Dagblaðið Vísir - DV - 15.11.2010, Blaðsíða 6

6 fréttir 15. nóvember 2010 mánudagur
Opið virka daga 12-18
laugardag 12-16

Grensásvegi 8 - 108 Reykjavík - 517-2040
LAGERSALA
skór í miklu úrvali í
s tærðum 35 -36
www.xena.is
Nóróveiran sem veldur uppköstum gerir vart við sig:
„Hún er bráðsmitandi“
Nóróveiran gengur nú á milli manna
en hún veldur uppköstum og stund-
um niðurgangi. Pestin er fljót að ber-
ast á milli manna og er hún bráð-
smitandi. Veikindin sem nóróveiran
veldur eru ekki talin hættuleg og seg-
ir Haraldur Briem sóttvarnalæknir í
samtali við DV að yfirleitt gangi pestin
yfir á einum til tveimur sólarhringum.
„Hún er bráðsmitandi, má segja,
og getur smitast með uppköstun-
um og hósta jafnvel,“ segir Harald-
ur. Hann segir þó pestina geta legið
lengur í fólki sé fólk veikt fyrir. „Þetta
er stórt vandamál oft inni á sjúkra-
stofnunum og við þekkjum þetta líka
á skemmtiferðaskipum þegar þetta
kemur upp. Svona í lokuðum rýmum
breiðist þetta mjög mikið út.
Við höldum ekki sérstakar skrár
utan um þetta en við vitum af þessu.
Það er lítið við þessu að gera,“ seg-
ir hann. Hann segir þó alltaf vera
hægt að vinna gegn smitum eins og
með því að þvo sér um hendurnar
og passa að hósta ekki framan í aðra.
Veiran gerir meira vart við sig yfir
vetrartímann en dæmi eru þó um að
hún hafi gert vart við sig á sumrin.
Haraldur nefnir til dæmis atvik
sem kom upp í sumarbústaðabyggð
hér á landi. Þar hafi veiran smitast í
vatnslagnir í byggðinni yfir mitt sum-
ar og nær allir sem dvöldu í sumar-
bústöðum þar smituðust af henni.
Veiran hefur gert vart við sig hér
á landi undanfarnar vikur og kann-
ast Haraldur við að hafa heyrt af því.
Veiran sé þó ekki talin það alvarleg
að hún sé á lista yfir tilkynningar-
skyldar pestir en fylgst sé með henni
þrátt fyrir það. adalsteinn@dv.is
Sóttvarnalæknir Haraldur Briem segir
veiruna bráðsmitandi.
Katrín treystir
UMFÍ
Katrín Jakobsdóttir menntamála-
ráðherra segist treysta því að vel
verði farið með fé Ungmennafé-
lags Íslands og segir ekki standa til
að skera niður fjárveitingar í kjölfar
frétta af miklu tapi félagsins í fjár-
festingum. Þetta sagði Katrín í frétt-
um RÚV á sunnudag. UMFÍ seldi
hæð í Fellsmúlanum fyrir þrem-
ur árum þar sem til stóð að byggja
nýjar höfuðstöðvar í miðborginni.
Þau áform gengu ekki eftir og voru
um 75 milljónir króna settar í hend-
ur starfsmanna VBS til ávöxtunar.
Tugir milljóna glötuðust hins vegar.
UMFÍ mun fá 88 milljónir króna frá
hinu opinbera samkvæmt fjárlögum
næsta árs.
Lágmarkslaun
verða að hækka
Guðbjartur Hannesson félags-
málaráðherra segir nauðsynlegt að
hækka lægstu laun til að hvetja fólk
til að vera á vinnumarkaði fremur
en á atvinnuleysisbótum. Í fréttum
Bylgjunnar á sunnudag sagði Guð-
bjartur að ómögulegt væri að menn
lifðu á 160 til 170 þúsund krónum í
laun. Það verði að tryggja að enginn
sé að vinna á þeim kjörum. Hópur
innan félagsmálaráðuneytisins vinn-
ur nú að því að skilgreina lágmarks-
framfærslu á Íslandi en von er á nið-
urstöðum í lok næsta mánaðar.
Jóni líkar illa við
borgarstjórabílinn
„Þessi rafmagnsbíll er ekki alveg
að ganga. Miðstöðin frekar slök
og við Björn búnir að vera fár-
veikir,“ segir borgarstjórinn Jón
Gnarr í dagbók sinni á vef Face-
book. Bíllinn, sem er af gerðinni
Reva, er rafknúinn og minni en
fólksbílar eru alla jafna. Þá hefur
bifreiðin komið illa út úr árekstr-
arprófunum og hefur hönnun
hans verið gagnrýnd. Steininn
tók úr hjá borgarstjóra þegar það
sprakk á honum dekk þegar hann
og aðstoðarmaður hans voru á
leið í Háskólann í Reykjavík til að
vígja viðbyggingu skólans. „Við
þurftum að labba í HR eins og
hálfvitar [...] Verð að finna ein-
hverja aðra lausn.“
„Það væri hægt að lækka þennan
kostnað um 40 til 50 prósent með
því að sameina alla lífeyrissjóðina í
einn. Sú hugmynd verður þó aldrei
rædd innan kerfisins því þessir líf-
eyrissjóðir sem ég nefni í saman-
tektinni eru hliðhollir ákveðnum
viðskiptablokkum innan atvinnu-
lífins. Það er ekki inni í myndinni
að breyta þessum valdastrúktúr
innan lífeyrissjóðakerfisins á nú-
verandi vakt Gylfa Arnbjörnssonar,
því hefur hann sjálfur lýst yfir,“ seg-
ir Ragnar Þór Ingólfsson, stjórnar-
maður í VR, um rekstrar- og launa-
kostnað lífeyrissjóðanna en eins og
fram kom í í frétt DV.is á laugardag
eru þessir kostnaðarliðir gríðarlega
háir.
