Morgunblaðið - 20.04.2015, Blaðsíða 11

DAGLEGT LÍF 11
MORGUNBLAÐIÐ MÁNUDAGUR 20. APRÍL 2015
Morgunblaðið/Kristinn
Vinnustofan Sigurður Ben Jóhannsson kann best við að mála við eldhúsborðið heima hjá sér.
sér fjárumsýslu, samskipti við fjölda
fólks og ferðalög til útlanda, og var
hæstánægður í starfi. Ekki latti
hann heldur að vinnuveitandinn
veitti honum ýmsar vegtyllur og við-
urkenningar í áranna rás. „Ég lagði
af stað í vinnuna klukkan sex alla
virka morgna í þrjátíu ár og var ekk-
ert farinn að hugleiða starfslok,“
segir hann.
Á réttri hillu
Þar sem Sigurður er menntaður
rafvirkjameistari og hafði starfað
sem slíkur í mörg ár að meðtöldum
fyrstu árunum hjá hernum íhugaði
hann að snúa aftur í sitt gamla fag.
Hann dvaldi þó ekki lengi við þá
hugsun, of mikill tími hefði farið í
endurmenntun því efni og aðferðir
voru orðin allt öðruvísi en í hans
meistaratíð. Þess í stað hóf hann að
sækja kúrsa í Myndlistaskólanum í
Reykjavík og fann strax að hann var
kominn á rétta hillu í lífinu.
„Ég hef alltaf haft gaman af að
teikna og mála og dundað svolítið við
það gegnum tíðina. Teikning var
eina námsgreinin sem ég fékk mjög
góða einkunn í þegar ég var í Gagn-
fræðaskóla Vesturbæjar á sjötta
áratugnum, annars var ég tossi eins
og lesblindir voru kallaðir í þá daga.
Teiknikennarinn minn, Jóhann
Briem listmálari, hvatti mig til að
fara í listnám, en foreldrar mínir
voru ekki hrifnir, listnám þótti ekki
gæfulegt í þá daga. Úr varð að ég
komst á samning í rafvirkjun hjá
mági móður minnar,“ rifjar Sig-
urður upp.
Hann segist vera svo fastur í
rútínunni að hann vakni ævinlega
fyrir allar aldir, byrji að mála og sé
að til kvölds, rétt eins og í vinnunni
áður fyrr. Margrét kærir sig kollótta
þótt sumir botni ekkert í hvernig
hún líði Sigurði að leggja íbúðina
svona undir sig eins og einhver hafði
á orði við hana. „Að vísu minni ég
hann stundum á hvað hann eigi um-
burðarlynda eiginkonu. Ég er búin
að elda í fimmtíu ár og nenni ekki
lengur að vera með mikið umstang í
eldhúsinu, þetta dót er ekkert fyrir
mér,“ segir hún brosandi.
Litagleðin allsráðandi
Sigurður sækir sér víða inn-
blástur. Stundum fer hann niður að
höfn eða keyrir út að Gróttu og
myndar það sem fyrir augu ber;
báta, skip, hús, bíla, fólk, náttúruna,
fjöllin í fjarska og hvaðeina. „Nema
blóm, ég er lítið fyrir að mála blóm,“
upplýsir hann. Síðan hleður hann
ljósmyndunum niður í tölvuna sína
með skipulögðum hætti til að grípa
kannski í síðar.
„Mér finnst skemmtilegast að
búa til mín eigin þorp þar sem húsin,
fólkið og umhverfið eru eftir mínu
höfði. Einnig abstrakt og fígúratív
verk í sterkum litum með einföldum
línum eins og ég er mikið að mála
þessa dagana. Það fer svolítið eftir
skapinu hvaða stíll hentar mér
hverju sinni. Einnig mála ég töluvert
eftir gömlum myndum og ljós-
myndum sem ég tek sjálfur, eða
reyni að stæla Picasso sem er minn
uppáhaldslistamaður, og kannski
aðra góða. Litagleðin einkennir verk
mín öðru fremur,“ segir Sigurður og
bætir við að líkast til sé hann maður
margra stíla,
Rammpólitískur
Áður en hann hefst handa við
málverkin kveðst hann jafnan vera
búinn að sjá myndirnar fyrir sér.
