykholtslaug
Laugin byggð árið 1970
Morgunblaðið/Brynjar Gauti
Í Þjórsárdal Þjóðveldisbærinn í Þjórsárdal að vetrarlagi.
Atli Vigfússon
Laxamýri
„Kúabúskapur er ögrandi verkefni
og auðvitað er vinnudagurinn oft
langur, eða frá því kl. 7 á morgnana
og fram yfir kl. 10 á kvöldin. En þetta
er skapandi og skemmtilegt starf
sem ég verð í áfram og það er alltaf
gaman að framkvæma.“
Þetta segir Sigurður Ingólfur
Arnarson, bóndi á Lækjamóti í Kinn
í Þingeyjarsveit, en þessa dagana er
hann að taka í notkun glænýtt geld-
neytafjós sem hann hóf byggingu á
sl. haust og nú er allt að verða tilbúið.
Árið 2003 var fjósi og hlöðu á
Lækjamóti breytt í lausagöngufjós
fyrir 50 kýr en þar sem aðstaða fyrir
geldneytin var ekki nægileg fannst
Sigurði að tími væri kominn á að laga
til enda hugur í kúabændum.
Nýja álman er á fjórða hundrað
fermetrar og mun rúma 120-140
kálfa, kvígur og naut, en Sigurður
setur á alla gripi og framleiðir ungn-
eytakjöt samhliða mjólkurfram-
leiðslunni.
Hollenskt hús
Húsið er hollenskt og er keypt frá
Landstólpa ehf. sem hefur sérhæft
sig í landbúnaðarbyggingum. Bæði
innréttingar og steinbitar eru frá því
fyrirtæki og segir Sigurður að það sé
mjög gott að skipta við sama aðilann
þegar um svo stóra byggingu sé að
ræða.
Nýja geldneytafjósið kemur mjög
vel út á jörðinni og fellur vel inn í um-
hverfi þeirra bygginga sem þegar
eru fyrir. Sigurður hefur látið gera
tengibyggingu við kúafjósið og nú
verða allir gripir á sama gólfi og er
að því mikið hagræði.
Á Lækjamóti er mjaltabás og
mjólkar Sigurður 10 kýr í einu og
tekur það ekki mjög langan tíma að
mjólka allt að 50 kýr. Hann segir að
því fleiri sem kýrnar verða, fari
menn að hugsa til þess að laga enn
meira fyrir sér. Hann hefur því leitt
hugann að því hvort það væri ekki að
verða grundvöllur fyrir því að fá sér
mjaltaþjón þó ekkert sé ákveðið.
Mikið af kúm í Kinn
Það er hugur í þingeyskum kúa-
bændum um þessar mundir og ný-
lega var tekinn mjaltaþjónn í notkun
á bænum Dæli í Fnjóskadal og geng-
ur það mjög vel. Þá eru ábúendur á
Hrafnsstöðum í Kinn búnir að panta
einn slíkan og verður hann settur
upp á næstunni. Nokkrir mjaltaþjón-
ar eru fyrir og virðist þeim nú fara
fjölgandi.
Kúabúskapur í Kinn, áður Ljósa-
vatnshreppi, hefur haldist stöðugur
og þar eru fleiri kúabú en í öðrum
sveitum sýslunnar. Segja má að
kúabúin séu 15 í þessum gamla
hreppi meðan þau eru einungis tvö á
Tjörnesi og þrjú þar sem áður var
Reykjahreppur.
Á Lækjamóti eru gripirnir rólegir
og vel fóðraðir, enda hefur Sigurður
ræktað mikið land austur af bænum
og verið mjög duglegur að endur-
rækta til þess að hafa sem best hey
handa kúnum, en gott fóður kemur
fram á skepnunum, bæði í útliti og
afurðum.
Þrátt fyrir langa daga segist Sig-
urður gefa sér tíma til þess að fara á
búnaðafélagsfundi og hann gefi því
tíma að klappa kálfunum sem skilar
sér í gæfari gripum. Hann er að öllu
leyti himinsæll með nýju aðstöðuna.
Morgunblaðið/Atli Vigfússon
Í fjósinu Það er bjart og vistlegt í nýja fjósinu á Lækjamóti. Hér er Sigurður Ingólfur Arnarson hjá kálfunum.
Hugur í kúabændum
Byggir geldneytafjós fyrir 140 gripi Bóndinn segist him-
insæll með nýju aðstöðuna Skapandi og skemmtilegt starf
Morgunblaðið/Atli Vigfússon
Byggt við Viðbyggingin fellur vel inn í umhverfið. Nýja álman er lengst t.h.
– með morgunkaffinu
Aukablað
alla þriðjudaga
Fjórir unglingspiltar á aldrinum
15-17 ára voru handteknir í
Smáralind í Kópavogi í gær eftir
að hafa verið með ógnandi tilburði
gagnvart öryggisvörðum. Einn
drengurinn ógnaði öryggisvörðum
með hníf og annar brá fæti fyrir
öryggisvörð sem féll við.
Öryggisverðir höfðu reynt að
vísa drengjunum út úr versl-
unarmiðstöðinni þar sem þeir
voru ekki taldir æskilegir gestir
vegna fyrri hegðunar, þegar þeir
brugðust við með þessum hætti.
Drengirnir reyndu að komast und-
an, en voru loks handteknir af
lögreglu. Voru þeir síðan yf-
irheyrðir að viðstöddum for-
eldrum og fulltrúa barnaverndar.
Að sögn lögregluvarðstjóra í
Kópavogi verða drengirnir kærðir
fyrir athæfi sitt. Tveir þeirra eru
klárlega taldir sakborningar í
málinu.
Unglingspiltar ógnuðu öryggisvörðum