Dagblaðið Vísir - DV - 06.12.2010, Qupperneq 8

8 fréttir 6. desember 2010 mánudagur
no5 - st. 41-46 kr. 4195
no4 - st. 37-42 kr. 4195
no6 - st. 37-42 kr. 4560
Tilvalin
jólagjöf

Grensásvegi 8
S: 517-2040
www.xena.is
Opnunartími
virka daga 12-18
laugardag 12-16
no3 - st. 37-42 kr. 4560
no2 - st. 37-42 kr. 4195
no1 - st. 41-46 kr. 3350
Kona sem ekki vill koma fram undir
nafni segist hafa misst íbúðina sína
á nauðungarsölu vegna seinagangs
umboðsmanns skuldara. „Ég sótti
um svona greiðsluaðlögun hjá um-
boðsmanni skuldara í vor. Svo var
gerð nauðungarsala 27. september
því þeir kláruðu ekki umsóknina,“
segir konan. Í framhaldi af nauð-
ungarsölunni var gefinn sex vikna
samþykkisfrestur á sölu eignarinn-
ar. Sá tími átti að nýtast starfsmönn-
um umboðsmanns skuldara til að
ganga frá umsókn konunnar. Í síð-
ustu viku höfðu þessar sex vikur þó
liðið án þess að konan fengi svar.
Nauðungar salan tók því gildi og hún
missti heimili sitt til fjölda ára. „Ég
talaði við lögfræðing hjá þeim og
hann var alveg miður sín yfir þess-
um vinnubrögðum og sagði að þetta
hefði bara einu sinni gerst áður, að
þeir hefðu ekki klárað umsókn,“ segir
konan sem er mjög ósátt. „Mér finnst
rosalega ósanngjarnt að standa í
þessu í marga mánuði, fara fram og
til baka með gögn og fá svo enga nið-
urstöðu í málið, nema að missa íbúð-
ina.“ Umsókn konunnar var á loka-
stigi og hún hafði því samband við
Landsbankann sem var gerðarbeið-
andi á nauðungarsölunni og óskaði
eftir nokkurra daga fresti í viðbót en
bankinn samþykkti það ekki.
Svanborg Sigmarsdóttir hjá um-
boðsmanni skuldara segir það í raun
ekki hafa skipt máli fyrir nauðungar-
söluna í þessu tilfelli hvort umsókn
konunnar hafi verið kláruð. Nauð-
ungarsalan fór fram fyrir 14. októ ber,
áður en lögum um greiðsluaðlögun
var breytt, og því væri afturköllun
nauðungarsölunnar alltaf háð samn-
ingsvilja kröfuhafa á samþykkisfresti.
Hún sagði það stundum ganga og
stundum ekki. solrun@dv.is
Einstaklingar bíða mánuðum saman eftir greiðsluaðlögun:
Missti heimilið vegna tafa
Löng bið Konan sótti um greiðsluaðlögun í vor en hefur ekki enn fengið nein svör.
Verzlunarmannafélag Reykjavík-
ur hefur verið stofnað, í annað sinn.
Lúðvík Lúðvíksson fer fyrir hópi
áhugafólks um lággjalda stéttarfélag
og hefur hann skráð nafnið Verzlun-
armannafélag Reykjavíkur. Það gat
hann þar sem Virðing og réttlæti,
upprunalega Verzlunarmannafélag
Reykjavíkur, skipti um nafn fyrir fjór-
um árum. Lúðvík segir hópinn sem
stendur að baki nýja félaginu ætla
að „skera fituna“ af stéttarfélögum.
Stefnt er að því að halda stofnfund
félagsins 27. janúar á 120 ára afmæl-
isdegi gamla Verzlunarmannafélags-
ins. Hörð átök hafa verið um stjórn-
artaumana í VR á undanförnum
árum. Á síðasta ári var þáverandi
varaformaður félagsins, rekinn fyr-
ir trúnaðarbrest. Fjölmargar fréttir
hafa verið sagðar af átökum fylkinga
um völdin í félaginu.
Lággjaldafélag
Hugmyndin er að setja á laggirnar
lággjalda stéttafélag, segir Lúðvík í
samtali við DV. „Þar er hugmyndin
að lækka þessi gjöld sem renna til
stéttarfélagsins. Minnka þann kostn-
að sem hlýst af því að vera í stéttar-
félagi.“ Lúðvík segir að stéttarfélögin
séu komin langt út fyrir það svið sem
þeim var upphaflega ætlað. Hann
talar um að skera fituna af stéttarfé-
lögunum til að lækka stéttarfélags-
gjöldin.
