Dagblaðið Vísir - DV - 26.08.2009, Blaðsíða 3

arið 2008 þegar hinir hluthafarnir í
Skiptum voru keyptir út og varð í kjöl-
farið eini hluthafi þess. Skuldbind-
ingar Skipta færðust því alfarið yfir á
herðar Exista við þennan gerning.
Engar upplýsingar
frá Kaupþingi
Finnur Sveinbjörnsson, bankastjóri
Nýja Kaupþings, neitar aðspurður að
svara þeirri spurningu hvernig Skipt-
um gangi að standa í skilum með af-
borganir af láninu. Hann neitar sömu-
leiðis að svara þeirri spurningu hvort
bankinn hyggist taka Exista yfir út af
skuldastöðu félagsins. „Ég hef ekkert
um þetta að segja. Ekkert um þetta að
segja,“ segir Finnur um málið.
Berghildur Erla Bernharðsdóttir,
upplýsingafulltrúi Kaupþings, vildi
heldur ekki tjá sig um málið aðspurð.
Hún segist ekki geta tjáð sig um mál-
efni einstakra viðskiptavina. Hvað
sem líður svörum talsmanna bankans
er alveg ljóst að skuldastaða Exista er
það slæm að félagið getur vart varist
gjaldþroti og kröfuhafar þess virðast
ætla að ná eignum félagsins til sín.
„Svona var Ísland“
Innanbúðarmaður úr íslenska banka-
kerfinu, sem vill ekki láta nafns síns
getið, sem þekkir vel til Exista seg-
ir að það þurfi ekki að koma mikið á
óvart að kaup Skipta á Símanum hafi
verið fjármögnuð að stóru leyti með
láni frá Kaupþingi. „Ég meina, svona
var Ísland. Það var ekki þannig að
menn væru oft að fjármagna kaup sín
með miklu eigin fé, það var bara að
sáralitlu leyti sem það var gert,“ segir
bankamaðurinn.
Hann segir að Exista og dóttur-
félög þess séu svo skuldsett að ekki
megi búast við því að neinn arð-
ur verði af rekstri félagsins á næstu
árum. „Ekki nóg með að Exista sé
kengskuldsett heldur eru dótturfé-
lög þess líka skuldsett. Það er ekkert
að fara upp í skuldir Exista á næst-
unnni því dótturfélögin eiga nóg með
að borga af skuldum sínum. Eigend-
ur Exista munu því ekki fá neinn arð
af félaginu á næstunni,“ segir banka-
maðurinn en stjórnendur Exista hafa
lagt það til við kröfuhafa bankans að
dótturfélög Exista greiði móðurfé-
laginu arð og að rekstrarkostnaður
félagsins verði einn milljarður króna
á ári. Kröfuhafar félagsins hafa lagst
gegn þessum tillögum.
Aðalfundur Exista verður haldinn
í dag og verður ársreikningur félags-
ins meðal annars lagður þar fram auk
þess sem tekin verður ákvörðun um
greiðslu arðs til eigenda félagsins.
fréttir 26. ágúst 2009 miðvikudagur 3
Hver tannlæknanemi kostar menntamálaráðuneytið 2,65 milljónir á ári:
90 milljónir í tannlæknanema
1.139
1.588
2.650
Enginn skólastjóri hefur verið ráðinn við grunnskólann á Hvolsvelli fyrir veturinn:
Hafnaði skólastjórastöðunni
„Þetta er fyrst og fremst út af að-
stæðum sem komu upp í fjölskyld-
unni,“ segir Friðþjófur Helgi Karls-
son um ástæður þess að hann hefur
hafnað stöðu skólastjóra grunn-
skólans á Hvolsvelli. Gert var ráð
fyrir að hann myndi hefja störf nú
í septemberbyrjun en skólasetning
Hvolsskóla var í gær.
Friðþjófur hefur gegnt stöðu
aðstoðarskólastjóra Hjallaskóla í
Kópavogi og gerir það áfram. „Ég
var ekki búinn að gefa það algjör-
lega frá mér,“ segir hann.
Elvar Eyvindsson, sveitarstjóri
Rangárþings eystra, segir það
vissulega vonbrigði að Friðþjófur
taki ekki við. „Jú, þetta er auðvitað
leiðinlegt.“ Enn er óvíst hver verður
ráðinn í hans stað. „Við eigum fjöl-
marga leiki uppi í erminni,“ segir
hann en vill ekki skýra það nánar
að svo stöddu.
Spurður hvort ekki sé eðlilegast
að halda áfram viðræðum við Hall-
dóru K. Magnúsdóttur, aðstoðar-
skólastjóra Hvolsskóla, segir Elvar:
„Þeim viðræðum var slitið form-
lega. Það yrði þá að taka þær upp
að nýju og við höfum ekki tekið um
það ákvörðun enn að gera það,“
segir hann.
Áður en ákveðið var að ráða Frið-
þjóf fékk sveitarstjórnin matsmenn
til að meta hæfi umsækjenda. Frið-
þjófur og Halldóra voru þar met-
in „vel hæf“ en Halldóra þó hæf-
ari. Halldóra setti upphaflega þau
skilyrði fyrir ráðningu sinni að eig-
inmaður hennar, Unnar Þór Böðv-
arsson, fráfarandi skólastjóri, yrði
ráðinn í hálfa stjórnunarstöðu við
skólann. Hluti sveitarstjórnar lagð-
ist á móti þessu og féll Halldóra því
frá kröfunni áður en til ráðningar
kom. Friðþjófur var síðan ráðinn í
síðustu viku eins og DV greindi frá.
