Dagblaðið Vísir - DV - 26.08.2009, Síða 30
Fullt var út úr dyrum í kjallara
Batterísins á Menningarnótt þeg-
ar leikverkið Kata Dori:!!Seagal!!
var frumsýnt. Verkið sýnir leik-
hópurinn Cobra Kai en í honum
er meðal annars að finna hina
ungu og efnilegu listamenn Hall-
dór „DNA“ Halldórsson og Snorra
Engilbertsson úr Astrópíu. Vísa
þurfti fólki frá en brjáluð stemn-
ing myndaðist á sýningunni sem
er svokallað „Action-theatre“.
Þegar hápunkti sýningarinnar
var náði æpti einn áhorfendanna
upp yfir sig af spenningi: „Þetta
er geðveikt“. Verkið er hluti af art-
Fart og verður sýnt í síðasta sinn á
fimmtudaginn.
„Já, að sjálfsögðu myndi ég svara kall-
inu ef það kæmi,“ segir grínistinn Stein-
þór H. Steinþórsson, betur þekktur sem
Steindi Jr. Fyrir nokkrum dögum stofn-
uðu adáendur hans grúppu á Facebook-
samskiptavefnum undir yfirskriftinni
„Við viljum Steinda Jr. í áramótaskaup-
ið!“. Ekki hefur staðið á viðbrögðun-
um en yfir 2000 manns hafa skráð sig í
grúppuna.
„Þetta kom mér mjög á óvart og ég
er mjög ánægður með þetta pepp,“
segir Steindi um stuðninginn. „Það
er bara jákvætt ef maður getur feng-
ið einn, tvo til þess að brosa á þessum
síðustu og verstu tímum.“ Steindi tekur
þó fram að ef hann yrði fenginn til þess
að skrifa eða leika í Skaupinu yrði það
að vera í svipuðum dúr og það grín sem
hann hefur verið að gera. „Ég myndi
ekki setja á mig hárkollu og leika Davíð
Oddsson nema ég fengi ítrekað löðrung
á meðan.“
Það er Gunnar Björn Guðmundsson
sem leikstýrir Skaupinu að þessu sinni
en hann er þekktastur fyrir myndina
Astrópíu. Þá eru það þeir Ari Eldjárn
og Ottó Geir Borg sem skrifa handritið.
Sjálfur segir Steindi Skaupið frá árinu
1994, sem Guðný Halldórsdóttir gerði,
vera í mestu uppáhaldi hjá sér. „Og líka
Skaupið árið 2006 sem Þorsteinn Guð-
mundsson, Hugleikur Dagsson og Ari
Eldjárn skrifuðu, ásamt fleirum. Það var
ekkert smávegis gott að fara út á gaml-
árskvöld með rótsterka blöndu eftir að
Þorsteinn hafði lokið Skaupinu með
sögulegu söngatriði.“
asgeir@dv.is
Hvattur í Skaupið
Yfir 2000 manns vilja Steinda Jr. í Áramótaskaupið 2009:
Yfirmenn eimskips á skólabekk:
30 miðvikudagur 26. ágúst 2009 fólkið
Steindi Jr. Heldur sjálfur
mest upp á Skaupið 1994
og 2006.
„Þetta er
geðveikt“
Miðasala er hafin á hausttón-
leika Harðar Torfasonar sem
haldnir verða í Borgarleikhúsinu
8. september klukkan 20. Þetta
er í þrítugasta og þriðja sinn sem
Hörður stendur fyrir þessum
tónleikum. Líklegt má telja að
kappinn taki bæði gömul lög og
einhver sem eru nýrri af nálinni.
Spurning hvort einhverjir mót-
mælasöngvar fái að fljóta með
að þessu sinni þar sem Hörður
er þessi dægrin kunnastur fyrir
aðgerðir sínar sem mótmælandi
eftir atburði síðasta vetrar. Eins
og kunnugt er fór hann fremstur
í flokki þeirra sem stóðu fyrir
laugardagsmótmælunum á
Austurvelli mánuðina eftir efna-
hagshrunið. Miðasala á tónleik-
ana er á midi.is og er miðaverð
3.800 krónur.
miðaSala
Hafin á
Hörð
„Við sáum auglýsingu um þetta nám
og tókum þá skyndiákvörðun í ein-
hverjum hádegisverðinum að skella
okkur í það,“ segir Ólafur William
Hand, markaðsstjóri Eimskips, sem
á dögunum lauk pungaprófinu svo-
kallaða í sjómennsku. Og Ólafur var
ekki einn um það því forstjóri fyrir-
tækisins, Gylfi Sigfússon, fór með
honum í námið.