Hann rissar útlínurnar gróflega upp
á striga áður en hann byrjar að olíu-
mála. „Ég gef öllum myndunum
mínum nafn og læt stundum fylgja
með nokkra punkta um þýðingu
þeirra fyrir mig. Mig langar til að
fólk sjái eitthvað út úr verkum mín-
um – að einhver hugsun búi að baki
hverju þeirra. Sjálfur er ég ramm-
pólitískur eins og sumar myndirnar
bera með sér,“ segir Sigurður og vís-
ar til dæmis í verkin Fjárlagagatið
og Lögfræðinginn.
Eftir rafvirkjanámið lærði hann
tækniteiknun í Iðnskólanum í
Reykjavík. Hann þurfti að kunna að
lesa teikningar til að geta boðið í
verk. „Þessi kunnátta kom mér síð-
an til góða þegar ég fór að mála
myndir af húsum og heilu götu-
myndirnar,“ útskýrir hann.
Sjö einkasýningar
Frá því Sigurður tók upp þráð-
inn við listagyðjuna hefur hann mál-
að hátt í þúsund myndir, haldið sjö
einkasýningar og sýnir um þessar
mundir í Restaurant Reykjavík.
Hann kveðst selja svolítið gegnum
vefsíðu sína, siggi-ben.tumblr.com,
og einnig á sýningunum en verkin
virðist falla vel í kramið hjá erlend-
um ferðamönnum. „Ég fæ annað
slagið tölvupósta frá útlendingum
sem ég kann engin deili á en keypt
hafa verk mín á þessum sýningum.
Nýverið fékk ég til dæmis boð um að
halda einkasýningu í galleríi í
Þýskalandi,“ segir Sigurður, sem
hafnaði góðu boði.
Spurður hvort hann sé ekki far-
inn að græða á tá og fingri hristir
hann bara höfuðið og segir að til
þess sé leikurinn heldur ekki gerður.
„Ég á alveg nóg og hef ekkert með
meiri peninga að gera. Eins og verð-
miðarnir á myndunum bera vitni um
nægir mér að fá fyrir kostnaði; verk-
færum, olíulitum, striga, römmum
og þvíumlíku.“
Stundum er enginn verðmiði
því Sigurði finnst gaman að gefa
málverk þeim sem hann veit að
kunna að meta þau. Hann segist
vakna glaður í bragði á hverjum
morgni, ánægður með að hafa eitt-
hvað skemmtilegt fyrir stafni. „Ekk-
ert stress, ekkert vesen,“ segir Mar-
grét. Þau hjónin eru alsæl með lífið.
Einhver hús Myndina málaði Sigurður samkvæmt
óljósri minningu um einhver hús, einhvers staðar.
Bernskuminning Fell á Ísafirði brann 1946 og ungur frændi Sigurðar fórst.
Reykjavík Hús á horni Njarðargötu
og Freyjugötu.
Höfnin Sigurði finnst gaman að mála skip og skapar sér
stundum sitt eigið hafnarumhverfi.
Kokteilboð Áhrif Picassos uppá-
halds málarans, leyna sér ekki.
Fjárlagafrumvarpið Ljósi blettur-
inn táknar gatið í frumvarpinu.
Ársfundur EFÍA 2015
Ársfundur Eftirlaunasjóðs FÍA verður
haldinn miðvikudaginn 6. maí kl. 15
í Hlíðasmára 8, Kópavogi.
Í samræmi við samþykktir sjóðsins
verður efnt til atkvæðagreiðslu meðal
sjóðfélaga um tillögur til breytinga á
samþykktum. Gögn verða send sjóð-
félögum í framhaldi af ársfundinum.
Allir sjóðfélagar eiga rétt til fundarsetu
með umræðu- og tillögurétti. Hægt er
að nálgast ársfundargögn á heimasíðu
sjóðsins www.efia.is.
Dagskrá
1. Skýrsla stjórnar
2. Ársreikningur kynntur
3. Tryggingafræðileg úttekt
4. Fjárfestingarstefna
5. Skipun stjórnar og laun stjórnarmanna
6. Val endurskoðanda
7. Tillögur til breytinga á samþykktum sjóðsins
8. Önnur mál