Elvar segir skólastarfið í ör-
uggum höndum núverandi starfs-
manna þrátt fyrir að enginn
skólastjóri hafi verið ráðinn fyrir
veturinn. Hann vonast til að málið
skýrist frekar í vikunni.
Aðrir umsækjendur um starf
skólastjóra voru Eyjólfur R. Braga-
son, verkefnisstjóri hjá Grindar-
víkurbæ, og Þorsteinn Kristjáns
Jóhannsson, starfsmaður Náms-
matsstofnunar.
Halldóra vildi ekki tjá sig um
málið þegar DV náði tali af henni
í gær.
erla@dv.is
Skólinn hafinn Óvíst er hvort gengið
verður aftur til viðræðna við Halldóru
K. Magnúsdóttur, aðstoðarskólastjóra
Hvolsskóla.
Hass og gras í
Grafarholti
Lögreglan á höfuðborgarsvæðinu
lagði hald á eitt og hálft kíló af hassi,
ríflega 600 grömm af marijúana og
kókaín í neysluskömmtum í íbúð í
Grafarholti.
Tveir menn á þrítugsaldri hafa
verið handteknir og yfirheyrðir í
tengslum við rannsókn málsins. Þeir
hafa áður komið við sögu lögreglu.
Húsleitin var framkvæmd að undan-
gengnum dómsúrskurði.
Fyrrnefnd aðgerð er liður í að
hamla gegn sölu og dreifingu fíkni-
efna en sem fyrr minnir lögreglan á
fíkniefnasímann 800-5005. Í hann
má hringja nafnlaust til að koma á
framfæri upplýsingum um fíkni-
efnamál.
kaupþinG lánaði fyrir símanum
n Lögin um ráðstöfun þess fjár
sem fékkst við sölu Landsíma Ís-
lands árið 2005 voru numin úr
gildi í desember árið 2008, í kjölfar
bankahrunsins á Íslandi. Ástæðan
var sú að ríkisstjórnin vildi ekki vera
bundin af lögunum heldur að hún
gæti ráðstafað peningunum í fjár-
lögum ár frá ári. Samkvæmt frum-
varpinu átti að verja 43 milljörðum
af þeim 67 sem fengust fyrir Land-
símann í alls kyns framkvæmdir
fram til ársins 2012. Meðal annars
átti að verja 15 milljörðum króna í
vegaframkvæmdir og 18 milljörð-
um í uppbyggingu Landspítala-há-
skólasjúkrahúss. Lægri upphæðir
áttu svo að renna til ýmissa verk-
efna eins og bættra búsetuskilyrða
og fjarskipta á landsbyggðinni sem
og í úrræði fyrir geðfatlaða. Búið
var að verja fjármununum í einhver
þeirra verkefna sem rætt var um í
lögunum þó svo að það hafi ekki átt
við um þau stærstu: uppbyggingu
Landspítalans og byggingu Sunda-
brautar fyrir 8 milljarða króna.
Ekki liggur ljóst fyrir nákvæm-
lega hversu miklu af Landsímapen-
ingunum hefur verið eytt í fram-
kvæmdirnar en það liggur ljóst fyrir
að ríkissjóður á enn eftir einhverja
tugi milljarða af þeim 43 sem nota
átti, auk þess sem milljarðarnir 23
sem af gengu eru í varasjóði ríkisins
í Seðlabanka Íslands.
„Ég meina, svona var
Ísland. Það var ekki
þannig að menn væru
oft að fjármagna kaup
sín með miklu eigin
fé, það var bara að
sáralitlu leyti sem það
var gert.“
SÍmapEningarnir áttu mEðal annarS að fara Í:
n Vegaframkvæmdir fyrir 15 milljarða. Meðal annars byggingu Sundabrautar fyrir
8 milljarða, Norðausturvegur 1,5 milljarðar og Suðurstrandarvegur 400 milljónir.
n Uppbygging Landspítala-háskólasjúkrahúss fyrir 18 milljarða króna.
n Kaup á varðskipi fyrir Landhelgisgæsluna fyrir 2 milljarða.
n 2,5 milljarðar til bættrar fjarskiptaþjónustu, meðal annars á landsbyggðinni.
n 1 milljarður í nýbyggingu fyrir Stofnun íslenskra fræða - Árnastofnun.
* 43 milljarðar af 67
löGin um símapeninGana afnumin í desember
Skulda ennþá fyrir Símann Skipti,
móðurfélag Símans sem er í eigu
Exista, skuldar Nýja Kaupþingi rúma
54 milljarða króna á núverandi gengi
og gæti félagið verið yfirtekið af
bankanum vegna þessa. Aðalfundur
Exista verður haldinn í dag.
Exista í kröppum dansi Svo gæti
farið að eignarhaldsfélagið Exista verði
yfirtekið af kröfuhöfum þess en félagið
er „kengskuldsett“, meðal annars út af
kaupunum á Landsíma Íslands árið 2005.
Myndin sýnir eigendur og stjórnendur
Exista á aðalfundi félagsins árið 2007. Frá
vinstri Lýður Guðmundsson, Sigurður
Valtýsson, Erlendur Hjaltason og Ágúst
Guðmundsson.