Húnavaka - 01.05.2003, Síða 188

186
HUNAVAKA
mennsku hans. Ein er sú að einhverju sinni hafði hann aflað vel og vildi
halda veiðistaðnum fyrir sig. Var þá ræst fyrr en vani var í næsta túr og
farið með bjóðin um borð í myrkri og siglt út úr höfninni ljóslaust. Þeg-
ar menn á öðrum bátum komu niður á hryggju og ætluðu að sjá hvert
kappinn færi þá var Kiddi á bak og burt.
Þótt sjómennskan hafi átt hug hans um alllangt skeið þá tók hann þá
ákvörðun 1959 að láta af sjósókn og hafði allt sitt starf á þurru eftir það.
I landi vann hann sem hafnarvörður um árabil en 1965 hóf hann störf
hjá Rarik og vann þar til sjötugs við mælalestur og vélgæslu.
Kiddi gegndi fjölmörgum félags- og trúnaðarstörfum á Skagaströnd
og í þeim störfum sem og öðrum störfum gekk hann hreint og beint til
verks. Hann var formaður slysavarnarfélagsins um skeið. Sat í hrepps-
nefnd Höfðahrepps í 12 ár, 1966-1978.
Formaður verkalýðsfélagsins var Kiddi í fimmtán ár eða frá 1964-1979
þar sem hann vann mikil og góð störf. Hélt hann hagsmunum og rétti fé-
lagsmanna sinna fram af krafti, festu og sanngirni. Einnig var Kiddi mik-
ill áhugamaður um uppbyggingu atvinnulífsins í heimahéraði. Má í því
sambandi nefna að hann sat í stjórn Skagstrendings um tveggja áratuga
skeið og miðlaði þar af dýrmætri lífsreynslu sinni og þekkingu til sér
yngri manna til heilla fyrir félagið. Auk þess beitti hann sér fyrir stofnun
Rækjuvinnslunnar, var einn af 10 stofnendum hennar og hluthafi í henni
uns hún sameinaðist Hólanesi hf.
I öllum þessum félags- og trúnaðarstörfum kom það skýrt fram að
Kiddi var mjög mikill stjórnmálamaður í besta skilningi þess orðs. Hann
hafði mjög ákveðnar skoðanir á því hvernig málum fólksins skyldi stjórn-
að. Og þær skoðanir sem Kiddi aðhylltist voru vel vinstra megin við miðju
enda var Kiddi, bæði af sjálfum sér og öðrum, talinn mikill vinstrimaður,
svo mikill að gárungarnir sögðu að þegar liann fylgdist með fótboltaleik
þá kom ekkert annað til greina en að fylgjast með honum af vinstri kant-
inum, séð frá sjónarhorni síns liðs. Auk fótboltans hafði Kiddi mikinn
áhuga á brids og var fyrir nokkrum árum gerður að heiðursfélaga í Brids-
klúbbi Skagastrandar.
Hinir skörpu og skýru drættir í andliti Kidda gerðu það að verkum að
liann virkaði dálítið kaldur á yfirborðinu. En undir hrjúfu yfirbragði
leyndist ljúfur maður og góður fjölskyldufaðir. Voru þau Gígja, eins og
Guðný konan hans er jafnan kölluð, samhent í því að koma börnunum
til þroska og manns. Kristinn andaðist á heimili sínu og var útför hans
gerð frá Hólaneskirkju 15. nóvember.

Sr. Magnús Magnússon.