Morgunblaðið - 24.06.2015, Qupperneq 30

30 MENNING
MORGUNBLAÐIÐ MIÐVIKUDAGUR 24. JÚNÍ 2015
3.855KR
SALTFISKUR
með möndlu og graslauks-
smjöri, fíkjumogkartöflum
g e y s i r b i s t r o . i s
Aðalstræti 2
517 4300
Davíð Már Stefánsson
davidmar@mbl.is
„Ég ákvað að grafa upp þetta gamla
nafn sem hefur fylgt mér í tvo ára-
tugi, þetta er í raun hattur yfir tón-
listarsköpun mína án þess að vera
beint sólóverkefni,“ segir Birgir Örn
Steinarsson, söngvari í Maus og nú
Bigital, en á föstudaginn síðastliðinn
gaf hann út smáskífuna „Bandalag
dauðra dúfna“ af væntanlegri breið-
skífu sinni, 10 short stories.
Afar fjölbreyttar tónsmíðar
„Það kom alveg átta ára tímabil
þar sem ég var ekki viss um hvort
ég ætlaði að halda áfram í tónlist
eða ekki. Ég fór þó að leyfa mér að
búa til þá tónlist sem ég vildi gera,
sem var mjög fjölbreytt, og þegar
ég fór að skoða þetta nánar fékk ég
trúna aftur. Mér þótti ósanngjarnt
gagnvart lögunum að gefa þeim
ekki séns á að rata til einhverra sem
gætu mögulega haft gaman að þeim.
Platan varð því svoleiðis. Hún skipt-
ir svolítið um stíl á milli laga. Fyrsta
smáskífan af plötunni var til að
mynda eins konar blanda af hipp-
hoppi og indírokki, nýjasta smáskíf-
an er síðan ákveðin blanda ind-
ípopps og tangós. Það kemur mjög
skýr tangókafli í laginu sem á margt
skylt með argentínsku bylgjunni
sem fylgdi Ástor Piazzolla í kring-
um 1960. Ég var hins vegar ekkert
að hugsa hvað lögin væru eða fyrir
hvern þau væru gerð, ég vildi bara
koma þessu frá mér. Platan endaði
svo eiginlega út um allar trissur,“
segir Birgir Örn og bætir við að lög-
in á plötunni hafi verið tekin að
stórum hluta upp í lifandi flutningi
þó svo takturinn á nýjustu smáskíf-
unni sé tölvukenndur.
Lag og texti smáskífunnar eru
eftir Birgi Örn en lagið var hljóð-
ritað í London, Reykjavík og Kaup-
mannahöfn af Birgi og Sigga Sig-
tryggssyni. Samkvæmt tilkynningu
er vel valinn hópur tónlistarmanna á
bak við lagið; Henry Bowers-
Broadbent (Kula Shaker, Jack Sa-
voretti) á slagverk, Jak Berry á
flautu, Ricardo Gosalbo á harm-
onikku, Siggi Sigtryggs (Skytt-
urnar, Arashi, Tiger Town & Páll
Óskar) ásamt Birgi Erni sjálfum. Þá
er lagið sungið af Kolbrúnu Magneu
Kristjánsdóttur sem er þessa dag-
ana stödd við rannsóknarstörf í Pal-
estínu.
Myndar band í Danmörku
Birgir Örn kveðst vinna að því
þessa dagana að mynda teymi í
kringum sig til að flytja plötuna í lif-
andi flutningi en hann segir það
hægara sagt en gert.
„Það verður helvíti erfitt að flytja
plötuna á tónleikum þar sem það
þarf að huga að mörgu. Það þarf
svolítið marga hljóðfæraleikara ef
ég ætla að flytja lögin eins og þau
eru á plötunni. Ég er því um þessar
mundir að velta því fyrir mér hvern-
ig ég kemst upp með að flytja þessi
lög með sem fæstum hljóðfæraleik-
urum. Það þurfa þó að vera mjög
færir einstaklingar því að margir
sem koma að gerð plötunnar eru
langskólagengnir í tónlistarflutn-
ingi,“ segir hann en Birgir Örn er
búsettur í Kaupmannahöfn um
þessar mundir þar sem hann er í
sálfræðinámi.
„Ég hugsa að ég reyni að hlaða í
kringum mig bandi hérna úti. Ég
veit að það verður einhver kynning-
arstarfsemi í kringum plötuna í
Skandinavíu og Þýskalandi, það
verður auðveldara fyrir mig að fara
þangað héðan en frá Íslandi,“ segir
hann.
Vinnur að nýjum handritum
Smáskífuna má finna á öllum
fáanlegum netveitum og að sögn
Birgis Arnar verður breiðskífan
einnig fáanleg í rafrænni útgáfu um
allan heim þegar hún kemur út. Þá
segir hann ennfremur að vínylplata
og geisladiskur muni líta dagsins
ljós í september. Í kjölfar þeirrar
útgáfu verði farið í tónleikaferð.