Tekjuháir forstjórar
Í samantekt Ragnars Þórs á árs-
skýrslum þessara sex lífeyrissjóða
árið 2009 kemur fram að rekstrar-
kostnaður sex stærstu lífeyrissjóða
landsins árið 2009 nam rúmlega
2,1 milljörðum króna, þar af nam
launakostnaður rúmlega 1,1 millj-
arði króna. Framkvæmdastjór-
ar þessara sex lífeyrissjóða fengu
rúmlega 105 milljónir króna í laun
árið 2009. Þeir lífeyrissjóðir sem
Ragnar Þór tekur út eru LSR (Líf-
eyrissjóður starfsmanna ríkisins),
Lífeyrissjóður Verzlunarmanna,
Gildi-lífeyrissjóður, Sameinaði líf-
eyrissjóðurinn, Stapi lífeyrissjóður
og Stafir.
Launahæstur framkvæmda-
stjóranna sex er Árni Guðmunds-
son, framkvæmdastjóri hjá Gildi,
með 19,6 milljónir í árslaun. Næst-
launahæstur er Haukur Hafsteins-
son, framkvæmdastjóri LSR og LH
með 18,3 milljónir í laun árið 2009.
Fast á hæla Hauks fylgir Guðmund-
ur Þ. Þórhallsson með rúmlega 18,2
milljónir.
„Í ljósi þess að fjárfestingar
sjóðanna eru að upplagi nákvæm-
lega eins er ótrúlegt að ekki skuli
vera búið að sameina og hagræða
meira en orðið er. Til hvers í ósköp-
unum að reka alla þessa sjóði sem
gera nánast það sama,“ segir Ragn-
ar Þór.
Jafnvel of sparsamir
Vilhjálmur Egilsson, hagfræðingur
og varaformaður stjórnar lífeyris-
sjóðsins Gildis, segir rekstrarkostn-
að íslenskra lífeyrissjóða vera mjög
lágan miðað við nágrannaþjóðir
okkar. „Við höfum jafnvel verið of
sparsamir í lífeyrissjóðunum því
það hefði örugglega verið betra fyr-
ir okkur að vera með öflugri eigna-
stýringadeildir.“
Aðspurður um hugmyndir
Ragnars Þórs um að sameina alla
lífeyrissjóðina og hagræða þannig
í launa- og rekstrarkostnaði seg-
ir hann að það mætti vissulega
fækka lífeyrissjóðunum eitthvað,
en er alfarið á móti því að það yrði
bara einn lífeyrissjóður á landinu.
Hann segir klárt í sínum huga að
ef safnað yrði saman öllum þess-
um fjármunum á einn stað myndi
ríkið á endanum yfirtaka sjóðinn
með einum eða öðrum hætti. „Og
þá er þetta farið. Stjórnmálamenn
munu aldrei þola að stýra svona
fjármunum, þeir myndu alltaf með
einum eða öðrum hætti taka sig til
og eyða þessum peningum,“ seg-
ir Vilhjálmur. Er það ekki samt ná-
kvæmlega það sem búið er að gera?
„Það er ekki búið að vera að eyða
þeim, það er búið að vera að fjár-
festa. Stundum högnuðust menn
á eignunum og svo töpuðu menn í
hruninu. Núna erum við að byggja
upp eignasafnið á nýjan leik.“
Í sambandi við laun fram-
kvæmdastjóra Gildis segir Vil-
hjálmur launakostnað lífeyrissjóð-
anna ekki óeðlilegan miðað við þau
störf sem þarna sé verið að vinna og
að laun forstjóranna skeri sig ekki
úr miðað við aðra. Hann bendir að
laun Árna hafi í tvígang verið lækk-
uð og þau séu í dag sennilega lægri
en fram kemur í samantekt Árna.
„Við höfum verið að spá í laun-
in miðað við almenna markaðinn.
Við höfum í sjálfu sér ekkert viljað
skera okkur úr, ekki vera að borga
hæstu launin en heldur ekki þau
lægstu.“
Það er ekki búið að vera að eyða
þeim, það er búið að
vera að fjárfesta.
„JaFnveL verið
oF sparsaMir“
Stjórnarformaður VR vill sameina alla lífeyrissjóði landsins til hagræðingar og segir að
við það væri hægt væri að lækka launa- og rekstrarkostnað um 40–50 prósent. Rekstrar-
kostnaður sex stærstu lífeyrissjóða landsins árið 2009 nam rúmlega 2,1 milljarði króna
og tekjuhæsti framkvæmdastjóri lífeyrissjóðs var með tæplega 20 milljónir í árslaun.
Hanna ólafSdóTTir
blaðamaður skrifar: hanna@dv.is
Vilhjálmur Egilsson Segir laun forstjóra Gildis vera miðuð við hinn almenna markað.
ragnar Þór ingólfsson Sameining
lífeyrissjóðanna myndi lækka kostnað
um 40-50 prósent að hans sögn.