Húnavaka - 01.05.1996, Page 181

HUNAVAKA
179
Viö upphaf árs 1964 fluttist að Njálsstöðum til Jónasar eftirlifandi
kona hans, Anna Sigurlaug Guðmannsdóttir frá Bakkakoti í Engihlíð-
arhreppi. Eftir það lá leið þeirra saman allt til dauðadags Jónasar.
Reyndist hann henni og fjölskyldu hennar vel. Jónas eignaðist alls
fjögur börn. Með Elísabetu Asmundsdóttur átti hann tvö börn en þau
eru: Hörður sem býr í Reykjavík og Rut sem býr á Blönduósi. Með
Guðrúnu Sveinbjörnsdóttur átti hann eina dóttur, Soffíu Sveinbjörgu
sem býr á Blönduósi. Þau Jónas og Anna eignuðust einn son, Guð-
mann og er hann búsettur á Njálsstöðum.
Jónas bjó alltaf fremur stóru búi, hafði mikið af kindum og hestum.
Auk þess var hann áhugamaður um ræktun landsins og var meðal
frumkvöðla að félagsræktun nokkurra bænda í Vindhælishreppi sem
hafa gert hina miklu Höskuldsstaðamela að grónu túni. Einkenni á
búrekstri Jónasar var að hann vildi ekki vita af skepnum þjást og mót-
aðist öll umgengni hans við bústofninn af því að dýrunum liði vel.
Kom það m.a. fram í því hve honum var umhugað um það á haustin
að skepnur yrðu ekki innlyksa á fjöllum.
Jónas var greindur, hæfileikaríkur, vel fróður og stálminnugur.
Enda fór það svo að jafnhliða annasömum bústörfum hlóðust á hann
ýmis trúnaðarstörf í þágu sveitarinnar og héraðsins. Aratugum saman
var hann í hreppsnefnd Vindhælislirepps og oddviti hreppsins sam-
fellt frá 1974 til dauðadags. Einnig sinnti hann margvíslegum öðrum
nefndar- og félagsstörfum. Hann sat í skólanefnd Húnavallaskóla í
yfir tuttugu ár og í stjórn Brunavarna A-Hún. var hann fjölda ára. Auk
þess var hann í héraðsnefnd sýslunnar. Hann var formaður Búnaðar-
félags Vindhælishrepps og sat um áratuga skeið aðalfundi samvinnu-
félaganna sem fulltrúi Vindhælinga. Hann var réttarstjóri og fjallskila-
stjóri í fjölda ára. Þá sat Jónas samfellt í sóknarnefnd Höskuldsstaða-
sóknar frá 1971.
I sveitarstjórnarstörfum og öðrum félagsstörfum báru menn mikið
traust til Jónasar og höfðu ánægju af að starfa með honum. Enda
rækti hann það sem hann tók að sér af samviskusemi og trúmennsku.
Hann var reikningsglöggur og hafði eftirtektarverða reglu á öllum
þeim fjármálum sem honum var trúað fyrir. Hann var trygglyndur og
stóð fast að baki mönnum þegar honum þótti það eiga við. Hann
hafði mjög ákveðnar skoðanir á málum, var fastur fjrir og hreinskipt-
inn. Jafnframt var hann áberandi rólegur og yfirvegaður í samskipt-
um við aðra. Honum var auk þess gefið að eiga auðvelt með að sjá
spaugilegar hliðar mála og miðla öðrum af kímnigáfu sinni.
Jónas bar umhyggju gagnvart öðru fólki, ekki síst þeim sem stóðu