Húnavaka - 01.05.1999, Blaðsíða 150

148
HUNAVAKA
ureyringar áttu stundum erfitt með að selja allt sitt smjör svo að birgðir
hlóðust upp. Um slíkt var aldrei að ræða hjá okkur“ sagði Oddur að lok-
um.
Þegar Pétur Sigurðsson hætti sem stöðvarstjóri hjá Mjólkursamsölunni
í Reykjat ík var Oddi Magnússyni boðið starf hans sem hann gegndi síðan
í rúm þrjátíu ár.
Nokkur orð um framleiðsluna
Þannig lýsir Páll í stórum dráttum starfsemi Mjólkursamlagsins gegnum
árin.„Mjólkurduft er kjölfestan í framleiðslu okkar og hefur verið það frá
upphafi. Við urðum fyrstir til að hefja framleiðslu þess og nreð því móti
hefur okkur tekist að skapa okkur sérstöðu innan mjólkuriðnaðarins. Við
þurrkum mjólkina nteð svokallaðri t alsaaðferð og er mjölið frá okkur
eftirsótt vara á íslenskum markaði. Einnig framleiðum við almennar
mjólkurvörur fyrir okkar svæði og ákveðin verkaskipting er milli okkar og
Mjólkursamlags Skagfirðinga á Sauðárkróki. Ennfremur hefur allt frá
ganralli tíð verið verkaskipting milli mjólkursamlaganna í nágrannabæj-
unum, Blönduósi og Hvammstanga.
Við framleiðum smjör og smjörva en ekki osta. Loks má geta þess að
nýjasta afurðin okkar er Sælumjólk sent \’ið framleiðum einir hér á landi.
Sælumjólkin er vönduð mjólkurvara og vinsæl. Hún hlaut silfurverðlaun
á mjólkursýningunni sem var í Herning í Danmörku í september 1998.
Mjólkursamlagið hefur aldrei verið stórt í sniðum. Mjólkurmagnið á
árinu 1997 var 4.079.912 lítrar frá 59 innleggjendum. Starfsmenn sam-
lagsins voru 13. Eg hef löngum haldið því fram að lítil mjólkursantlög
eigi ekki síður rétt á sér en hin stóru, sérstaklega ef þeim tekst að skapa
sér sérstöðu innan mjólkuriðnaðarins.
Þegar litið er yfir hálfrar aldar sögu mjólkursamlagsins verður ekki
annað sagt en hún einkennist af stöðugleika og velgengni. Það er fýrst og
fremst góðu starfsfólki að þakka og hve bændttr hafa staðið dyggilega
vörð um þetta fyrirtæki sitt.
Eg er sérstaklega ánægður með það að síðustu árin hafa mjólkurinn-
leggjendur samlagsins aukið hlutdeild sína verulega í greiðslumarki
landsins í mjólk. Það er hugur í húnvetnskum bændum, góð samstaða
og bjartsýni ríkjandi á framtíð íslensks mjólkuriðnaðar", segir Páll Svav-
arsson að lokum.
Heimildir: Húnaþing I: Pétur B. Olason, Samvinnufélögin á Blönduósi. Mjólkur-
fréttír: 2. tbl. 12. árg. 1998.