Fréttablaðið - 19.05.2015, Blaðsíða 30

8 19. MAÍ 2015 ÞRIÐJUDAGUREurovision 2015
Síðan árið 1986 hafa fjölmargir
tekið þátt í Eurovision fyrir
Íslands hönd en fengið
mismikla athygli. Við renndum
yfir sögu Íslands í keppninni
og höfðum samband við þrjá
fyrrverandi keppendur sem
allir muna eftir og athuguðum
hvað þeir væru að gera í dag.
LÉTTKLÆDD MEÐ PALLA
Guðrún Kaldal fór út með Páli
Óskari Hjálmtýssyni til Dublin
árið 1997 en hún var ein af fjór-
um dönsurum sem voru með
honum á sviðinu. Guðrún er í dag
framkvæmdastjóri í frístunda-
miðstöðinni Frostaskjóli. „Ég er
enn þá að dansa en ég er kannski
meira að dansa með gömlum
baller ínum,“ segir hún.
„Hún Helena Jónsdóttir, sem
var danshöfundur, við höfðum
verið að dansa saman í hinum
og þessum sýningum sem sett-
ar voru upp á Hótel Íslandi og
höfðum verið saman í dansinum
í gegnum árin,“ segir hún aðspurð
hvernig hún endaði á sviðinu með
Páli Óskari í Dublin.
Hún segir að það hafi komið
sér á óvart hvað keppnin var stór.
„Þetta var í Dublin árið 1997 og
það var mikill órói á Írlandi þá.
Við þurftum að tæma höllina einu
sinni út af sprengjuhótun,“ segir
hún og bætir við að þau hafi verið
í lögreglufylgd. „Það var rosa-
lega mikil öryggisgæsla og það
fékk enginn nema þeir sem stigu
á svið að fara baksviðs; ekki hár-
greiðslufólkið sem var með okkur
eða sminkan.“ Hún segir að þetta
hafi komið sér mikið á óvart. „Og
hvað þetta var bara ofboðslega
stór hátíð.“
ANNAR „FRAKKANNA“
Daníel Traustason er einn af
eftirminnilegustu dönsurum
sem tekið hafa þátt í Eurovisi-
on fyrir Ísland. Hann dansaði
ásamt Brynjari Þorsteinssyni
þegar Selma Björnsdóttir kom,
sá og næstum sigraði árið 1999.
„Ég er að vinna hjá Vodafone,
er vörustjóri þar, meðal annars
með Vodafone Play,“ segir Daní-
el. Hann segist ekki hafa dans-
að mikið í rúm tíu ár. „Ég hætti
að dansa svona um 2004. Var þá
búinn að vera dansandi alveg frá
því að ég var fjögurra ára.
Þetta er sennilega ein skemmti-
legasta og viðburðaríkasta vika
sem ég hef upplifað. Maður fékk
sínar fimmtán mínútur þarna úti.
Ég hef aldrei kynnst öðrum eins
áhuga,“ segir Daníel. Hann segir
að fylgst hafi verið með þeim
hvert fótmál en þeim hafði verið
spáð mikilli velgengni í keppn-
inni. „Selma var bara algjör rokk-
stjarna þarna. Hún komst ekkert
án öryggisvarða.
Ég á frakkann enn þá,“ segir
Daníel spurður um frakkann góða.
En ferðu stundum í hann,
þegar þér leiðist og tekur nokkur
spor? „Ég var 19 að verða 20 og
hann var nánast saumaður utan
á mig. Ég er ekki mikið að draga
hann fram. En ég þarf að láta
setja hann í glerbúr eða eitthvað,
ég er mikið spurður út í hann,“
segir Daníel og hlær.
BAKRÖDD OG
HLJÓMBORÐSLEIKARI INGU
Eva Ásrún Albertsdóttir hefur
margoft sungið bakraddir með
íslenskum lögum í Eurovision.
Hún fór fyrst út sem bakrödd
árið 1989 til Sviss, 1991 til Rómar,
1993 til Írlands og svo aftur 1994
til Dublin. „Ég er ljósmóðir og
hef verið að vinna undanfarin ár
í mæðraverndinni á Landspítal-
anum en er í leyfi og er að vinna í
Zinzino í dag,“ segir hún.
En ertu að syngja eitthvað í
dag? „Ég var að syngja í Hörp-
unni núna með Brunaliðinu síðast,
þannig að ég er svona af og til.“
Eva Ásrún var meðal bak-
radda sem þurftu að læra í
snatri á hljómborð til að spila á
sviðinu á Írlandi árið 1993 með
Ingu í laginu Þá veistu svar-
ið. „Það voru allt aðrar reglur í
keppninni þá og það urðu bara að
vera á sviðinu þeir sem voru að
spila. Einhvern veginn var lend-
ingin sú að við spiluðum allar á
þessi hljómborð og Eyfi spilaði á
trommur,“ segir hún.
„Þetta var ekki spilað „live“
en það þurfti að „mæma“ hljóm-
borðin. Þetta var rosalegt stress
því það mátti engan veginn að
sjást að það væri eitthvert klúð-
ur í gangi, að við kynnum þetta
ekki. Þetta varð að vera algjör-
lega upp á tíu,“ segir Eva, sem
