Dagblaðið Vísir - DV - 18.05.2011, Qupperneq 10

„Þetta gengur eins og í sögu hjá okkur
og framar öllum vonum,“ segir Krist­
inn Már Gunnarsson, meirihluta­
eigandi og stjórnarformaður útivist­
arvöruframleiðandans Cintamani,
um sókn fyrirtækisins á þýska mark­
aðinn í samtali við DV. Kristinn, sem
hefur verið starfandi kaupsýslu­
maður í Þýskalandi undanfarin 20
ár, keypti þriðjungshlut í Cintamani
í október í fyrra. Var hlutafé félags­
ins þá aukið í þeim tilgangi að hefja
sókn á þýskan markað þar sem Krist­
inn hefur verið umsvifamikill í versl­
unarrekstri á undanförnum árum.
Útflutningur á vörum frá Cintamani
hefur gengið vonum framar það sem
af er ári og varð það til þess að Krist­
inn jók hlut sinn í fyrirtækinu í 60
prósent fyrir um tveimur mánuðum.
Opna 19 verslanir
„Það er svo mikið að gerast í úti­
vistargeiranum. Því hafa áætlanir
um sókn á þýska markaðinn geng­
ið miklu hraðar en ég bjóst við. Það
þarf að breyta starfseminni á Íslandi
töluvert til að standa undir þessari
eftirspurn,“ segir Kristinn. Fyrirfram­
pantanir fyrir haustið nema yfir 60
prósentum af allri sölu í heildsölu. Í
fyrra var þetta hlutfall sjö prósent.
Áætlanir gerðu ráð fyrir að koma
upp um tíu verslunum í Þýskalandi
á þessu ári sem myndu selja fatn­
að frá Cintamani. Nú er hins vegar
búið að gera samninga við 19 aðila
sem munu opna verslanir auk þess
sem mjög stór verslun verður opn­
uð í borginni Frankfurt í haust. „Það
verða ekki gerðir fleiri samningar í
bili. Ef salan gengur vel í verslunum
í haust geri ég ráð fyrir að sprengja
verði í útrás Cintamani árið 2012,“
segir hann.
Nafnið fer vel í Þjóðverja
„Cintamani virðist leggjast vel í
Þjóðverja. Merkið er öðruvísi og líka
nafnið. Það er auðvelt fyrir Þjóð­
verja að bera nafnið fram og þekking
þeirra á Íslandi hjálpar líka til,“ segir
Kristinn. Einnig gangi rekstur Cin­
tamani­búðarinnar í Bankastræti
mjög vel en stór hluti viðskiptavina
þar er erlendir ferðamenn sem koma
til Íslands. Góður árangur að und­
anförnu hefur leitt til þess að Cin­
tamani hefur bætt við sig tíu starfs­
mönnum á Íslandi. Einnig er gert
ráð fyrir að bæta við þremur starfs­
mönnum í Þýskalandi. „Fyrirtækið
er og verður íslenskt. Öll velta Cinta­
mani mun fara í gegnum Ísland. Ég
vil að stjórnun og hönnun hjá fyrir­
tækinu verði alfarið á Íslandi,“ segir
hann.
Eurovison-kynnir í Cintamani
Kristinn er búsettur í borginni
Düssel dorf í Þýskalandi þar sem
Euro vision­keppnin fór fram á laug­
ardaginn. Þar rekur hann fyrirtækið
Arctic Group sem kemur að rekstri
um 230 verslana í Þýskalandi sem
selja vörumerki á borð við Coast,
Karen Millen og Oasis. Velti fyrirtæk­
ið nærri fimm milljörðum íslenskra
króna árið 2009.
