Húnavaka - 01.05.1996, Qupperneq 64

62
HÚNAVAKA
- Það hefur ekki hvarflað að ykkur að bíða birtu næsta dags?
- Nei, það kom ekki til greina. Við urðum að komast heim ef slátrin
áttu ekki að skemmast í böggunum.
- Hrepptuð þið aldrei vond veður?
- Við fengum oft vond veður. Sérstaklega man ég eftir einni heirn-
ferð. Það hafði verið haugaúrfelli frá því snemma um morguninn og
fram í rökkur þegar við vorum búnir að binda npp á hestana. Við
Halldór vorum báðir holdvodr en kom þó saman um að ekki kæmi til
greina að dvelja lengur niður frá. Við héldum þ\’í svona á okkur
komnir út í myrkrið og nóttina framundan. Þegar við vorum komnir
upp á Breiðavaðsmela, skammt ofan við Blönduós, var skollinn á
norðaustan stormur með talsverðri snjókomu og frosti. Veðrið fór
vaxandi fram dalinn. Föt okkar frusu en áfram sigum við í stormbyln-
um fram Langadalinn. Helvíti fannst mér hann langur þá. Fram fyrir
neðan Auðólfsstaði tókum við ofan af hestunum til að hvíla þá og fá
okkur bita. Við leituðum skjóls í hesthúskofa nálægt veginum. Það var
þá svo mikill leki úr þekjunni að verra var þar inni en úti. Þarna
dvöldum við ekki lengur en létum upp á hestana og héldum af stað.
Heim komurn \dð um fótaferðatíma heldur illa til reika, sílaðir í fram-
an, í stokkfreðnum fötum og soltnir.
- Er ekki bjartara yfir vorferðunum?
- Þá var oftast gott veður og færi. Mönnum og skepnum leið betur.
Þá var alltaf farið t\dsvar, sú fyrri til að sækja pöntunarvörur en síðari
ferðin var svo farin með ullina. Við lögðum oft upp að heiman að
kvöldinu og héldum áfram um nóttina og komum til Blönduóss um
fótaferðartíma. Erindum lukum við að deginum og liéldum lieim
næstu nótt.
- Manstu ekki eftir neinu skemmtilegu frá þessurn ferðum?
- Nei, ekki held ég.
- Höfðuð þið aldrei dreitil á glasi til að hressa ykkur á?
- Nei, við höfðum það ekki og þurftum þess ekki. Þá var heldur ekki
komin sú drykkjuöld sem nú flæðir yfir. Við vorum hvorugnr hneigð-
ir fyrir vín.
- Þá hefur kannski ekki verið hafín framleiðsla á áfengum drykkj-
um hér eða í næstu sveitum?
- Ekki svo ég viti til.
- Það hefur kannske aldrei verið gert?
- Eg er því ekki kunnugur.
- En drukku menn ekki í lestarferðum hér áður?
- Einhverjar sögur hef ég heyrt um það.