Morgunblaðið - 24.06.2015, Qupperneq 17

FRÉTTIR 17Erlent
MORGUNBLAÐIÐ MIÐVIKUDAGUR 24. JÚNÍ 2015
Íraskt barn svalar þorsta sínum í Harsham-
flóttamannabúðunum á mánudag, tíu kílómetra
vestan við Arbil, höfuðborg sjálfstjórnarsvæðis
Kúrda í Norður-Írak. Barnið hefur þar ásamt
fleirum fundið skjól undan árásum Ríkis íslams,
samtaka íslamista. Búðirnar eru heimkynni ótal-
margra fjölskyldna sem hafa flúið átök í stríðs-
hrjáðu landinu, en þau hafa stigmagnast á
undanförnum árum vegna Ríkis íslams.
AFP
Þorstanum svalað í skjóli sjálfstjórnarsvæðis Kúrda
Harsham-flóttamannabúðirnar eru heimkynni ótalmargra fjölskyldna í Írak
Skúli Halldórsson
sh@mbl.is
Varnarmálaráðherra Bandaríkj-
anna, Ashton B. Carter, staðfesti í
gær að Bandaríkin myndu senda
töluverðan herbúnað til landa í
Austur-Evrópu, allt frá Eystrasalti
til Balkanskaga. „Bandaríski herinn
þarf að eiga auðveldara með að taka
þátt í heræfingum og þjálfun í Evr-
ópu,“ segir Carter í tilkynningu.
Auk Eystrasaltsríkjanna munu
Búlgaría, Þýskaland, Pólland og
Rúmenía fá hergögn send yfir
Atlantshafið, en öll eru þau meðlimir
í NATO. Meðal þess sem Bandaríkin
hyggjast senda til landanna eru um
250 skriðdrekar og aðrar her-
bifreiðar.
Rússar mótmæla uppbyggingu
Búist hefur verið við þessari
ákvörðun Bandaríkjanna síðan um
miðjan maímánuð, en þó svo að
stjórnvöld í Washington hafi opin-
berlega lýst því yfir að herbúnaður-
inn muni ekki vera í löndunum til
langs tíma hafa Rússar harðlega
mótmælt uppbyggingu herliðs við
landamæri landsins.
„Ef bandarísk hergögn, þar á
meðal skriðdrekar, enda virkilega í
löndum Austur-Evrópu, þá er það
herskáasta skref sem Pentagon og
NATO hafa stigið síðan í kalda stríð-
inu,“ sagði talsmaður rússneska
varnarmálaráðuneytisins, Júrí Jakú-
bov, í samtali við rússnesku frétta-
stofuna Interfax í síðustu viku.
Varnarmálaráðherrar Eystra-
saltsríkjanna hafa allir sagt að þeir
fagni ákvörðuninni, samkvæmt
heimildum New York Times.
Senda hergögn til Evrópu
 Bandaríkin senda hergögn til ríkja NATO í Austur-Evrópu  Allt frá Eystra-
salti að Balkanskaga  250 skriðdrekar og aðrar herbifreiðar á meðal gagnanna
„Herinn þarf að
eiga auðveldara
með að taka þátt í
heræfingum og
þjálfun í Evrópu.“
Ashton B. Carter
Skúli Halldórsson
sh@mbl.is
Leiðtogar ríkja Evrópusambandsins
hafa ákveðið að búa til nýtt kerfi ut-
an um komu farandfólks til Ítalíu og
Grikklands. Kemur þetta fram í upp-
kasti að fyrirhuguðum breytingum
sem kynntar verða á fundi leiðtog-
anna á morgun, og breska dagblaðið
The Guardian hefur komist yfir.
Nýja kerfið myndi gera yfirvöld-
um auðveldara að skrásetja innflytj-
endur, taka af þeim fingraför og hafa
þá í haldi í allt að 18 mánuði hafi þeir
komist ólöglega inn fyrir landamæri
sambandsins.