Þegar blaðamaður ræddi við
hann á föstudaginn sagði hann að
stemningin í Düsseldorf væri ótrú­
leg. „Ég hef nokkrum sinnum heyrt af
íslensku keppendunum og þeir virð­
ast vera okkur til mikils sóma,“ segir
hann. Öll hótel í Düsseldorf hafi ver­
ið uppbókuð, bæði í borginni sjálfri
sem og í næsta nágrenni. Auk þess
voru öll tjaldstæði full. Kristinn seg­
ist sjálfur hafa nælt sér í góða miða
á Eurovision og það sé ekki hægt að
missa af slíkum atburði þegar fólk
búi á sama stað og keppnin er hald­
in. Til gamans má geta þess að Stef­
an Raab, þýski Eurovison­kynnirinn
og höfundur sigurlagsins, hefur sést
í Cintamani­úlpu. Mary Donalds­
son, krónprinsessa Dana, er þó lík­
lega enn þekktasta manneskjan sem
hefur sést í fötum frá fyrirtækinu.
Logi Geirsson til Cintamani
Öll vinna við kynningu á Cintamani
í Þýskalandi er þó komin stutt á veg.
Kristinn segir að vissulega sé stefnt
að því að fá þekkta einstaklinga til að
auglýsa vörur fyrirtækisins í Þýska­
landi. Hluti af því gæti orðið að fá ís­
lenska handknattleiksmenn í Þýska­
landi til að auglýsa Cintamani.
Einnig uppljóstrar hann að hand­
knattleiksmaðurinn Logi Geirsson
sé einn þeirra sem hafi verið ráðnir
til liðs við Cinta mani á Íslandi og er
honum ætlað að sjá um markaðs­
störf. Logi þekkir vel til í Þýskalandi
enda var hann atvinnumaður með
Lemgo á árunum 2004 til 2010.
„Það þarf að breyta
starfseminni á Ís-
landi töluvert til að standa
undir þessari eftirspurn.
Annas Sigmundsson
blaðamaður skrifar as@dv.is
10 | Fréttir 18. maí 2011 Miðvikudagur
Hrein Harpa kostar 44 milljónir króna á ári:
Þrifin kosta tugi milljóna
Samkvæmt rekstaráætlun tónlistar­
og ráðstefnuhússins Hörpu er gert
ráð fyrir 44 milljóna kostnaði vegna
þrifa innandyra og á glerhjúpi húss­
ins. Um 8 milljónir af þeim kostnaði
eru vegna þrifa á glerhjúpi hússins.
Pétur J. Eiríksson, stjórnarformað­
ur Portus, eiganda hússins, barst þó
lægra tilboð í þrif hússins. Ræsting­
arkostnaðurinn er einungis brot af
heildarkostnaði við rekstur hússins
en hann hleypur á rúmum 1,5 millj­
arði króna samkvæmt kostnaðar­
áætlun.
Tónlistar­ og ráðstefnuhúsið er
engin smásmíði en húsið er alls
28.000 fermetrar að stærð. Salirnir
fjórir, fundarherbergin í húsinu sem
og sýningarrými í forsal hússins
rúma samtals um 4.500 manns með
góðu móti. Þá eru tveir veitingastað­
ir í húsinu, Kolabrautin og Munn­
harpa, auk veisluþjónustu, aðstöðu
fyrir Sinfóníuhljómsveit Íslands, Ís­
lensku óperuna og starfsfólk hússins
og tveggja verslana.
Nokkrar milljónir fara í að halda
húsinu og risastórum glerhjúp þess
hreinum. Samkvæmt áætlunum
mun gluggaþvottur hússins kosta um
8 milljónir á ári, en þykir það hófleg­
ur kostnaður. Þegar DV bar kostn­
aðinn við gluggaþvottinn undir for­
svarsmann gluggaþvottafyrirtækis
sagði hann kostnaðinn geta náð allt
að 28 milljónum króna á ári. Þeg­
ar DV hafði samband stjórnendur
Hörpu sögðust þeir ekki hafa upp­
lýsingar um áætlaðan kostnað vegna
gluggaþvottarins. adalsteinn@dv.is
Góðir skór - gott verð
Mikið úrval af nýrri vöru á alla fjölskylduna

Opið virka
daga 11-18
laugardag
11-16
Takkaskór
besta verði
ð
í bænum ?
