Húnavaka - 01.05.2003, Blaðsíða 72

70
HUNAVAKA
sneru þar við og koniu inn í þorpið á nýjan leik án þess að hafa orðið
nokkurs vísari.
Þegar beiðni um leit barst til Blönduóss fór leiðangur þaðan og gekk
inn að Þingeyrasandi en varð einskis var. Jafnframt lagði annar hópur,
6-7 gangandi manna, af stað áleiðis til Skagastrandar og sóttist þeint
ferðin sæmilega rniðað við aðstæður en allar ár voru ísilagðar og gátu
þeir því gengið rakleitt eftir sjávarbökkunum. Undir niorgun þann 7.
mars, daginn eftir strandið, sáu þeir bálið um borð í Asbjörginni. Varð
þeim ljóst að báturinn var strandaður á grynningum norðan við E)jarey
sem er úti fyrir landi niður undan bænum Ytri-Ey og komu þeir fljótlega
skilaboðum til Skagastrandar.
A Skagaströnd brugðu menn fljótt við en Bjarni Helgason hafði þá
þegar verið, ásamt fleiri mönnum, í rnargar klukkustundir um borð í
Stíganda. Voru þeir í sambandi við skipverjana á Asbjörginni og tilbúnir
að leggja af stað til leitar og björgunar strax og þess væri nokkur kostur
vegna veðurs.
Fljótlega eftir að vitað var hvar Asbjörgin hafði strandað fór veðrið að
ganga ofurlítið niður og lagði þá björgunarsveit af stað frá Skagaströnd.
Fór hún á litlum pallbíl með sleða aftan í þar sem björgunartæki og ann-
ar útbúnaður var geymdur. Vegna mikilla svellalaga var hægt að aka yfir
flóa og mýrar og komst sveitin á strandstað um níu leytið um morguninn
og hitti þar fyrir Blönduósingana.
Reynt var að skjóta línu um borð í bátinn og náðu skipveijar henni en
ekki tókst að koma björgun við þrátt fyrir það þar sem línur slógust sam-
an og flæktust í veðrinu. Var þá gripið til þess ráðs að róa á lítilli skektu
frá landi með belg sem bönd voru fest við og freista þess að láta hann
reka að Asbjörginni en það tókst ekki.
Um tíu leytið kom Stígandi á vettvang og hafði við hlið sér litla þriggja
tonna trillu sem Ægir hét og var eign Þórarins Hjartarsonar. Veðrið var
farið að batna en ennþá mikil kvika því sjór var ekki genginn niður og
ekki var vit í að fara alveg að Asbjörginni á Stíganda þótt aðdjúpt væri.
Þrír menn fóru um borð í Ægi og sigldu þeir meðfram borðstokkn-
um á Asbjörginni og stukku skipverjar í einu vetfangi yfir í hann. Um
leið og þeir voru komnir frá borði og rétt í þann mund að trillan var laus
við Asbjörgina rann hún út af skerinu og lagðist alveg á hliöina þannig
að möstrin námu við sjó en síðan rétti hún sig og rak von bráðar upp í
fjöru.
Skipverjar fóru nú um borð í Stíganda sem hélt þegar í stað til hafnar.
Þar urðu fagnaðarfundir skipverja og fjölskyldna þeirra eftir mikla óvissu
og þreytandi og erfiða bið en alls voru skipverjar rúmlega f5 klukkutíma
í bátnum á skerinu.
Asbjörgin náðist af strandstað nokkrunt dögum seinna og var dregin
til Siglufjarðar í slipp. Hún var þar til viðgerðar í nokkurn tíma en kom
svo aftur og reru skipverjar á henni til loka vertíðar.