Húnavaka - 01.05.1996, Page 178

176
H UNAVAKA
Er heim kom settist Laufey að á Blönduósi og vann við ýmis störf,
þar af lengst við saumastörf hjá saumastofunni E\or. Sambýlismaður
hennar var Hjörleifur Júlíusson en þau slitu samvistum. Eignuðust
þau einn dreng, Auðun Agúst, sem fæddur
er árið 1990.
Síðustu ár ævi sinnar átti hún heimili á
Skúlabraut 10 á Blönduósi þar sem hún bjó
ásamt syni sínum.
Laufey var félagslynd og sat m.a. í stjórn
Verkalýðsfélags A-Húnavatnssýslu frá árinu
1988 til dauðadags. Hún var góðum hæfl-
leikum búin, hafði listræna hæfileika,
fékkst nokkuð við skrautritun og hannyrðir
léku í höndum hennar.
„Hún var traust og góð vinkona sem gott
var að eiga að“, orðaði ein vinkona hennar
það við fráfall hennar.
Hún lést aðeins 35 ára að aldri í bifreiðaslysi við Gilsstaði í Hrúta-
fírði er áætlunarbíll Norðurleiðar rann út af veginum í hálku.
Útför hennar var gerð frá Blönduósskirkju, 28. október.
Sr. Arni Sigurðsson.
Einar Jóhannesson,
Blönduósi
Fœddur 28. maí 1937 — Dáinn 8. nóvember 1993
Einar Jóhannesson var fæddur á Gauksstöðum í Garði. Hann var
yngstur 14 barna hjónanna, Jóhannesar Jónssonar, út\'egsbónda á
Gauksstöðum, og konu hans, Helgu Þorsteinsdóttur. Hann ólst upp í
foreldrahúsum ásamt systkinum sínum. Tvö þeirra létust í frum-
bernsku en sjö eru á lífi.
í Garðinum syðra hafa jafnan verið miklir og annálaðir sjósóknarar
sakir dugnaðar og áræðis í fangbrögðum sínum við Ægi.
Einn í þeirra hópi var Jóhannes á Gauksstöðum, faðir Einars, en
jafnframt sjósókninni ltafði hann, eins og títt var áður á árunum,
nokkurn búskap. Mikið þurfti til hnífs og skeiðar fyrir barnahópinn