Húnavaka - 01.05.2003, Qupperneq 173

HUNAVAKA
171
Ólöf Guðmundsdóttir
frá Ytri-Löngumýri.
Fædd 10. mars 1918 - Dáin 5. september 2002
Olöf var fædd í Flatey á Skjálfanda. Foreldrar hennar voru Þuríður Elísa
Pálsdóttir húsfreyja frá Brettingsstöðum á Flateyjardal og Guðmundur
Jónasson útt'egsbóndi og útibússtjóri Kaupfélags Þingeyinga í Flatey. Þau
hjónin eignuðust 17 börn en 13 þeirra komust til fullorðinsára.
Olöf ólst upp í Flatey og átti þar öll sín æsku- og uppvaxtarár en þá
bjuggu í eyjunni á annað hundrað manns. I byrjun fimmta áratugarins
fór Olöf í Kvennaskólann á Blönduósi þar
sem hún stundaði nám í hálfan annan vetur.
Nokkru eftir að Olöf lauk nárni fór hún í
kaupavinnu að Ytri-Löngumýri til Björns Páls-
sonar bónda þar. Olöf og Björn felldu hugi
saman og gengu í hjónaband þann 24. maí
árið 1945. Þau eignuðust 10 börn sem eru: As-
laug Elsa, Guðrún, Páll, Guðmundur, Halldór,
Hafliði Sigurður, Björn, Þorfmnur Jóhannes,
Brynhildur og Böðvar.
Olöf og Björn bjuggu á Ytri-Löngumýri í
áratugi eða allt til ársins 1996 er hann lést.
Þau bjuggu af stórhug og á heimili þeirra var
jafnan mikill gestagangur. Olöf var heimakær
og hugsaði af alúð um heimili sitt og uppeldi og umönnun barnanna.
Hún var þeim góð móðir, jafnlynd og gefandi og hvatd þau til náms. Auk
tímafrekra starfa við heimilisstörf, umönnun og uppeldi barnanna hvíldi
búreksturinn einnig að töluverðu leyti á Olöfu. Sérstaklega um 20 ára
skeið á meðan Björn gegndi stöðu kaupfélagsstjóra á Skagaströnd og
þingmennsku.
Olöf var bókhneigð og las jafnan mikið. Hún var ljóðelsk og kunni
mikið af ljóðum og hún naut þess að hlusta á útvarp og tónlist. Hún
hafði áhuga á stjórnmálum og fylgdist vel með á þeim vettvangi og hafði
mótaðar og ákveðnar skoðanir á mörgum málum. Hún var föst fyrir og
ákveðin ef þ\4 var að skipta.
Ólöf var glaðlynd og hlý, hnyttin í orðum og skemmdleg. Hún var
minnug og heiðarleg, vönd að virðingu sinni og hún klæddist af smekk-
vísi. Síðustu árin bjó hún í Kópavogi og undi þar vel hag sínum.
Olöf var kvödd frá Kópavogskirkju þann 13. september ogjarðsett að
Guðlaugsstöðum degi síðar.
Sr. ÆgirFr. Sigurgeirsson.