Húnavaka - 01.05.2003, Blaðsíða 229

H U N A V A K A
227
Nýtt hesthús og beett adstaða Jyrir hestamenn við Hveravelli.
Ljósm.: Björg Helgadóttir.
efsson, Steinnesi, varaformaður,
Gunnar Ríkharðsson, Þingeyrum,
gjaldkeri, Ægir Sigurgeirsson,
Stekkjardal, ritari og Valur K.
Valsson, Flögu, meðstjórnandi.
Björn Magnússon.
HESTHÚS Á HVERAVÖLLUM.
Um alllangt skeið hafa staðið
hesthús norðanundir Breiðmel
sem er norðan við Hveravelli. Upp-
haflega var byggt þarna eitt hús til
að hýsa hesta gangnamanna og
hesta girðingavarðarins sem hefur
síðan mæðiveikigirðingin var girt
milli Hofsjökuls og Langjökuls
annast vörslu með henni á sumrin.
Fljótlega kom í ljós að eitt hús
nægði ekki í vondum veðrum og
var þá annað byggt og haft stærra
en hið fyrra.
Með auknum fjölda ferða-
manna á sumrum hefur jafnt og
þétt aukist þörf fyrir meiri þjón-
ustu á staðnum. I mörg ár hefur
verið selt hey til ferðamanna en
ákveðinn vandi hefur verið að ekki
var rennandi vatn í húsunum. Vor-
ið 2001 ákvað hreppsnefnd Svína-
vatnshrepps að láta vinna
gagngerar endurbætur á og við
hesthúsin. Nýrra húsið var stækkað
um helming og endi í því innrétt-
aður sem hnakkageymsla. Þar var
jafnframt komið fyrir snyrtingu og
rotþró utan við. Aðstaða við rétt
kringum húsin var stórbætt og
geta nú auðveldlega þrír til fjórir
hópar hestamanna athafnað sig
samtímis. Ætla má að auðvelt sé að
hýsa þarna 150 hross. Þá var graf-
ið fýrir vatnsbóli norðaustur af hús-
unum og þar sett niður tunna.
Fengin var sólarrafhlaða, rafgeym-
ar og dæla og er vatni nú dælt upp
í hesthúsin þannig að hestar hafa
nægt vatn. Þannig fæst líka vatn á
klósett og til annarra þarfa. Má
telja að þessi aðstaða sé ein sú
besta, sem völ er á, á Miðhálendi
Islands þegar fólk fer um landið
með hesta sína.
Jóhann Guðmundsson.