Dagblaðið Vísir - DV - 30.05.2012, Page 8

8 Fréttir 30. maí 2012 Miðvikudagur
Skemmdarverk á
útiSvæði fatlaðra
Þ
að var heldur nöturleg sýn
sem blasti við starfsfólki og
notendum dagþjónustunnar
að Gylfaflöt í Grafarvogi þeg-
ar þeir mættu til vinnu eftir hvíta-
sunnuhelgina. Á Gylfaflöt rekur
velferðarsvið Reykjavíkurborgar
tómstundaþjónustu fyrir þroska-
hamlað fólk á aldrinum 16 til 25
ára. Verulegar skemmdir höfðu
verið unnar á útisvæðinu þar sem
stór hluti af starfinu fer fram. Lóð
dagþjónustunnar er girt af en um
helgina fór hópur unglinga inn
á lóðina, braut þar og bramlaði
garðstóla, reif upp blóm með rót-
um og sturtaði úr blómapottum.
Þá hafði skjólveggur verið felldur
og trampað á honum svo hann lá
brotinn á jörðinni. Traðkað hafði
verið á matjurtagarðinum, stórt
trékefli hafði verið brotið og það
sem notendum dagþjónustunnar
svíður sennilega mest er að örygg-
isnet trampólínsins sem þau söfn-
uðu sér fyrir hafði verið eyðilagt.
Þetta er langt frá því að vera í fyrsta
skipti sem skemmdaverk af þessu
tagi eru unnin á lóðinni.
Kveikt í öryggisneti
Þegar blaðamaður og ljósmyndari
renna í hlað á Gylfaflöt er alveg
ljóst á ungum dreng, sem situr
í sólinni í garðinum, að honum
er mikið niðri fyrir. Hann veifar
höndum, hristir höfuðið og bendir
svekktur á skemmdirnar. Særún
Sigurjónsdóttir er yfirþroskaþjálfi
á dagþjónustunni. Hún kallar eftir
aukinni samfélagslegri ábyrgð
með því að foreldrar ræði við börn-
in sín um skemmdarverkin.
„Við sköpuðum okkur þennan
reit fyrir fjórum árum. Við feng-
um styrk frá Norvik fyrir efni í girð-
inguna og byggðum hana sjálf með
aðstoð góðs fólks í nágrenninu til
þess að við gætum átt okkar úti-
svæði. Það skiptir máli fyrir okkar
notendur að hafa griðastað og
ramma utan um sig. Hér verður al-
veg yndislegt á sumrin,“ segir Sæ-
rún þegar hún sýnir blaðamanni
skemmdarverkin.
Reykjavíkurborg stendur ekki
straum af kostnaði við útisvæðið
á Gylfaflöt heldur eru það alfarið
notendur og starfsfólk sem sköp-
uðu það. Særún segir að eftir að
ákveðið var að kaupa trampólín,
sem þau söfnuðu fyrir, hafi ver-
ið stöðug ásókn frá ungu fólki á
lóðina. Hún segir að í upphafi
hafi verð reynt að fá samvinnu
við krakkana í hverfinu. Þau vildu
leyfa þeim að nota svæðið ef þau
lofuðu að skemma ekkert. Síðast-
liðin tvö sumur hafa hins vegar
ítrekað verið unnin skemmdar-
verk á lóðinni. „Það er búið að gera
fjórum sinnum við trampólínið
eftir að kveikt hafði verið í öryggis-
netinu svo að stór göt voru komin
á það,“ segir Særún.
„Spurning um samfélagslega
ábyrgð“
„Við sköpuðum þetta sjálf og okk-
ur þykir alveg ofboðslega sárt
að horfa upp á skemmdirnar
hérna,“ segir Særún og bendir á
að skemmdarverkin hafi það í för
með sér að minni fjármunir fari
í reksturinn sjálfan. „Við höfum
enga peninga til þess að endurnýja
það sem skemmist. Það finnst okk-
ur sárast.“
Þegar haldið var upp á afmæli
dagþjónustunnar á Gylfaflöt söfn-
uðust peningar sem voru notaðir
til þess að kaupa rólu á útisvæðið.
„Við keyptum rólu sem var rústað
sama kvöld og hún var keypt. Þá
þurftum við að nota afganginn af
afmælispeningunum til að kaupa
öryggismyndavél,“ segir Særún.
Upptökur úr öryggismyndavélinni
sýna krakkana rústa lóðinni og
segir Særún ekki útilokað að fara
lengra með málið.
