Morgunblaðið - 14.05.2015, Page 14

14 FRÉTTIRInnlent
MORGUNBLAÐIÐ FIMMTUDAGUR 14. MAÍ 2015
Málþing um heimilisofbeldi og
veruleikann á Íslandi verður haldið
föstudaginn 15. maí kl. 13-17 í stofu
V101 í Háskólanum í Reykjavík.
Málþingið er á vegum lagadeild-
ar skólans og er haldið í samstarfi
við Kvennaathvarfið, lögreglustjór-
ann á höfuðborgarsvæðinu, velferð-
arsvið Reykjavíkurborgar og um-
boðsmann barna.
Á málþinginu verða flutt erindi
sem nálgast viðfangsefnið frá mis-
munandi hliðum. Sigríður Björk
Guðjónsdóttir, lögreglustjóri á höf-
uðborgarsvæðinu, mun meðal ann-
ars kynna breytta starfshætti lög-
reglunnar þegar hún er kölluð á
vettvang heimilisofbeldis.
Nánari upplýsingar um mál-
þingið er að finna á vef HR,
www.ru.is.
Morgunblaðið/Árni Sæberg
Skóli Bygging Háskólans í Reykjavík.
Málþing um
heimilisofbeldi
Íslenska þjóð-
kirkjan hefur í
rúman aldar-
fjórðung helgað
uppstigningar-
dag eldri borg-
urum þessa
lands.
Þjónustan í
Guðríðarkirkju í
Grafarholts-
prestakalli tekur
líka mið af því þennan dag en þar
hefst guðsþjónustan kl. 11.00.
Sr. Karl V. Matthíasson sóknar-
prestur þjónar fyrir altari og for-
seti Alþingis Einar K. Guðfinnsson
mun stíga í stólinn og predika.
Kirkjukórinn að þessu sinni verð-
ur Vorboðinn, kór eldri borgara í
Mosfellsbæ undir stjórn Hrannar
Helgadóttur, organista Guðríðar-
kirkju. Sigurbjörg Þorgrímsdóttir
les ritningarlestra.
Eftir guðsþjónustuna verður svo
boðið upp á kirkjukaffi og veit-
ingar að hætti Lovísu kirkjuvarð-
ar.
Þá munu þeir Davíð Ólafsson og
Stefán Íslandi slá á létta strengi í
tali og tónum.
„Þó þessi guðsþjónusta sé til-
einkuð eldri borgurum þá eru
börn og barnabörn að sjálfsögðu
líka velkomin,“ segir í tilkynningu
frá söfnuðinum.
Forseti Alþingis
stígur í stólinn í
Guðríðarkirkju
Einar K.
Guðfinnsson
STUTT
Þorsteinn Ásgrímsson
thorsteinn@mbl.is
Egill Ágústsson, forstjóri Íslensk-
ameríska og fv. viðskiptavinur Kaup-
þings í Lúxemborg, var samþykkur
viðskiptum félagsins Desulo með
hlutabréf í Kaupþingi frá upphafi og
var reglulega upplýstur um stöðu
mála. Félagið Desulo var í eigu Egils,
en í stóra Kaupþings-markaðs-
misnotkunarmálinu er deilt um hvort
Egill hafi vitað af þeim bréfum sem
félagið átti í Kaupþingi frá maí til
september 2008. Viðskiptastjóri Eg-
ils, Einar Bjarni Sigurðsson, sagði
þetta fyrir dómi í gær, en áður hafði
Egill sagt að viðskiptin hefðu verið án
hans vitundar.
Í mjög reglulegum samskiptum
Í vitnaleiðslum var vitnað til yfir-
heyrslna hjá sérstökum saksóknara
þar sem Einar sagðist hafa rætt þetta
reglulega við Egil. Sagði hann að síð-
an málið komst til skoðunar yfirvalda
hefði Egill byrjað hægt og bítandi að
fá „alzheimer light“ og hann hefði
verið í algjörri afneitun um hvernig
málum var háttað á þessum tíma.
Staðfesti hann þessa frásögn sína fyr-
ir dómi. Sagði Einar að þeir Egill
hefðu verið í mjög reglulegum sam-
skiptum og hann hefði oft á tíðum
fussað og sveiað yfir þessum við-
skiptum en aldrei tekið af skarið og
hætt við þau eða sagst vilja fara út.
Sagði Einar að Magnús Guð-
mundsson, forstjóri Kaupþings í Lúx-
emborg, hefði stýrt ferðinni í þessum
viðskiptum og komið með upphaflegu
hugmyndina um þau. Hann hefði þó
einnig verið í sambandi við yfirmenn
á Íslandi og nefndi sérstaklega að
hann hefði heyrt nafn Hreiðars Más í
því samhengi. Í upphaflegu boði
Magnúsar var að sögn Einars rætt
um að Egill myndi kaupa 1% í bank-
anum. Sagði hann að rætt hefði verið
um að kaupa meira en engar upp-
hæðir verið settar fram í því. Sagði
Einar að Egill hefði sagt sér að „þeir
stjórna þessu“ og átti þá við Magnús
og Hreiðar. Spurður af saksóknara
sagði Einar að í öllum tilfellum hefði
verið gert ráð fyrir fullri fjármögnun
bankans til hlutabréfakaupanna.