Frontex mun fá aukin völd
Samkvæmt tillögum frá fram-
kvæmdastjórn Evrópusambandsins
verða landamæragæslu þess,
Frontex, falin meiri völd til að reka
farandfólk á brott úr sambands-
ríkjunum. Eins og kerfið er núna
liggur það vald aðeins hjá hverju ríki
fyrir sig.
Tillögurnar komu fram fyrr í
mánuðinum í bréfi ráðherra innflytj-
endamála hjá sambandinu, Dimitris
Avramopolous, til ráðherra allra
ríkja í sambandinu.
„Kerfið sem snýr að brottvísunum
á farandfólki er hvorki nógu hratt né
skilvirkt,“ sagði hann. „Við verðum
að auka skilvirknina og ég er reiðu-
búinn að skoða alla kosti.“
Einkum hafa stjórnvöld á Ítalíu
lýst áhyggjum yfir því að þau séu lát-
in ein um álagið sem fylgir flótta-
mönnum sem koma norður yfir
Miðjarðarhafið frá Afríku.
Vill að ríkin létti á byrði Ítalíu
Undanfarnar vikur hafa ríkis-
stjórnir sambandsríkjanna átt í deil-
um við framkvæmdastjórn sam-
bandsins um kröfur hennar til
þeirra, en hún vill dreifa innflytjend-
um til landanna og með því láta ríkin
létta á byrði Ítalíu.
Þannig mun það verða lagt til á
fundi leiðtoganna á morgun að ríkin
taki til sín 40 þúsund hælisleitendur
frá Ítalíu og Grikklandi næstu tvö
árin og deili þeim á milli sín.
Farandfólki
dreift á ríkin
 40 þúsund hælisleitendum verður
dreift á ríki Evrópusambandsins
Áströlsk stjórn-
völd hyggjast
svipta þá ríkis-
borgararétti sem
hafa tekið þátt í
hryðjuverka-
starfsemi. Mun
ríkisstjórnin
kynna frum-
varpið fyrir
þinginu í dag en með lögunum vill
hún tryggja að vígamenn með tvö-
faldan ríkisborgararétt, sem barist
hafa erlendis, geti ekki snúið aftur
til landsins.
Talið er að undir lögin muni falla
allt að helmingur þeirra 120 Ástr-
ala sem berjast í Mið-Austurlöndum
fyrir samtökin Ríki íslams, að sögn
forsætisráðherrans Tonys Abbotts.
Vegna gildandi laga getur frum-
varpið ekki átt við um þá sem ein-
göngu hafa ástralskan ríkisborg-
ararétt, en Abbott segir að fram
muni fara endurskoðun á lögunum
til að athuga hvort hægt sé að ná
slíku fram.
ÁSTRALÍA
Svipta vígamenn
ríkisborgararétti
Forsætisráð-
herra Pakistans,
Nawaz Sharif,
hefur kallað eftir
neyðarráðstöf-
unum vegna mik-
illar hitabylgju
sem dregið hefur
nær þúsund
manns til dauða í
hinu suðlæga Sindh-héraði.
Þá hefur her landsins verið
kvaddur til að setja upp hjálpar-
miðstöðvar og aðstoða við aðgerðir
yfirvalda.
Mörg fórnarlambanna eru eldra
fólk úr lágtekjufjölskyldum en í
stærstu borg landsins, Karachi,
hefur hitinn mælst allt að 45 gráð-
ur. Heitt andrúmsloft er ekki
óvenjulegt á sumarmánuðum í Pak-
istan, en langvarandi rafmagns-
leysi virðist hafa gert illt verra, að
sögn fréttaritara BBC.
PAKISTAN
Hundruð deyja í
mikilli hitabylgju
ER EKKI ALVEG
ÖRUGGLEGA NÓG PLÁSS
Í KÆLIBOXINU?
Alvöru grillsósur sem gera gott betra.