Húnavaka - 01.05.1996, Side 26

24
HUNAVAKA
Ég átti minnisstæð og góð samskipti við ýmsa aðra samstarfsmenn
frá þessum tíma sem flestir eru á lífi en verð að láta það víkja að minn-
ast þeirra í þessu viðtali.
Utanferðir og erlend samskipti
Ég fór tvær til þrjár ferðir á ári til útlanda meðan ég var ráðherra.
Meðal þeirra voru ferðir á fundi landbúnaðarráðherra Norðurlanda
sem haldnir voru árlega. Eitt árið vorum við að vísu gestgjafar. Einnig
sótti ég Evrópuþing FAO í Aþenu og Sofíu og heimsþing FAO í Róm.
Meðal þeirra sem fóru með mér á þessi FAO þing var Björn Sigur-
björnsson sem þá var forstjóri RALA en er nú ráðuneytisstjóri land-
búnaðarráðuneytisins. Björn hafði í mörg ár verið starfsmaður FAO
og varð síðar forstjóri einnar aðaldeildar stofnunarinnar. Hann er
framúrskarandi lipurmenni og þaulvanur á a 1 þjóðavettvangi.
Skömmu áður en við fórum á heimsþingið í Róm kom Björn til mín
og sagði. Ég er búinn að taka saman nokkra punkta í ræðu fyrir þig.
Hann er sá eini sem ég hef notið þeirra hlunninda hjá að senija fyrir
mig ræðu sem hann gerði ævinlega ef við fórum saman á fund til út-
landa. Ég fór að lesa ræðuna og fannst hún vera nokkuð fagleg á kafla
um köfnunarefnistillífun plantna, enda er Björn doktor í jurtalífeðlis-
fræði. Ég spurði Björn livort nokkrum manni myndi detta það í hug
að ég hefði vit á þessum hlutum. Þá sagði Björn. Blessaður vertu, það
dettur hvort sem er engum í hug að þú hafir samið þetta.
Svo komum við á þingið og þar var aðalræðumaður Indira Gandhi.
Þegar hún byrjaði ræðuna, hvíslaði Björn að mér. Ja, ég veit nú hver
hefur samið þetta. Það er skólabróðir minn. Og viti menn, kenmr
ekki kafli í ræðu Gandlii sem er næstum því eins og faglegi kaflinn í
minni ræðu. Þegar ég hafði flutt ræðuna vék sér að mér Ung\'erji sem
sat við hliðina á mér og sagði. Þetta var bara ágæt ræða hjá þér.
Jóhannes Páll páfí bauð þingfulltrúum í Péturskirkjuna og tók í
hendina á þeim sem þangað mættu en Jaað voru 600-700 af 1100-1200
fundarmönnum. Þetta var fyrsta móttaka páfa eftír að honum var sýnt
banatilræði og hann nýlega kominn af sjúkrahúsi.
Okkur Helgu þótti skemmtilegt að koma til Grikklands. Við höfum
farið þangað tvisvar sinnum síðan og haft mikla ánægju af. I Grikk-
landi stóð vagga vestrænnar menningar fyrir 4-5 Jiúsund árum. Minn-
isvarðar hennar blasa víða við enn í dag í mannvirkjum og listaverk-
um, atik þess sem er til sýnis á söfnum. Þegar komið er til Rómaborg-