Fréttablaðið - 14.07.2015, Blaðsíða 2

14. júlí 2015 ÞRIÐJUDAGUR| FRÉTTIR | 2
Norðaustan 5-13 m/s í dag. Víða súld eða
rigning, en styttir upp vestantil á landinu
þegar kemur fram á daginn. Hiti 8 til 16
stig, hlýjast suðvestanlands en kaldast á
annesjum norðaustanlands.
VIÐSKIPTI Viðskiptaráð fagnar
áformum fjármála- og efnahags-
ráðherra um að afnema alla tolla
aðra en matartolla fyrir árið 2017.
Ráðið hvetur stjórnvöld til að
afnema tolla á matvælum sömu-
leiðis.
Í aðgerðunum felst skattalækk-
un sem leiðir til lægra vöruverðs
og aukins kaupmáttar. Samkvæmt
áætlun ráðsins munu breytingarn-
ar draga úr útgjöldum meðalheim-
ilis um 30 þúsund krónur á ári.
Viðskiptaráð benti nýlega á
stórauknar skatttekjur ríkissjóðs
en þær hækkuðu um 59 milljarða
árið 2014. Það er því fagnaðarefni
að stjórnvöld skili hluta þessara
viðbótartekna til baka í formi
skattalækkana sem leiða bæði
til aukinnar samkeppni og lægra
vöruverðs.
Neytendur munu njóta lægra
verðs og fjölbreyttara vöruúrvals
um næstu áramót eftir afnám toll-
anna. Neysluskattar munu lækka
um um 1,8 milljarða vegna þeirra
aðgerða.
Viðskiptaráð hvetur stjórnvöld
til að afnema jafnframt tolla á
matvöru og samhliða því umbreyta
styrkjafyrirkomulagi landbúnað-
arins. Samkvæmt áætlun ráðsins
myndi afnám tolla á matvæli skila
meðalheimili um 76 þúsund króna
sparnaði til viðbótar við þær 30
þúsund krónur sem sparast við
afnám tolla á aðrar vörur. - ngy
Áætlun Viðskiptaráðs sýnir að afnám tolla muni draga úr útgjöldum meðalheimilis um 30 þúsund krónur á ári:
Vilja að matvælatollar hverfi einnig á braut
VERSLUN Viðskiptaráð hvetur stjórn-
völd til að afnema tolla á matvöru.
FRAKKLAND Bastilludagurinn, þjóðhátíðardagur Frakka, er haldinn
hátíðlegur í dag víða um Frakkland.
Á Bastilludeginum fer fram elsta hersýning í Evrópu en hersveit-
ir franska hersins, auk bandamanna Frakklands, ganga í dag fylktu
liði um breiðgötuna Champs-Élysées í París. Hersýningin hefur verið
haldin árlega í París frá árinu 1880 að undanskildum árunum 1940 til
1944 þegar Frakkland var hernumið af Þýskalandi. Á þeim árum fór
hersýningin fram í Lundúnum undir handleiðslu de Gaulle hershöfð-
ingja.
Fjöldi hermanna var við æfingar fyrir hátíðarhöldin í gær en dagur-
inn í dag markar upphaf frönsku byltingarinnar þegar byltingarmenn
hertóku Bastillufangelsið í París árið 1789 til að komast yfir skotvopn
og byssupúður. - srs
Frakkar fagna þjóðhátíðardegi sínum víða um landið í dag:
226 ár frá áhlaupinu á Bastilluna
SKÓGARHÖGGSBRAGUR Fúlskeggjaður liðsmaður frönsku útlendingaherdeildar-
innar tekur þátt í æfingu fyrir þjóðhátíðardaginn í dag. FRÉTTABLAÐIÐ/AFP
DÓMSMÁL Héraðsdómur Vestur-
lands hefur dæmt Ingibjart G.
Richter í hálfs árs fangelsi fyrir
að hafa í vörslu sinni 106 grömm
af amfetamíni.
