Húnavaka - 01.05.1996, Page 174

172
HUNAVAKA
aðist, flutti Þorgerður Helga frá Ytri-Ey að Brekkubyggð 13 á Blöndu-
ósi. Heilsu hennar var þá tekið að hraka. Þar átti hún heima meðal
góðra nágranna uns hún lagðist inn á Héraðssjúkrahúsið á Blönduósi
en þar lést hún um það bil þremur vikum síðar.
Utför hennar var gerð frá Höskuldsstaðakirkju 30. september.
Sr. Egill Hallgrímsson.
Helgi Sveinbjörnsson,
Blönduósi
Fœddur 26. maí 1917 — Dáinn 11. október 1995
Jón Helgi Sveinbjörnsson, eins og hann hét fullu nafni, var fæddur
á Skíðastöðum í Laxárdal ytri. Hann var af skagfírsku bergi brotinn í
báðar ættir, einn af börnum hjónanna Sveinbjörns Sveinssonar frá
Mælifellsá í Skagafírði og Ragnhildar Stef-
aníu Jónsdóttur frá Bakkakoti í Vesturdal í
Skagafirði.
Helgi var kominn af miklu mannkosta-
fólki í Skagafirði. Föðurafí hans var hinn
merki maður, Sveinn Gunnarsson, sem var
kunnur á sinni tíð fyrir framtakssemi og
dugnað. Honum er svo lýst: „Hann var
hress í anda og orðum, hreinskilinn og
ódulur.“ Hann reit hina þekktu ævisögu er
hann nefndi Veraldarsögu Sveins á Mæli-
fellsá. Hygg ég að Helgi hafi sótt margt til
þessa mikilhæfa afa síns.
Alsystkini Helga voru fjögur auk einnar
hálfsystur og eru þau systkinin þrjú á lífi. Hann ólst upp í foreldrahús-
um, oft við mikla fátækt. Sagðist honum eitt sinn svo frá að hann vildi
engum óska slíkrar örbirgðar er menn lifðu víða til sveita og í þorp-
um landsins á þeim erfíðu árum er þá gengu yfir þjóðina.
Árið 1933, er Helgi var 16 ára að aldri, missti hann föður sinn en þá
bjó fjölskyldan í Breiðagerði í Skagafirði. Eftir það flutti hann með
móður sinni og systkinum að Þorljótsstöðum í Vesturdal í Skagafirði
þar sem hún bjó um skeið með börnum sínum. Eftir það fíuttist fjöl-
skyldan að Teigakoti og síðar að Sölvanesi í sömu sveit.