Húnavaka - 01.05.1996, Page 153

HUNAVAKA
151
Þar kynntist hún manni sínum, Sigursteini Guðmundssyni, er þá var
í læknisnámi við Háskóla Islands og gengu þau í hjónaband þann 17.
júní 1950. Attu þau heimili sitt í Hafnarfírði til ársins 1959 er þau
fluttu til Blönduóss en þar gerðist Sigursteinn aðstoðarlæknir Páls
Kolka, héraðslæknis. I júní 1960 losnaði læknishéraðið á Patreksfírði
og var Sigursteinn ráðinn héraðslæknir þar í rúmt ár.
Síðan fluttu þau til Kielar í Þýskalandi en þar lagði Sigursteinn
stund á framhaldsnám í læknisfræði við háskólasjúkrahúsið þar.
Síðla árs 1962 var læknislaust á Blönduósi eftir tíð skipti lækna frá
því Páll Kolka lét af störfum og fluttist til Reykjavíkur. Vegna áskorun-
ar margra héraðsbúa komu þau hjón aftur til starfa á Blönduósi. Var
það eigi síst fyrir hvatningu Brigittu að maður hennar gerðist héraðs-
læknir á Blönduósi í desember 1962 og yfirlæknir Héraðshælisins.
Brigitta tók snemma ástfóstri við land og þjóð og Blönduósi bast
hún sterkum böndum. Höfðu þau hjón byggt sér glæsilegt íbúðarhús
á bökkum Blöndu þar sem þau hugðust búa er aldur færðist yfir.
Þau eignuðust þrjú börn en þau eru: Matthías Leuschner, sjómað-
ur, kvæntur Fanneyju Zophoníasdóttur frá Blönduósi. Rósa Margrét,
starfsmaður Islandsbanka, gift Rúnari Þór Ingvarssyni rafvirkjameist-
ara, búsett í Reykjavík og Guðmundur Elías er fórst með ms. Hafrúnu
frá Eyrarbakka í aftakaveðri í mars 1976 en unnusta hans var Margrét
Bjarnadótdr frá Haga á Barðaströnd.
Brigitta vann nokkuð að félagsmálum var t.d. virk í Krabbameinsfé-
laginu á Blönduósi. Marga ferðina fór hún upp á Héraðssjúkrahúsið
til þess að heilsa upp á sjúklinga og gamla fólkið. Sjúklingar og vist-
fólk um árabil munu minnast hennar með þakklæti.
Með Brigittu Vilhelmsdóttur er horfin sjónum vorum rnerk og góð
kona. Hún var mikil húsmóðir og höfðingi í lund. Var heimili þeirra
hjóna glæsilegt menningarheimili er bar vott um hæfileika húsmóð-
urinnar en umfram allt var hún hjartahlý og góðgjörn.
Utför hennar var gerð frá Blönduósskirkju 14. janúar.
Sr. Arni Sigurðsson.