Dagblaðið Vísir - DV - 14.02.2011, Blaðsíða 12

Ólafur Sigurvinsson, annar eig-
andi gagnaversins Datacell, telur að
brotið hafi verið á fyrirtækinu þeg-
ar Landsnet ákvað að selja húsnæði
að Bústaðavegi 7, þar sem stjórn-
stöð Landsvirkjunar var áður til
húsa, til Veðurstofu Íslands. Þetta
gerði Landsnet þrátt fyrir að samn-
ingar við Datacell hefðu verið hand-
salaðir. Ólafur er gáttaður á vinnu-
brögðum Landsnets, en mikil vinna
hafði farið í viðræður og gerð tilboðs
vegna Bústaðarvegar 7. Datacell er í
eigu Ólafs og viðskiptafélaga hans
frá Sviss, Andreas Fink. Fyrirtæk-
ið er gagnaver sem hefur það fyrir
stefnu að nýta aðeins græna orku
við að knýja áfram vélbúnað sinn.
Til þessa hefur starfsemi Datacell
verið að mestu í Basel í Sviss, en til
stóð að flytja starfsemina til Íslands
að mestu eða öllu leyti. Er því um
umtalsverðar fjárhæðir að ræða í
beinni erlendri fjárfestingu, en nú á
íslenska ríkið það á hættu að missa
hana úr greipum sér.
Óskiljanleg vinnubrögð
Forsvarsmenn Datacell hafa í raun
sóst eftir Bústaðavegi 7 síðan árið
2009. Eftir nokkrar þreifingar í mál-
inu ákvað stjórn Landsnets hins veg-
ar að selja húsið öðrum aðilum, sem
fengu átta mánuði til að útvega fjár-
magn – en fengu þó húsnæðið strax
til leigu. Var Datacell þá boðinn
framleigusamningur um takmark-
aðan tíma. „Það var þá hringt í mig
og mér boðið að leigja í raun af fast-
eignasala, sem mér hugnaðist alls
ekki,“ sagði Ólafur í samtali við DV.
Átta mánuðum síðar var ljóst að
þeir aðilar sem höfðu fengið hús-
næðið með fyrirvara um fjármögnun
höfðu ekki náð að tryggja sér nægi-
legt fjármagn. Ólafur gerði því aðra
tilraun og bauð í Bústaðaveg 7. „Þeg-
ar við lögðum svo fram tilboð í okt-
óber 2010 mættum við óskiljanlegri
framkomu af hálfu forstjóra Lands-
nets, Þórðar Guðmundssonar. Hann
henti í raun fyrsta tilboði í ruslaföt-
una, án þess að hafa nokkurn tím-
ann lagt tilboðið fyrir stjórn Lands-
nets.“ Ólafur náði að hafa samband
við stjórnarmeðlim og lét vita af til-
boði Datace0ll. Þegar Þórður var
inntur eftir tilboðinu sagði hann að
það hefði ekki reynst fullnægjandi,
en honum var engu að síður falið að
fá annað tilboð frá Datacell sem Ól-
afur lagði fram. „Stjórn Landsnets
gerði okkur það ljóst að við þyrftum
að hækka tilboðið, sem við og gerð-
um. Þórður lét okkur hins vegar
aldrei vita, ég þurfti alltaf að eltast við
stjórnina til að vita um stöðu okkar.“
Að lokum náðist lending í samn-
ingaviðræðum milli stjórnar Lands-
nets og Datacell. Samningurinn
hljóðaði upp á 30 mánaða leigu-
samning með kauprétti að leigu-
tíma loknum. Á 30 mánaða tímabili
myndi Datacell því greiða 90 milljón-
ir í leigu og kaupa húsnæðið síðan á
400 milljónir. Samningurinn var því
metinn á alls 490 milljónir.
Seldu Veðurstofunni
Það kom því Ólafi í opna skjöldu,
eftir að samningar um Bústaðaveg 7
höfðu verið handsalaðir, að Lands-
net ákvað að selja annarri ríkisstofn-
un, Veðurstofu Íslands, húsnæðið.
Uppgefið kaupverð er 390 milljón-
ir, 100 milljónum lægri upphæð en
sú sem Datacell bauð. Auk þess seg-
ir Ólafur það vera óskiljanlegt að í
stað þess að fá þarna næstum hálfan
milljarð inn í ríkissjóð, ákveði ein rík-
isstofnun að taka tilboði annarrar – í
raun aðeins tilfærsla á ríkisfé. „Þann
7. janúar hittum við forstjórann
ásamt lögfræðingum okkar í Lands-
neti þar sem lokagerð samningsins
var samþykkt. Kvöldið fyrir undir-
skrift var hins vegar hringt í mig og
mér tjáð að nýtt tilboð hefði borist úr
ríkissjóði og að því tilboði hefði ver-
ið tekið. Ég skil ekki svona viðskipta-
hætti, þegar búið er að samþykkja
tilboð þá er ekki venjan að leita eftir
tilboðum annarra.“
Hafna erlendri fjárfestingu
Allt frá efnahagshruni hafa stjórn-
völd á Íslandi lagt á það ríka áherslu
að fá erlent fjármagn aftur inn í
hagkerfið. Það hlýtur því að skjóta
skökku við að slíkur steinn sé lagður
í götu Datacell, gagnavers með fjár-
sterka aðila á bak við sig og áætlan-
ir um mikla starfsemi á næstu árum.
