Húnavaka - 01.05.1996, Side 46

44
HUNAVAKA
í logni og sólskini. Gafst nú tími til þess að virða fyrir sér aðstæður.
Fyrir ofan okkur gnæfði þverhnípt bjargið. I þúsundir ára hefur hafíð
sorfið þetta bjarg svo það slútti yfir okkur. Upp að þeirri brún, sem
við sáum neðan úr fjörunni, virtist okkur vera um 20 til 30 metrar.
Samferðamennirnir af Skaganum sögðu okkur að ofan viö brúnina
væri 20 metra snarbrött skriða. Eftir þeirri skriðu hefur drengurinn
runnið og síðan svifíð fram af brúninni.
Eftir um það bil hálfa klukkustund var ljóst að öll lífsmörk fóru
hratt batnandi. Töldum við nú óhætt að spelka brotin og færa hann
yfir í sjúkrakörfuna. Við héldum til skiptis uppi flöskunni með vökv-
anum á meðan róið var aftur að Kálfshamarsvík. Vökvagjöf var haldið
áfram í bílnum en hægt var að hengja flöskuna á fatasnaga á dyra-
stafnum aftan við framsætið. Þór fylgdist með drengnum en ég ók
bílnum. Eftir 20 mínútna akstur frá Kálfshamarsvík fór drengurinn
að kveinka sér og skömmu eftir að við komum á Héraðshælið á
Blönduósi var hann farinn að svara tiltali.
Við höfðum strax símasamband við Björn Pálsson flugmann. Hittist
svo á að hann var á leið til Vestmannaeyja með einn farþega. Hann
breytti strax um stefnu og sagðist mundu verða kominn eftir eina og
hálfa klukkustund á flugvöllinn hjá Akri sem var malarvöllur skammt
frá Blönduósi. Eftir símtalið við Björn Pálsson var haft samband við
handlækningadeild Landspítalans. I símann svaraði Halldór Arin-
bjarnar.
A meðan beðið var eftir flugvélinni var vökvagjöf haldið áfram og
gefinn viðbótarskammtur af penicillíni. Drengurinn var blóðflokkað-
ur og þvagleggur færður upp. Lífsmörk fóru hratt batnandi. Þegar við
lögðum af stað að flugvellinum var blóðþrýstingur orðinn eðíilegur
en púls hraður enda hafði drengurinn misst rnikið blóð vegna svo
margra brota.
I sama mund og við komum að flugvellinum \dð Akur lenti Björn
Pálsson flug\'él sinni örugglega, án nokkurra ljósa á vellinum en
klukkan mun þá hafa verið tæplega eitt eftir miðnætd. Nóttin var
björt og veðurskilyrði til flugs hin bestu. Körfunni var rennt inn í flug-
vélina og skipst var á nokkrum orðum við Björn flugmann og farþeg-
ann hans. Kvöddum við þá með heillaóskum og innilegu þakklæti fyr-
ir skjót viðbrögð. Skömmu síðar sáurn við þá hverfa suður í miðnæt-
urhúmið.
Snorri Hallgrímsson og Halldór Arinbjarnar unnu að því um nótt-
ina að setja saman brotin. Aðstoðarlæknir og sjúkraskrárritari þessa
nótt var Asgeir Birgir Ellertsson. Við komu á Landspítalann mældist