Húnavaka - 01.05.1996, Side 118

116
HÚNAVAKA
þegar vel ríðandi maður kemur þar að og með honum hundur hans.
Snarast hann af baki nálægt þeim og fer inn í kaupfélagið en hundur-
inn er að snuðra í kringum þá félaga. Dettur þeim þá í liug að gera
eiganda hans grikk og mála hundinn allan röndóttan. Þegar maður-
inn kemur út úr búðinni sér hann hvergi hundinn sinn en eitthvert
furðudýr, röndótt, vill gera sér dælt við hann. Reynir hann að stugga
þessu frá sér og fussar og sveiar. Kannast hann ekkert við þetta en allt
í einu rennur upp fyrir honum Ijós og þá ærðist hann alveg og hringdi
í sýslumann. En sýslumaður sá ekki alvöru málsins og vildi lítið gera
úr þessu. En á meðan hann var í símanum þvoðu þeir hundgreyið
upp svo hann varð eins og hann átti að sér að vera og féll þá málið
niður.
Einu sinni voru tveir þessara pilta að veiðum út með sjó. Sátu þeir á
svokallaðri Bolanöf sem er klettur mikill niður undan Blöndubakka.
Sem þeir bíða þar með byssur sínar brugðnar kom andinn yfir þá:
Á Bolanöfinni bíð ég
að bliki komi í færi.
En komi hann ekki í færi
þá hengi ég mig í snæri.
Að síðustu er hér dálítið vafasöm saga en ég læt hana samt flakka.
Þegar þeir félagar voru að múra úti í Kvennaskóla hafði einhverjum
þeirra áskotnast súkkulaði sem var þeirrar gerðar að þeim sem þess
neyttu varð að stundu liðinni mjög tíðförult á snyrtingu. Gáfu þeir
óspart af þessu til vina og félaga sem unnu þarna líka og allir urðu
glaðir að fá súkkulaði. En fljótlega fór einn og einn að hverfa og brátt
varð úr þessu mikið kapphlaup og örtröð myndaðist við dyrnar á
snyrtingunni. Var þar margur fölur á vanga. Síðar, er þeir ræddu
þetta, kom þeim saman um að aldrei, hvorki fyrr né síðar, hefðu þeir
séð menn hlaupa hraðar en þarna. Þetta var ansi ljótur grikkur en
engum til skaða að ráði.
Já, þeir brölluðu margt á þeim árum þessir ungu menn og er þetta
aðeins brotabrot af öllu því sem þeim datt í hug. En allt var þetta
græskulaust og einungis gert til að létta lífið og tilveruna í hópnum
við erfiðavinnu og amstur daganna. Og í því er vissulega dálítil heim-
speki fólgin.