Húnavaka - 01.05.2003, Side 160

158
H U N A V A K A
lokmi hefðbundnu skyldunámi fór hann í Alþýðuskólann á Laugarvatni
og Samvinnuskólann í Reykjavík en hafði ekki tök á að ljúka þaðan námi.
Hann gekk að eiga Maríu Valdimarsdóttur og stofnuðu þau heimili á
Akureyri. María var frá Húsavík en átti ættir
sínar að rekja til Grímseyjar. A Akureyri vann
Steingrímur við uppskipun og aðra vinnu er
til féll. Steingrímur og María bjuggu saman í
þrjú ár á Akureyri en slitu samvistum. Stein-
grímur flutti þá til Blönduóss en börnin sem
voru orðin þrjú fóru að Móbergi í Langadal
til systkina Steingríms, Onnu og Péturs. Börn-
in eru tvíburarnir, Guðlaug Sigurbjörg og
Stefán Björn, yngri er Valdimar Agúst.
Eftir að Steingrímur flutti til Blönduóss hóf
hann vélavinnu fyrir Búnaðarsamband A-
Hún. Á sumrin vann hann við jarðrækt úti í
sveitum en var á veturna í viðgerðum og við-
haldi á vinnuvélum. Þegar Steingrímur hætti störfum fyrir Búnaðarsam-
bandið byrjaði hann sjálfstæðan atvinnurekstur eigin vörubifreiðar.
Síðustu árin bjó Steingrímur hjá börnum sínum, fyrst hjá Stefáni og
konu hans Ernu, síðan hjá Guðlaugu og manni hennar, Guðsteini, á
Skriðulandi. Þegar þau hættu búi á Skriðulandi flutti Steingrímur með
þeim til Blönduóss. Hann átd síðast heimili hjá dóttur sinni, Guðlaugu,
að Garðabyggð 6.
Steingrímur andaðist á Heilbrigðisstofnuninni á Blönduósi. Utför
hans var gerð frá Blönduósskirkju 1. júní.
Sr. Sveinbjörn Einarsson.
Baldur Reynir Baldursson,
Blönduósi
Fœddur 5. desember 1969 - Dáinn 24. maí 2002
Baldur var fæddur á Blönduósi, sonur Huldu Baldursdóttur og Baldurs
Ármanns Þorvaldssonar sem lést árið 1977.
Baldur Reynir ólst upp til fermingaraldurs á Blönduósi en þá flutti
hann til Isafjarðar með móður sinni og stjúpföður, Sigurgeiri Sverrissyni.
Eftir grunnskóla hóf Baldur störf hjá útgerðar- og fiskvinnslufyrirtækinu
Norðurtanganum á Isafirði sem lyftaramaður í landi og síðan á sjó á bát-
um Norðurtangans.
Árið 1992 flutti hann til Reykjavíkur og vann þar verkamannavinnu.
Eitt ár dvaldi Baldur í Svíþjóð við vinnu hjá símafyrirtækinu Ericsson.