„Það er ekki alveg búið að negla
niður útgáfudaginn en platan er al-
veg tilbúin, ég er bara að bíða eftir
að plötuumslagið verði tilbúið. Ég
ætla síðan að fylgja netútgáfunni
eftir með áþreifanlegri útgáfu. Mér
finnst það einhvern veginn eðlileg-
ast. Þegar ég kaupi plötur hlusta ég
á þær á netinu og kynni mér tónlist-
ina. Ef ég fíla hana fer ég út í búð
og kaupi hana,“ segir hann. Birgir
Örn er ekki einungis að fást við
tónlistarsköpun þessa dagana en
auk þess að vera í sálfræðinámi
leggur hann stund á skrif, þá helst
handritsskrif fyrir kvikmyndir.
Hann skrifaði einmitt handritið að
kvikmyndinni Vonarstræti, sem
Baldvin Z leikstýrði, og kveðst nú
vinna að tveimur nýjum kvikmynda-
handritum.
„Ég og Baldvin Z erum þegar
byrjaðir að fá greiðslur úr kvik-
myndasjóði fyrir næstu mynd. Það
er komið frekar vel af stað. Hand-
ritið verður líklegast tilbúið í lok
sumars og fer í tökur á næsta ári.
Svo skrifaði ég einnig handrit fyrir
Reyni Lyngdal. Ég veit ekki alveg
hvar það er statt, við erum eiginlega
bara að bíða og sjá hvað gerist með
það,“ segir Birgir en þess má geta
að kvikmyndin Vonarstræti hlaut
Edduna fyrir besta handritið.
Fann trúna undir hatti Bigital
 Bigital gefur út smáskífuna „Bandalag dauðra dúfna“ af væntanlegri breiðskífu, 10 short stories
Fjölbreytt Í tilkynningu segir að smáskífa Bigital sé í anda Talking Heads og tangósnillingsins Ástors Piazzolla.
Söngkona „Bandalag dauðra dúfna“ er sungið af Kolbrúnu Magneu.
Sjöunda Barokkhátíðin á Hólum
hefst á morgun og stendur til sunnu-
dags. Dans- og hljómsveitaræfingar
hefjast eftir hádegi á morgun ásamt
söngnámskeiði en upphafsatriði há-
tíðarinnar verður kl. 17 þegar hinn
norsk-íslenski Björgvin gítar-
kvartett heldur tónleika í Hóladóm-
kirkju. Á efnisskránni eru verk eftir
Telemann, Bach, Soler, Haussmann
og Vivaldi. Annað kvöld kl. 20 flytja
Eyþór Ingi Jónsson og Pétur Hall-
dórsson erindi um líf og verk dansk-
þýska barokktónskáldsins Dieter-
ichs Buxtehude í Auðunarstofu. Á
eftir verður kvöldganga í Gvendar-
skál ef veður leyfir.
Föstudaginn 26. júní kl. 12.15 leik-
ur Ólöf Sigursveinsdóttir sellóleikari
ásamt Judy Þorbergsson Tobin
orgelleikara á hádegistónleikum í
Hóladómkirkju. Þær flytja verk eftir
Duport, Magito og Vivaldi. Þórarinn
Arnar Ólafsson læknir fjallar um
heilsufar og lækningar á miðöldum í
í Auðunarstofu kl. 17 sama dag. Um
kvöldið koma þátttakendur saman á
veitingastaðnum Undir Byrðunni.
Duo Borealis kemur fram á há-
degistónleikum á laugardag kl. 12.15
og leikur dúetta fyrir tvær víólur eft-
ir Michel Corrette, Pietro Nardini
og Jean-Marie LeClair. Fiðlusmið-
urinn Annegret Mayer-Lindenberg
fjallar kl. 17 sama dag um hljóðfærið
viola d‘amore. Um kvöldið er hátíð-
arkvöldverður í sal Hólaskóla þar
sem stiginn verður barokkdans.
Barokkhátíðinni á Hólum lýkur
með hátíðarmessu í Hóladómkirkju
á sunnudag kl. 11 og hátíðartón-
leikum Barokksveitar Hólastiftis kl.
14 þar sem Halla Steinunn Stefáns-
dóttir leiðir hljómsveitina sem flytur
valdar barokkperlur sem æfðar hafa
verið meðan á hátíðinni stóð. Að-
gangur að öllum viðburðum hátíð-
arinnar er ókeypis en tekið er við
frjálsum framlögum til stuðnings há-
tíðinni.
Barokkhátíðin á Hólum
Leiðari Halla Steinunn Stefánsdóttir leiðir Barokksveit Hólastiftis.