segist ekki hafa kunnað að spila
á hljómborð. „Ég gerði þetta en
ég er ekki hljómborðsleikari,“
segir hún.
Hvar eru þau í dag?
Búningar stelpnanna vöktu ekki minni
athygli en atriðið sjálft.
Daníel segist enn eiga frakkann en
hann fari ekki í hann lengur. Hann er þó
reglulega spurður um hann.
Eva Ásrún þurfti að gera sér lítið fyrir og
læra að spila lagið á hljómborð.
Biðin eftir sigri hefur verið Íslend-
ingum erfið. Það eru þó nokkrar
þjóðir sem hafa beðið enn lengur
en við eftir sínum fyrsta sigri.
Aðeins þrjár þjóðir hafa beðið
lengur eftir sigri í Eurovision en Ís-
lendingar. Portúgal hefur tekið 47
sinnum þátt í keppninni en fimmtíu
ár eru frá því að Portúgalar tóku
fyrst þátt. Þeir hafa aldrei unnið en
hafa beðið lengst allra eftir sigri.
Kýpur og Malta koma svo næst á
eftir á listanum en hafa beðið tals-
vert skemur en Portúgalarnir. Kýp-
verjar hafa tekið þátt 31 sinni, fyrst
fyrir 32 árum. Maltverjar hafa hins
vegar tekið þátt jafn oft og Íslend-
ingar, eða 27 sinnum. Þeir hafa þó
beðið í heil 43 ár eftir sigri en þeir
tóku fyrst þátt árið 1971.
TVISVAR BRÚÐARMÆR,
ALDREI BRÚÐUR
Íslendingar tóku þátt fyrst árið
1986 og hafa síðan þá beðið eftir
sigri, þrátt fyrir að hafa verið
nokkuð sigurviss með Gleðibank-
ann. Við komumst næst sigri þegar
Selma Björnsdóttir keppti í Ísrael
með lagið All out of luck en þá stálu
Svíar sigrinum, á lokasprettinum í
stigagjöfinni. Ísland var það árið 17
stigum frá sigurlaginu. Mestu mun-
aði það árið um að Bosnía og Hers-
egóvína gaf Íslandi ekkert stig en
Svíum 12 og að Slóvenar gáfu þeim
7 stig en Íslandi ekkert.
Jóhanna Guðrún hefur náð flest-
um stigum fyrir Íslands hönd en
hún var þó nokkuð langt frá því að
næla í glerhljóðnemann fræga þar
sem Alexander Rybak sló stigamet
í keppninni fyrir Norðmenn þegar
hann sögn lagið Fairytale eftir-
minnilega.
Að ógleymdri Siggu Beinteins og
Grétari Örvarssyni, sem höfnuðu í
fjórða sætið árið 1990 með Eitt lag
enn, en þau voru 25 stigum frá því
að vinna keppnina.
LANGT FRÁ SÍÐASTA SIGRI
Spánverjar eru þó ekki mikið betur
settir þó að þeir hafi unnið keppn-
ina tvisvar, árin 1968 og 1969, með
lögin La, la, la og Vivo cantando.
Árið 1969 þurftu Spánverjar þó að
deila sigrinum með þremur öðrum
þjóðum sem fengu jafnmörg stig og
þeir en á þessum tíma var ekki búið
að setja reglur um hvernig ætti að
bregðast við jafntefli. Voru því öll
lögin fjögur lýst sem sigurvegar-
ar í keppninni það árið. Spánverj-
ar hafa síðan þá beðið eftir sigri,
eða í 45 ár.
Frakkar eru í svipaðri stöðu en
þeir hafa unnið fimm sinnum, síð-
ast árið 1977. Þeir hafa þar af leið-
andi ekki unnið í 37 ár þrátt fyrir
að hafa 36 sinnum tekið þátt í
keppninni síðan. Þeim hefur í raun
gengið alveg herfilega illa síðustu
ár, en árið 2014 lentu þeir í síðasta
sæti, sem er þeirra lakasti árangur.
Hollendingar hafa svo þurft að
bíða í heil 39 ár eftir sínum næsta
sigri en á því tímabili hefur þjóðin
tekið 35 sinnum þátt. Þeir unnu síð-
ast árið 1975 með lagið Ding-a-dong.
Fáir hafa beðið
jafnlengi eftir sigri og við
Selma Björnsdóttir var sjónarmun frá
því að vinna Eurovision fyrir okkur
Íslendinga. Aðeins vantaði 17 stig upp á
að ná sigurlaginu.
Sigga Beinteins og Grétar Örvars blésu Eurovision-andanum í þjóðina árið 1993 eftir
döpur ár frá upphafi þátttöku okkar árið 1986.
allt að

70%
afslátt
ur
Fallegt, fágað og töff, allt fyrir Eurovision partýið
Smáralind
facebook.com/CommaIceland
Ábendingahnappinn má finna á
www.barnaheill.is
0
3
-1
2
-2
0
1
5
2
3
:3
8
F
B
0
5
6
s
_
P
0
3
9
K
.p
1
.p
d
f
F
B
0
5
6
s
_
P
0
3
0
K
.p
1
.p
d
f
F
B
0
5
6
s
_
P
0
1
8
K
.p
1
.p
d
f
F
B
0
5
6
s
_
P
0
2
7
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
7
5
F
-4
F
4
C
1
7
5
F
-4
E
1
0
1
7
5
F
-4
C
D
4
1
7
5
F
-4
B
9
8
2
8
0
X
4
0
0
4
B

F
B
0
5
6
s
_
1
8
_
5
_
2
0
1
5
C
M
Y
K