Dagblaðið Vísir - DV - 13.11.2009, Blaðsíða 21

helgarblað 13. nóvember 2009 föstudagur 21
Stríðið um bjargvætt þjóðarinnar
metra á þekktum miðum við strend-
ur landsins. Ég er einn þeirra sem
tortryggi ráðgjöf Hafró af því að hún
stríðir gegn reynslu sjómanna og fer
gegn heilbrigðri skynsemi. Menn
vita að hafið er ofsetið af smáþorski.
Hann hefur svo ekki komið fram í
veiðinni sem fullvaxinn fiskur síðar
meir og því er lánleysi Hafró við að
ávaxta stofninn í sjó tilfinnanlegt.
Raunvexir hafa alltaf verið neikvæðir
af því að geyma þessi verðmæti í sjó
og ætla sér að njóta ávöxtunarinnar
síðar,“ segir Kristinn.
Geta ofveitt á
undraskömmum tíma
Friðrik J. Arngrímsson, fram-
kvæmdastjóri Landssambands ís-
lenskra útvegsmanna, er mjög ósam-
mála því að skortur sé á gögnum um
ástand þorskstofnsins. „Við getum
alveg veitt 200 til 300 þúsund tonn af
þorski með 20 til 30 skipum í frjáls-
um veiðum á skömmum tíma. Við
vitum að flotinn getur veitt miklu
meira en hann gerir af þorski. En það
er aðeins gert einu sinni eða tvisvar
og ekki víst að þetta hefði góð áhrif á
stofnstærðina og sjálfbærar veiðar.“
Friðrik telur vænlegra að huga
frekar að því að nota gögn sem til
eru innan greinarinnar, um togveið-
ar, línuveiðar, netaveiðar og fleiri
tegundir veiðiskapar. „En að veiða
frjálst í tiltekinn tíma segir okkur
ekkert umfram það sem við vitum nú
þegar.“
Friðrik undirstrikar þá afstöðu
LÍÚ að óhætti hefði verið að halda
þorskaflanum í 160 þúsund tonnum,
bæta sem sagt 10 þúsund tonnum
við þorskkvótann á nýjan leik.
Ekki tilraunarinnar virði
Jóhanni Sigurjónssyni, forstjóra Haf-
rannsóknastofnunarinnar, lýst illa
á hugmyndir um vísindaveiðar. „Að
auka þorskaflann umtalsvert undir
yfirskini vísindaveiða er ekki tilraun-
arinnar virði. Ég held að vísinda-
veiðar á þorski bæti ekki neinu slíku
við þekkingarforðann sem vegur upp
þann skaða sem þær gætu valdið.“
Hafrannsóknastofnunin hefur
fylgt aðhaldssamri stefnu í því skyni
að nýta sem best sterkan árgang
frá 2003. Aðrir síðari árgangar hafa
reynst slakir þar til í fyrra. Innan
stofnunarinnar eru menn vissir um
að aukinn veiðanleiki þorsks í hafinu
og sýnilega meira af stórum og vel
höldnum þorski sé bókstaflega að-
haldssamri stefnu að þakka og því að
slökum árgöngum sé hlíft. Bent er á
að stórþorskar, 10 ára og eldri, voru
10 til 18 prósent aflans í eina tíð en
eru nú aðeins um 3 prósent.
Gagnrýnandinn Kristinn Pétursson, frá
Bakkafirði, hefur engan trúnað lagt á niðurstöður
Hafró um stærð og viðkomu þorskstofnsins.
Hann telur heppilegt fyrir stofnunina að fá
viðmiðun til að bera við eigin niðurstöður.
Einráð rannsóknarstofnun? „Ég held
að vísindaveiðar á þorski bæti ekki neinu
slíku við þekkingarforðann sem vegur
upp þann skaða sem þær gætu valdið,“
segir Jóhann Sigurjónsson forstjóri Hafró.