Hún segir hins vegar mestu máli
skipta að vekja upp samfélags-
vitund meðal fólks og fá foreldra
til þess að ræða við börnin sín og
gera þeim grein fyrir afleiðingum
gjörða sinna. „Við erum ekki að
fara fram á peninga því þá verður
þetta bara skemmt aftur. Þetta er
spurning um að fólk og börn séu
meðvitaðri um umhverfi sitt og tali
við börnin sín. Þetta er spurning
um samfélagslega ábyrgð.“
n Ítrekað eru skemmdarverk unnin á eigum fatlaðra í Grafarvogi „Við sköpuðum
þetta sjálf og
okkur þykir alveg ofboðs-
lega sárt að horfa upp á
skemmdirnar hérna.
Valgeir Örn Ragnarsson
blaðamaður skrifar valgeir@dv.is
Trampólínið Margrét Birta Óskarsdóttir, 22 ára, á trampólíninu sem var skemmt enn einu
sinni um helgina.
Skemmdir um alla lóð Búið var að trampa á skjólvegg, rífa upp blóm úr blómapottum
með rótum og sturta moldinni yfir hellulagða stétt við dagþjónustuna á Gylfaflöt. Marg-
sinnis áður hafa verið unnin skemmdarverk á lóðinni.
Guðni Th. um forseta Íslands
Völd í orði en
ekki á borði
Guðni Th. Jóhannesson sagn-
fræðingur segir í nýrri grein um
völd og hlutverk forseta Íslands á
Vísindavef Háskóla Íslands að
ákvæði um að forseti Íslands geti
rofið þing verði að skoða í ljósi
fyrstu greinar stjórnarskrárinnar,
þess grundvallar að Ísland er
lýðveldi með þingbundinni
stjórn. Þá verði einnig að horfa til
þess að stjórnarskráin kveður á
um ábyrgðarleysi forsetans.
Undirskriftasöfnun hefur
gengið á netinu á undanförnum
vikum þar sem skorað er á
forsetann að rjúfa þing og boða til
kosninga. Guðni telur því hæpið
að slíkt vald sé raunverulega á
herðum forseta Íslands. Hann
segir að þetta gildi einnig um
önnur formleg völd forseta sem
kveðið er á um í stjórnarskránni,
svo sem að hann fari með
löggjafarvaldið ásamt Alþingi og
framkvæmdarvaldið með öðrum
stjórnvöldum. Í stjórnarskránni
segir einnig að hann geti skipað
ráðherra, gert samninga við
önnur ríki og látið leggja fyrir
Alþingi frumvörp til laga. „Að
þessu leyti eru völd forseta því í
orði en ekki á borði,“ skrifar
Guðni. Hann segir forsetann þó
gegna mikilvægu formlegu
hlutverki. Hann undirritar lög og
ýmis skipunarbréf svo þau taki
gildi, auk þess sem hann taki á
móti sendimönnum erlendra
ríkja og fari í heimsóknir til
konunga, drottninga og annarra
þjóðhöfðingja.
Þá segir Guðni að forseti geti
látið til sín taka á pólitíska
sviðinu, einkum þegar mynda
þurfi ríkisstjórnir. Hann afhendir
þá formanni stjórnmálaflokks
sem hann telur líklegastan til að
geta myndað ríkisstjórn umboð
til að mynda stjórn. Ef formann-
inum mistekst að mynda stjórn
lætur hann umboðið af hendi og
færir forseti það þá næsta
formanni.
„En þyki forseta einsýnt að
leiðtogum stjórnmálaflokka á
Alþingi muni ekki takast að
mynda ríkisstjórn er honum
heimilt að skipa utanþingsstjórn.
Forseti velur sér þá forsætisráð-
herra og ráðherra og situr sú
stjórn uns mál hafa þróast á þann
veg að unnt er mynda ríkisstjórn
sem nýtur stuðnings meirihluta
eða minnihlutastjórn sem getur
staðið af sér tillögu um vantraust.“
Brotið og bramlað Garðstólar
voru teknir og brotnir. Margrét Birta
Óskarsdóttir er einn af notendum
dagþjónustunnar.
Mynd Eyþór ÁrnaSon
Árétting
Skarphéðinn Þórisson líffræð-
ingur vill árétta að gruggið í
Lagarfljóti hefur þrefaldast líkt
og Landsvirkjun metur það en
ekki fimmfaldast eins og fram
kom í máli hans í helgarblaði
DV. Þá vill hann undirstrika
það að þrátt fyrir að fram-
kvæmdir vegna Kárahnjúka-
virkjunar hafi eflaust haft áhrif
á ferðir hreindýranna er líklegt
að veður og beit spili líka inn í
og að yfirstandandi rannsóknir
muni vonandi leiða það í ljós
í fyllingu tímans hvaða áhrif
virkjunin hafði á dýralífið á
svæðinu.