Datacell hafði þegar fært til landsins
um 100 milljónir króna til reksturs og
tryggt fjármagn fyrir um 2 milljarða
til uppbyggingar rekstursins á næstu
árum.
En hvað er svona sérstakt við Bú-
staðaveg 7? „Ástæðan er í raun að
þar sem þetta er fyrrverandi stjórn-
stöð höfum við allt til alls og gætum
því þess vegna hafið starfsemi þar
á morgun. Það fylgir því talsverður
kostnaður að hefja svona starfsemi
en með húsnæðinu við Bústaðaveg
hefði verið hægt að komast hjá hon-
um að miklu leyti.“ Ólafur skilur ekki
hvers vegna Veðurstofan þurfi nauð-
synlega á þessu húsnæði að halda,
þar sem skorið hafi verið niður um
árabil. Auk þess hafi honum ver-
ið tjáð að Veðurstofan þurfi einung-
is á skrifstofuhúsnæði að halda og
því óskiljanlegt að það sé ekki fund-
ið annars staðar – þar sem framboð
á skrifstofuhúsnæði sé yfirdrifið um
þessar mundir, auk þess sem 390
milljónir hljóti að teljast ríflegt verð
fyrir nokkrar skrifstofur.
Mismunun stjórnvalda
Gagnaver komust talsvert í umræð-
una á Íslandi í kjölfar áhuga Verne
Holdings, í eigu Björgólfs Thors
Björgólfssonar, á að byggja gagna-
ver á Reykjanesi. Ólíkt Datacell
naut Verne Holdings þó gífurlegr-
ar velvildar stjórnvalda. Fjármögn-
unarsamningur var gerður við ís-
lenska ríkið og í lögum til samninga
um gagnaver í Reykjanesbæ frá 14.
júní 2010 er kveðið á um undan-
þágur frá lögum sem og skattaaf-
slátt til Verne Holdings. Þá fær félag-
ið einnig að kaupa orku á niðursettu
verði. Katrín Júlíusdóttir iðnaðarráð-
herra lagði fram frumvarpið um lög
vegna Verne Holdings. „Þetta er í
raun óskiljanlegt. Fjárfestar hjá Dat-
acell eru auðvitað farnir að hugsa sig
tvisvar um, þá langar ekki að flytja til
Íslands þegar komið er svona fram
við okkur. Við höfum ekki farið fram
á neinar fyrirgreiðslur af hálfu ríkis-
ins og við gætum þess vegna greitt
tvöfalt fyrir orkuna. Við erum auð-
vitað að fara í samkeppni við Verne
og maður spyr sig hvort stjórnvöld-
um hugnist ekki að við förum í sam-
keppni við þá,“ segir Ólafur.
Í samtali við DV segir Arnar Guð-
mundsson, aðstoðarmaður iðnað-
arráðherra, að ráðuneytið geti ekki
beitt sér í máli Datacell. „Málið liggur
í raun á borði fjármálaráðuneytisins,
sem sá um að kaupa húsnæðið fyrir
Veðurstofuna.“
Ólafur sendi bréf til Katrínar
Júlíusdóttur í janúar þar sem hann
lýsir furðu sinni á vinnubrögðum
Landsnets og stjórnvalda yfirleitt.
Katrín hefur enn ekki svarað bréf-
inu. Þess má geta að verkefni Verne
Holdings er að mestu fjármagnað
af íslenska ríkinu á meðan Datacell
hafði á prjónunum að koma hingað
með beint erlent fjármagn. Áhersla
stjórnvalda á beina erlenda fjárfest-
ingu orkar því tvímælis.
12 | Fréttir 14. febrúar 2011 Mánudagur
„Við erum auð-
vitað að fara í
samkeppni við Verne
og maður spyr sig hvort
stjórnvöldum hugnist
ekki að við förum í
samkeppni við þá.
Björn Teitsson
blaðamaður skrifar bjorn@dv.is
HAFNA
ERLENDRI
FJÁRFESTINGU
n Gagnaverið Datacell telur sig svikið eftir gerða samninga um Bústaðaveg 7 n Landsnet seldi
Veðurstofunni húsnæðið á lægra verði n Stjórnvöld hafa ekkert beitt sér í máli Datacell en
settu á lög um fyrirgreiðslu og skattafslátt vegna gagnavers Verne Holding
Ólafur Sigurvinsson Datacell
hefur ítrekað reynt að kaupa
húsnæðið sem er kjörið til reksturs
á gagnaveri.
MYND SIGTRYGGUR ARI
Bústaðavegur 7 Datacell hefur reynt að hefja starfsemi í húsinu síðan árið 2009. MYND SIGTRYGGUR ARI