Efnin fundust við húsleit heima
hjá Ingibjarti og talið er að út frá
styrkleika efnanna hefði verið
hægt að útbúa 227 grömm af efn-
inu fyrir götusölu. Ingibjartur
sagði að efnin hefðu verið til eigin
nota en ekki til sölu og dreifingar
líkt og fram kom í ákæru. - ih
Tekinn með amfetamín:
Dæmdur í hálfs
árs fangelsi
DÓMSMÁL Sautján ára hollensk
stúlka sem sat í gæsluvarðhaldi
í Kópavogsfangelsi ásamt móður
sinni vegna fíkniefnasmygls er
farin heim til Hollands.
„Faðir hennar kom að sækja hana
til Íslands,“ segir Kristín Þyrí Þor-
steinsdóttir, félagsmálastjóri Sand-
gerðisbæjar, sem fylgdi stúlkunni
eftir í gæsluvarðhald eftir að lagt
var hald á tæplega tuttugu kíló af
fíkniefnum í farangri mæðgnanna
í byrjun apríl.
Um er að ræða eitt stærsta fíkni-
efnamál hér á landi í lengri tíma.
Stúlkan sat í gæsluvarðhaldi frá 3.
til 20. apríl en þá var hún sett í far-
bann.
„Ég fylgdi henni eftir í gæslu-
varðhald sem fulltrúi barnavernd-
arnefndar Sandgerðis og var með
henni til þess að gæta réttinda
hennar því lögreglan gætir hags-
muna ríkisins,“ segir Kristín. Hún
bætir við að í Barnasáttmála Sam-
einuðu þjóðanna sé mælst til þess
að börn sitji ekki í fangelsi með
fullorðnum. „Stelpan sýndi skýr-
an vilja til að fylgja móður sinni
og vistast í fangelsi. Við þurftum
að skera úr um það hvort hún ætti
að fylgja móður sinni eða vistast á
Stuðlum sem hefði verið hitt úrræð-
ið. Við færðum rök fyrir því að hún
færi með móður sinni.“
Tálbeituaðgerð var beitt eftir
handtöku þeirra mæðgna sem
leiddi til þess að íslenskur maður
var handtekinn á herbergi á Hótel
Fróni í Reykjavík. Maðurinn var
úrskurðaður í gæsluvarðhald en
var látinn laus tveimur vikum
síðar. Móðir stúlkunnar er enn í
gæsluvarðhaldi. „Það er vegna
rannsóknarhagsmuna og öryggis-
Hollenska stúlkan far-
in heim til föður síns
Sautján ára hollensk stúlka sem sat í gæsluvarðhaldi hér á landi ásamt móður sinni
vegna fíkniefnasmygls er farin heim til Hollands. Mæðgurnar voru teknar með tæp-
lega tuttugu kíló af fíkniefnum. Barnaverndaryfirvöld gættu hagsmuna stúlkunnar.
KEFLAVÍK
Um er að
ræða eitt
stærsta fíkni-
efnamálið
hér á landi í
lengri tíma.
➜ Ekki hefur verið tekin
ákvörðun um það hvenær
aðalmeðferð fer fram.
ins vegna. Þarna eru gríðarlegir
fjárhagslegir hagsmunir í húfi og
öruggara fyrir hana að vera í fang-
elsi,“ segir Guðmundur og bætir við
að stúlkan hafi ekki verið ákærð
því það þótti ekki líklegt til sakfell-
is. „Það var svo margt sem benti til
þess að hún hefði ekki vitað af efn-
unum,“ segir Guðmundur.
„Eftir að stúlkan var sett í far-
bann fór hún í vistun á vegum
barnaverndaryfirvalda. Við fund-
um fyrir hana fjölskyldu og fylgd-
um henni eftir með sálfélagslegum
stuðningi og umgengni við móður
sína,“ segir Kristín og bætir að
stúlkan hafi verið í áfalli og þurft
faglega aðstoð.
