Húnavaka - 01.05.2003, Side 175

HUNAVAKA
173
en látin fyrir fáeinum árum, þá Kalla sjálf, því næst Elísabet Gottfreda f.
1918 en hún lést fyrr á þessu ári, þá Jörgen Fredrik Ferdinand f. 1922
og loks Hans Ragnar f. 1928.
Hlýindasumarið 1939 giftist Kalla Guðmundi Þórarni Jónssyni og á bú-
skaparárum sínum eignuðust þau fjögur börn sem eru í aldursröð:
Hlöðver sjómaður og vörubílsstjóri á Sauðárkróki f. 1939, kvæntur Erlu
Guðvarðardóttur og eiga þau fjögtir börn. Selma húsmóðir á Skaga-
strönd f. 1942, d. 1990 en hennar eftirlifandi
eiginmaður er Eiður Hilmarsson og eignuð-
ust þau tvö börn. Jónbjörn sjómaður á Sauð-
árkróki f. 1950 en fyrrverandi eiginkona hans
er Elín Gerður Jóhannesdóttir og eignuðust
þau Jiijú börn. Yngst er Regína Olína verslun-
armaður á Laugarbakka f. 1954 en fyrrver-
andi eiginmaður hennar er Víðir Gissurarson
og eignuðust þau tvö börn á sínum hjúskap-
arárum.
Kalla sleit barnsskónum í foreldrahúsunum
á Stóra-Bergi ásamt systkinum sínum fimm. A
Stóra-Bergi var símstöð og hafði Kalla starfa
af því í nokkur misseri á æskuárum sínum að
sendast fyrir símstöðina með upplýsingar og skilaboð út og suður til bæj-
arbúa.
Sama ár og Þórarinn og Kalla giftu sig hófu þau búskajD að Sólheimum
á Skagaströnd og bjuggu Jjar fyrstu tólf búskaparárin. A Sólheimaárun-
um stundaði Þórarinn sjómennskuna en einnig höfðu þau dálítinn bú-
skap, kýr til heimilis, nokkrar kindur og fáein hross. A þessum árum söng
Kalla með kirkjukór Hólaneskirkju og liélt tryggð við sóknina alla tíð síð-
an.
Arið 1951 keyptu þau Þórarinn og Kalla jörðina Foss á Skaga og fluttu
þangað sama ár með fjölskylduna. A Fossi komu þau sér fljótlega upp all-
nokkru búi, þar sem sauðfé var meginhluti bústofnsins en einnig var
haldið áfram með kýr til heimilis og nokkur hross. A Fossi hafði Kalla
það verk með höndum um árabil að hafa umsjón með bókasafni Lestrar-
félags Skefdstaðahrepps.
Arið 1963 var stórt skarð höggvið í fjölskylduna á Fossi þegar fjöl-
skyldufaðirinn Þórarinn lést í hörmulegu dráttarvélarslysi á Þverárfjalli.
Fráfall Þórarins gerði það að verkum að Kalla sá þann kost vænstan að
bregða búi og flytja inn á Sauðárkrók. Þar var hún dugleg að afla sér
vinnu til þess að geta séð fjölskyldu sinni farborða, fyrst í fiskvinnslu og
síðar í kjötvinnslu og starfaði \ ið það uns hún gerðist löggiltur eldri borg-
ari. Fyrir um sjö árum flutti hún inn á Dvalarheimili aldraðra á Sauðár-
króki og fimm árum síðar inn á Hjúkrunardeild aldraðra í sama bæ þar
sem hún dvaldi til hinsta dags.