„Kostnaðurinn við að halda úti
rekstri stéttarfélaganna, eins og sum
þessi stóru félög eru að gera, það er
ansi mikill kostnaður sem er að fara
í starfsfólk og annað tilheyrandi sem
er í kringum þessi félög. Það eru alls
konar námskeið og stórir sjóðir og
orlofsheimili. Það er ýmislegt sem
má skoða, og minnka,“ segir Lúðvík
og bendir á að fjörutíu manns starfi
við rekstur Virðingar og réttlætis.
„Við teljum að þessi fjöldi sé alveg
óþarfur.“
Lúðvík segir að félögin séu kom-
in út fyrir almenna stéttarfélagsbar-
áttu og séu að breytast í einhvers
konar lífsgæðafélög. Hann segir fé-
lögin vera hætt að sinna sínu rétta
hlutverki sem er að standa vörð um
raunverulega hagsmuni sinna fé-
lagsmanna. „Hugmyndin er að koma
með raunverulegt verkalýðsfélag
sem byggir á gömlu góðu gildunum.“
Virðing og réttlæti
Verzlunarmannafélag Reykjavík-
ur sem stofnað var 27. janúar 1891
skipti um nafn árið 2006. Gamla
nafnið þótti ekki vera í takt við þró-
un félagsins og þótti Virðing og rétt-
læti, nýja nafnið, meira viðeigandi. Á
árunum fyrir nafnbreytinguna sam-
einuðust nokkur verslunarmannafé-
lög af landinu í VR. Á sama tíma og
VR breytti um nafn breytti félagið um
merki. Frá upphafi var stafur Her-
mesar notaður sem merki auk stofn-
árs félagsins. Hópurinn á bak við
nýja Verzlunarmannafélagið hyggst
nota sama merki, með nýju ártali.
Lúðvík hefur verið virkur félags-
maður í Virðingu og réttlæti og bauð
sig meðal annars fram til formanns
félagsins árið 2009. Hann tapaði
kosningunum fyrir núverandi for-
manni félagsins, Kristni Erni Jóhann-
essyni. Hann segist hafa svipaðar
hugmyndir fyrir hið nýja Verzlunar-
mannafélag og hann hafði fyrir VR.
Kostnaðurinn við að halda úti
rekstri stéttarfélag-
anna, eins og sum þessi
stóru félög eru að gera,
það er ansi mikill kostn-
aður sem er að fara í
starfsfólk og annað til-
heyrandi sem er í kring-
um þessi félög.
AðALsteinn KjArtAnsson
blaðamaður skrifar: adalsteinn@dv.is
Í annað sinn á 120 árum hefur Verzlunarmannafélag Reykjavíkur verið stofnað. Lúð-
vík Lúðvíksson, sem barðist um formennsku í VR, gamla Verzlunarmannafélaginu,
leiðir hóp áhugafólks um lággjalda stéttarfélag. Hópurinn vill „skera fituna“ af stétt-
arfélögum.
Lúðvík Lúðvíksson Maðurinn sem
fer fyrir hópnum á bak við hið nýja
stéttarfélag.
HIRTU GAMLA
NAFNIÐ AF VR
nýtt félag Verzlunarmannafélag
Reykjavíkur hefur verið stofnað í
annað sinn á 120 árum.
HAndteKinn í miðbænum:
Með riffil á
skemmtistað
Gestum á skemmtistað í miðborg
Reykjavíkur var brugðið þegar
maður vopnaður hlöðnum riffli
gerði sig þar heimakominn. Lög-
reglan fékk tilkynningu um þrjú-
leytið aðfaranótt sunnudags um að
sést hefði til manns með riffill inni
á skemmtistað. Þegar hún kom
á vettvang var maðurinn á bak
og burt en vitni á staðnum gátu
gefið greinargóða lýsingu á hon-
um. Upphófst mikil leit og fannst
maðurinn skömmu síðar á öðrum
skemmtistað í borginni. Ásamt því
að vera með hlaðinn riffil var mað-
urinn einnig með nokkurt magn
skotfæra á sér sem og talsvert af
fíkniefnum sem talið er að hann
hafi ætlað sér að selja. Maðurinn
sem ekki hefur komið áður við
sögu lögreglunnar var yfirheyrð-
ur í gær en lögreglan vill ekki gefa
frekari upplýsingar um málið að
svo stöddu.
Ekki liggur því fyrir á hvaða
skemmtistaði maðurinn fór inn
á. Ekki hefur heldur komið fram
hvort maðurinn hafi ógnað gestum
á skemmtistöðunum.