Hugmyndin komin frá Magnúsi
Þá sýndi það sig vel í gær að rúm-
lega sjö ár eru liðin frá þeim atburð-
um sem nú er rætt um fyrir héraðs-
dómi í stóra Kaupþings-markaðs-
misnotkunarmálinu. Vitnið Gunnar
Þór Gíslason, fjárfestir og einn eig-
enda fjárfestingafélagsins Mötu,
breytti til að mynda framburði sínum
talsvert frá því 2012 þegar tekin var
af honum skýrsla hjá sérstökum sak-
sóknara. Sagði hann í gær að Ing-
ólfur Helgason, fv. forstjóri Kaup-
þings á Íslandi, hefði haft frumkvæði
að því að koma á umdeildum við-
skiptum, en áður hafði hann sagt að
svo væri ekki.
Bakgrunnur málsins er sá að fjár-
festingafélagið Mata fékk í mars árið
2008 lán frá Kaupþingi til að kaupa
fimm milljónir hluta í bankanum.
Voru kaupin að fullu fjármögnuð með
peningamarkaðsláni frá bankanum
sjálfum, en á þessum tíma var Mata
með litlar sem engar eignir. Þegar
saksóknari spurði Gunnar um for-
sögu málsins sagði hann að Magnús
Guðmundsson, forstjóri Kaupþings í
Lúxemborg, hefði haft samband við
sig og spurt hvort hann hefði áhuga á
þessum kaupum með fullri fjár-
mögnun bankans.
Ljóst var að verjandi Ingólfs, auk
verjanda Magnúsar, taldi framburð
Gunnars nokkuð óáreiðanlegan og
þjörmuðu þeir að Gunnari með
spurningum sem áttu að sýna fram á
misræmi í framburði hans. Verjandi
Ingólfs spurði þá Gunnar hvort það
væri rétt að árið 2012 hefði hann
munað eftir að hafa rætt við miðlar-
ann Rúnar Magna Jónsson en ekki
Ingólf, en núna, þremur árum seinna,
myndi hann eftir að hafa rætt við Ing-
ólf en kæmi ekki nafni Rúnars Magna
fyrir sig. Svaraði Gunnar því játandi.
Ítrekaði hann hvort Gunnar gæti ver-
ið viss um þetta og spurði hann svo
hvort hann gæti fullyrt að honum
hefði verið lofað fullri fjármögnun af
Ingólfi, eins og hann hafði áður greint
frá. Sagði Gunnar að svo væri ekki.
Segir Egil vera í
„algjörri afneitun“
 Viðskiptastjóri ósammála forstjóra Íslensk-ameríska
Morgunblaðið/Golli
Réttað Egill Ágústsson þegar hann kom í réttarsal í gærmorgun. Athygli
vakti að Þórður Gunnarsson héraðsdómari fylgdi Agli inn og úr salnum.
Ágúst Ingi Jónsson
aij@mbl.is
Þrjú íslensk frystiskip voru í gær að
karfaveiðum á Reykjaneshrygg;
Mánaberg ÓF, Oddeyrin EA og Ör-
firisey RE. Samkvæmt upplýsingum
frá Ramma og HB Granda hafa veið-
ar byrjað rólega og skipin verið að fá
undir tonni á tímann. Það er eigi að
síður betri byrjun en á síðustu ver-
tíð.
Veiðar máttu hefjast þarna að-
faranótt sunnudags og voru um 30
skip að veiðum á svæðinu. Rússar
voru í miklum meirihluta, en einnig
skip frá Spáni, Þýskalandi og Nor-
egi. Varðskipið Þór fór í byrjun vik-
unnar til eftirlits á miðunum, sem
eru við 200 sjómílna mörk efnahags-
lögsögunnar. Auk Þórs var þar
spænskt varðskip á vegum Evrópu-
sambandsins.
Kvóti Íslendinga hefur dregist
mjög saman á síðustu árum og leyfi-
legur heildarafli íslenskra skipa í út-
hafskarfa á árinu 2015 er alls 2.947
tonn. Það er 31% af ráðgjöf Alþjóða-
hafrannsóknaráðsins, en árið 2011
samþykkti Norður-Atlantshafsfisk-
veiðiráðið, NEAFC að draga úr
sókn. Rússar eru ekki aðilar að sam-
komulagi um veiðar á djúpkarfa á
Reykjaneshrygg.
Oft yfir 40 þúsund tonn
Á síðasta ári var afli Íslendinga í
úthafskarfa minni en áður frá því að
íslensk skip hófu beina sókn í úthafs-
karfa á Reykjaneshrygg. Á vertíð-
inni fyrri hluta síðasta sumars
veiddu íslensk skip 2.436 tonn sam-
anborið við 8.617 tonn árið á undan.
Þess má geta að á velmektarárum
úthafskarfaveiðanna á Reykjanes-
hrygg fór heildarafli íslensku skip-
anna oft yfir 40 þúsund tonn, sagði á
vef Fiskistofu í vetur. Heildarveiðin
á árinu 1996 var rúmlega 51 þúsund
tonn.
Morgunblaðið/Árni Sæberg
Karfaveiðar á Reykjaneshrygg Um 30 skip frá Rússlandi, Íslandi og fleiri
löndum voru þar að veiðum í gær, en heldur var rólegt yfir aflabrögðum.
Róleg byrjun á
Reykjaneshrygg
 Þrjú íslensk skip á karfaveiðum þar