Húnavaka - 01.05.1996, Qupperneq 177

HUNAVAKA
175
æskuslóðir og nauðsynleg erindi í höfuðborginni og þá helst er heils-
an bilaði.
Ollum sem kynntust Valgerði þótti vænt um hana. Hún átti hlýtt og
glatt viðmót og gerði sér far um að láta öllum í kringum sig líða vel.
Hún var málsvari barnanna og henni var eðlislægt að sýna þeirn bæði
virðingu og umhyggju. Þess nutu börnin hennar, mörg sumarbörn,
gestkomandi börn og þá ekki síst barnabörnin.
Ai in liðu og lífið tók á sig breytta mynd og einmanalegri. Þægindin
jukust að Hsu með árunum. Fyrst kom olíukyndingin og leysti af
hólrni kolaeldavélina og árið 1985 varð bylting þegar rafmagnið náði
inn í Gautsdal og olíulampatímanum lauk. Þá voru þau Valgerður og
Jón aðeins tvö eftir í bænum og aldurinn að færast yfir. Vegarspottinn
niður á þjóðveg er að vísu aðeins 4 km en sjaldnast greiðfær að vetrin-
um og enginn var bíllinn í Gautsdal og ekkert sjónvarp nær þangað.
Er heilsan tók að bila, reyndi verulega á andlegan styrk sem Val-
gerður átti dágóðan skammt af. Hún fann fyrir vanmætti en veitti
samt öðrum styrk. Skyndilega lauk svo lífsstríðinu. Valgerður lagði sig
þreytt til hvíldar heima í rúminu sínu eftir hádegið og sofnaði síðasta
sinni.
Elín Valgerður var jarðsungin frá Bólstaðarhlíðarkirkju laugardag-
inn 28. október.
Sr. Stína Gísladóttir.
Laufey Marteinsdóttir
frá Gilá
Fædd 28. janúar 1960 - Dáin 22. október 1995
Laufey Marteinsdóttir var fædd á Blönduósi. Foreldrar hennar voru
Marteinn Agúst Sigurðsson bóndi á Gilá í Vatnsdal og kona hans, Þur-
íður Indriðadóttir, sem látin er fyrir tv'eimur árum.
Hún ólst upp hjá foreldrum sínum ásamt sex systkinum en þau eru:
Páll, Kiistín, Jakob Daði, Einar, Þór, en hálfbróðir hennar er Baldur
Fjölnisson.
Laufey gekk í Húnavallaskóla en eftir burtfararpróf þaðan fór hún í
Héraðsskólann á Reykjum í Hrútafirði þaðan sem hún lauk prófí vor-
ið 1977. Síðan fór hún til náms til Reykjavíkur og innritaðist í Hús-
mæðraskóla Reykjavíkur en þaðan lauk hún prófi ári síðar.