Íslensk barnaverndaryfirvöld
voru í góðu sambandi við föður
stúlkunnar og barnaverndaryfir-
völd í Hollandi á meðan stúlkan var
á Íslandi. „Barnavernd í Hollandi
kannaði aðstæður hjá föður hennar
og sendi okkur staðfestingu á því að
það væri ekkert því til fyrirstöðu
að barnið færi til hans.“
nadine@frettabladid.is
F
RÉ
TT
AB
LA
Ð
IÐ
/A
N
TO
N
B
RI
N
K
JEMEN Flugher Sádi-Arabíu felldi
21 óbreyttan borgara í loftárás-
um á San’a, höfuðborg Jemens,
í gærmorgun. Fimmtán hús
hrundu við sprengingarnar. Tveir
dagar eru síðan Sameinuðu þjóð-
irnar tilkynntu um vopnahlé sem
Sádi-Arabía virðir ekki.
Herlið Sádi-Araba og banda-
manna þeirra hefur varpað
sprengjum á yfirráðasvæði fyrr-
verandi forseta Jemens, Alis
Abdulla Saleh, frá því í mars. - þea
Borgarastyrjöld í Jemen:
Felldu 21 í loft-
árásum á San’a
SVEITARSTJÓRNARMÁL Starfsmenn Fjölskylduþjón-
ustu Hafnarfjarðar lýsa yfir þungum áhyggjum af
breytingum á nýsamþykktu stjórnskipulagi Hafnar-
fjarðar.
Í ályktun frá starfsmönnum Fjöl-
skylduþjónustunnar kemur fram
að skipulagsbreytingar þjónust-
unnar undanfarin fimm ár hafi
þegar skilað betri þjónustu til
bæjar búa og aukinni hagkvæmni.
Í ljósi fyrri árangurs þjónust-
unnar er nýju skipulagsbreyting-
unum mótmælt harðlega.
Fjórum starfsmönnum hefur
verið vikið úr starfi, þrír færðir
undir önnur svið og ekki fæst ráðið í afleysingastörf
fyrir tvo starfsmenn sem eru í fæðingarorlofi.
Starfsmenn fjölskyldusviðs telja að skipulags-
breytingarnar séu illa ígrundaðar og að trúnaður á
milli starfsmanna og stjórnenda bæjarins hafi beðið
hnekki.
Guðlaug Kristjánsdóttir, forseti bæjarstjórnar
Hafnarfjarðar og formaður fjölskylduráðs bæjar-
ins, segir allar ábendingar vel þegnar. „Ég hef rætt
við bæjarstjóra og sviðsstjóra Fjölskylduþjónust-
unnar og þetta verður bara skoðað. Þau munu setj-
ast niður með starfsfólkinu og það er í góðum far-
vegi með að ræða málin betur.“ - srs
Starfsmenn Félagsþjónustu Hafnarfjarðar telja breytingar illa ígrundaðar:
Gagnrýna breytingar harðlega
GUÐLAUG KRIST-
JÁNSDÓTTIR
HAFNARFJÖRÐUR Starfsmenn Fjölskylduþjónustunnar segja
hagræðingu þegar hafa skilað sér. FRÉTTABLAÐIÐ/VALLI
VEÐUR
SJÁ SÍÐU 16
VIKINGASUSHI
ÆVINTÝRASIGLING
Upplifðu gersemar Breiðafjarðar
FERJAN BALDUR
Bein leið til Vestfjarða
FLATEY
Eyjan þar sem
tíminn stendur kyrr
www.saeferdir.is
sími 433 2254
➜ Íslenski maðurinn og
móðirin voru ákærð.
➜ Milliþinghald verður haldið
í lok mánaðarins að sögn
Huldu Maríu Stefánsdóttur
saksóknara, sem sækir málið.
➜ Málið var þingfest þann
9. júlí síðastliðinn.
0
3
-1
2
-2
0
1
5

2
2
:5
9
F
B
0
3
2
s
_
P
0
3
1
K
.p
1
.p
d
f
F
B
0
3
2
s
_
P
0
2
6
K
.p
1
.p
d
f
F
B
0
3
2
s
_
P
0
0
2
K
.p
1
.p
d
f
F
B
0
3
2
s
_
P
0
0
7
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
7
5
0
-F
F
A
C
1
7
5
0
-F
E
7
0
1
7
5
0
-F
D
3
4
1
7
5
0
-F
B
F
8
2
8
0
X
4
0
0
1
B

F
B
0
3
2
s
_
1
3
_
7
_
2
0
1
5
C
M
Y
K