Stærðir 31-46
kr. 5.495.-
www.xena.is
Grensásvegur 8 - Nýbýlavegur 12 - Sími 517 2040
SKÓMARKAÐUR
n Eigandi Cintamani segir árangurinn framar vonum n 19 verslanir
opnaðar í Þýskalandi í ár n Logi Geirsson í markaðsstarf hjá Cintamani
Cintamani að verða
vinsælt í Þýskalandi
Kuldahret
um helgina
Veðurstofan gerir ráð fyrir frosti
og snjókomu á Norðurlandi um
helgina og á höfuðborgarsvæð­
inu gæti einnig snjóað á laugar­
dag. Kuldahretið hefst á fimmtu­
dag en þá verður snjókoma og hiti
við frostmark á Akureyri, gangi spá
Veðurstofunnar eftir. Á föstudag,
laugardag og sunnudag verður
allt að fimm stiga frost á Akureyri.
Einnig verður kalt í veðri á Vest­
fjörðum og ekki er loku fyrir það
skotið að þar muni snjóa. Spáð er
snjóéljum á höfuðborgarsvæðinu á
laugardag þó að hiti verði rétt fyrir
ofan frostmark. Á sunnudag er gert
ráð fyrir fallegu veðri um allt land,
þó að áfram verði kalt í veðri.
„Veðurkortin hafa heldur mild­
ast hvað hita varðar, fyrripart þess­
arar viku, en því er ekki að neita að
köld eru þau frá og með föstudeg­
inum næsta og um helgina. Fyrir
liggur að Norður­ og Austurland­
ið verði í kaldasta og úrkomusam­
asta veðrinu, snjókomu eða éljum,
en skaplegra verður það vestan­ og
sunnanlands, þó kalt verði á nótt­
inni,“ sagði Sigurður Þ. Ragnarsson
veðurfræðingur á bloggsíðu sinni á
DV.is á þriðjudag.
„Bara rugl
frá a til ö“
Jón Ásgeir Jóhannesson hefur
vísað til föðurhúsanna fréttum
um að hann hafi orðið fyrir að­
kasti á skemmtistaðnum Boston
á laugardagskvöld. Pressan
greindi frá því að hann hefði
fengið kampavín í andlitið á laug­
ardagskvöld þegar hann var að
skemmta sér ásamt tveimur fé­
lögum sínum. „Bara rugl frá a til
ö,“ sagði Jón Ásgeir þegar DV bar
fréttina undir hann.
Samkvæmt fréttinni lét Jón
Ásgeir það ekki á sig fá þó svo
að hann hefði verið vættur með
smávökva heldur hélt hann
gleðinni áfram og dansaði inn í
nóttina ásamt Gabríelu Friðriks­
dóttur.
Sigríður Guðlaugsdóttir,
einnig þekkt sem Sigga Boston,
eigandi Boston, segir enga upp­
ákomu hafa átt sér stað. „Þetta er
alltof djúpt í árinni tekið.“
Tugmilljónakostnaður Mikill umgangur verður um húsið ef allt gengur eftir með til-
heyrandi þrifum. MyNd SiGTryGGur Ari JóhANNSSON
Framar vonum Kristinn Már Gunnarsson,
eigandi Cintamani, jók hlut sinn í fyrirtækinu
í 60 prósent í vetur.
Sló í gegn Stefan Raab sló í gegn sem kynnir
í Eurovision um helgina. Hann hefur meðal
annarra frægra sést í úlpu frá Cintamani.
handboltakappi Logi Geirsson
hefur verið ráðinn af Cintamani á Íslandi en
honum er ætlað að sjá um markaðsstörf.
Verður íslenskt Stór hluti viðskiptavina verslunarinnar í Bankastræti er erlendir
ferðamenn. MyNd SiGTryGGur Ari