„Okkur fannst líka allt í lagi að
hafa einhverja þekkingu á sjó-
mennskunni fyrst við erum að vinna
hjá skipafélagi. Það var aðalástæð-
an. Við erum ekki að fara að stýra
Fossunum,“ segir Ólafur hlæjandi
og vísar þar til skipa Eimskips en öll
bera þau nöfn sem enda á „foss“.
Pungaprófið veitir mönnum
réttindi til að stýra skipum sem eru
þrjátíu rúmlestir eða minni. Námið
tóku þeir félagar í fjarnámi en það
stóð yfir í átta vikur. „Þetta var þræl-
skemmtilegt,“ segir Ólafur. „Fyrir-
lestrarnir voru í formi myndbands-
upptakna og svo var tekin ein helgi,
frá hálf níu á morgnana til sex á
kvöldin, þar sem við prófuðum sigl-
ingahermi, fórum yfir vélfræðina,
fjarskiptatæknina og fleira. Fengum
svona nasaþef af flestu því sem þarf
að vita.“
Og augljóst er að forstjórinn og
markaðsstjórinn sinntu náminu vel
því þeir fengu báðir 9,5 í meðalein-
kunn. Þeir voru þó ekki dúxarnir í
bekknum telur Ólafur. „Ég held að
það hafi verið reynslumeiri sjómenn
sem voru með aðeins hærra. En 9,5
er helvíti gott. Við vorum allavega
mjög stoltir af því.“
Það er því ekki á Ólafi að heyra
að það hafi verið átak fyrir hann og
forstjórann að setjast aftur á skóla-
bekk eftir töluvert langt hlé. Gylfi
útskrifaðist sem viðskiptafræðing-
ur frá Háskóla Íslands árið 1990 og
Ólafur sat síðast á skólabekk þegar
hann var við nám hjá Endurmennt-
un HÍ fyrir um tíu árum, þá í mark-
aðs- og útflutningsfræðum. „Maður
er þroskaðri núna og sýndi náminu
meiri áhuga heldur en þegar mað-
ur var ungur. Auðvitað þurfti maður
að liggja vel yfir þessu, rifja upp al-
gebruna og svona, en þetta var fljótt
að koma. Við Gylfi hjálpuðumst líka
að, notuðum nokkur kvöld í vikunni
fyrir próf til að hlýða hvor öðrum
yfir.“
Ólafur og Gylfi eru hins vegar ekki
komnir með skírteini í hendurnar
til sönnunar þess að þeir séu með
pungaprófið. „Við þurfum að skila
inn læknisvottorði, vottorði um sigl-
ingatíma og fleira til að fá skírteinið
og við eigum bara eftir að gera það,“
segir Ólafur og bætir við að hann sé
með nægilega marga siglingatíma
frá því hann var á sjó þegar hann var
yngri. Gylfi sé einnig með einhvern
siglingatíma að baki en markaðs-
stjórinn er ekki viss hversu mikinn.
Aðspurður hvort hann telji nám-
ið geta komið sér að gagni í mark-
aðsstjórastarfinu og forstjóranum í
sínu starfi kveðst Ólafur binda vonir
við það.
„Þetta opnar allavega augun fyr-
ir manni hvað það er í mörg horn
að líta á sjó. Maður gerir sér aðeins
betur grein fyrir því hvaða ábyrgð
þeir bera, allir þessir sjómenn sem
vinna fyrir félagið. Þeir þurfa að
kunna siglingareglurnar algerlega
upp á tíu þegar komið er í erlendar
hafnir víða um heim. Maður fær líka
meiri skilning á því hvaðan við kom-
um sem Íslendingar sem er kannski
aðalatriðið í þessu,“ segir Eimskips-
markaðsstjórinn með pungaprófið
volga.
kristjanh@dv.is
eimSkipStoppar
tóku punga-
prófið
Forstjórinn og markaðsstjórinn
Hjálpuðust að í náminu og fengu
báðir 9,5 í meðaleinkunn.