Dagblaðið Vísir - DV - 15.06.2012, Blaðsíða 10

Gylfi þakkar Suu Kyi baráttuna
n „Mannréttindi eru ekki einkamál nokkurra,“ segir formaður ASÍ
V
ið þökkum fyrir þá reisn sem
þú hefur sýnt, einbeitni og
einörðu staðfestu,“ sagði Gylfi
Arnbjörnsson, forseti Alþýðu­
sambands Íslands, við Aung San Suu
Kyi, fyrrverandi leiðtoga stjórnar­
andstöðunnar í Búrma, nú Mjanmar,
á þingi Alþjóðavinnumálastofnunar í
Genf á fimmtudag.
Gylfi ávarpaði ráðstefnuna fyrir
hönd Norrænu verkalýðshreyfingar­
innar. Hann þakkaði henni fyrir fórn­
fúsa baráttu fyrir mannréttindum og
réttindum launafólks í heimalandi
sínu. „Okkur langar einnig að óska
þér til hamingju með þær mikils­
verðu breytingar sem barátta þín
hefur skilað í heimalandi þínu Mjan­
mar, en þær breytingar sem þar hafa
orðið til batnaðar eru ekki síst þinni
baráttu að þakka,“ sagði Gylfi og
bætti við að Norræn verkalýðshreyf­
ing fagni sérstaklega tryggingu sem
gefin hefur verið fyrir því að forystu­
menn í verkalýðshreyfingunni fái að
snúa heim aftur án afskipta stjórn­
valda.
Hann þakkaði henni fyrir þann
baráttustíl sem hún temur sér í bar­
áttu sinni. „Það sem þú hefur gert
minnir okkur öll á að mannréttinda­
barátta er ekki einkamál nokkurra
heldur eitthvað sem á að snerta okk­
ur öll. Þar skiptir úthald, seigla og
einbeiting miklu máli því það eru
verkfæri sem geta leitt okkur til sig­
urs.“
Suu Kyi sat í stofufangelsi í Búrma
með hléum í um tvo áratugi eða allt
frá því að flokkur hennar, flokkur
lýðræðissinna, vann yfirburðasigur
í kosningum árið 1990. Suu Kyi var
sleppt úr stofufangelsi í nóvember
árið 2010. Hún er handhafi fjölda
verðlauna fyrir baráttu sína þar á
meðal Friðarverðlauna Nóbels, Raf­
tó­verðlauna og verðlauna Sakharov,
sem veitt eru fyrir baráttu fyrir mál­
og skoðanafrelsi. Suu Kyi er heiðurs­
ríkisborgari Kanada. atli@dv.is
10 Fréttir 15.–17. júní 2012 Helgarblað
Ó
lafur Ragnar Grímsson, for­
seti Íslands, afboðaði sig með
viku fyrirvara á NATO­ráð­
stefnu á Hótel Rangá sem
hann hafði sjálfur stung­
ið upp á að yrði haldin. Ólafur átti
að koma fram sem aðalræðumaður
ráðstefnunnar þann 3. júní og flytja
stefnuræðu í upphafi hennar, en
þann 24. maí barst skipuleggjendum
ráðstefnunnar tölvupóstur frá for­
setaembættinu þar sem fram kom
að vegna „ófyrirséðra aðstæðna“
kæmist Ólafur Ragnar ekki á ráð­
stefnuna. Á ráðstefnunni var rætt
um loftslags­ og orkumál og um­
gengni við herstöðvar.
Var við sjómannamessu
sama dag
Skipuleggjendur brugðu á það ráð
að biðja Jón Baldvin Hannibals­
son, fyrrverandi utanríkisráðherra
og sendiherra Íslands í Bandaríkj­
unum, um að leysa Ólaf Ragnar af
hólmi og kom hann sérstaklega til
Íslands í því skyni. Fram kemur á
vefsíðu forsetaembættisins að Ólaf­
ur Ragnar hafi sótt sjómannamessu
í Dómkirkjunni sama dag.
Átti sjálfur hugmyndina að
ráðstefnunni
Samkvæmt gögnum sem DV hefur
undir höndum var þátttaka Ólafs
Ragnars sem aðalræðumaður ráð­
stefnunnar staðfest í desember á
síðasta ári, en þá hafði skipulagning
hennar staðið yfir í nokkra mánuði.
Fjárveitingar höfðu fengist, bæði
frá NATO og bandarískum stofnun­
um og fyrirtækjum. Í tölvupósti sem
einn af skipuleggjendum ráðstefn­
unnar sendi skrifstofustjóra for­
seta þann 17. janúar kemur fram að
Ólafur hafi sjálfur átt hugmyndina
að því að haldin yrði NATO­ráð­
stefna á Íslandi um sjálfbærni og
orkumál. Hafi hann viðrað hug­
mynd sína í júní árið 2010, stungið
upp á því að bandarískum stjórn­
málamönnum yrði boðið og nefnt
sérstaklega Hillary Clinton, utan­
ríkisráðherra Bandaríkjanna.
Óánægja meðal bandarískra
skipuleggjenda
Að sögn dr. Guðrúnar Pétursdóttur,
sem kom að skipulagningu ráð­
stefnunnar fyrir hönd Háskóla Ís­
lands, ríkir mikil óánægja vegna
framgöngu Ólafs meðal erlendra
skipuleggjenda. „Þeir urðu gersam­
lega orðlausir,“ segir hún og bætir
því við að fulltrúar Bandaríkjanna
hafi sett ákvörðunina í samhengi
við uppákomu sem varð í apríl árið
2009. Þá barst Carol van Voorst,
sendiherra Bandaríkjanna á Íslandi,
bréf um að forseti Íslands hygðist
sæma hana fálkaorðunni, en þegar
Carol var á leiðinni að Bessastöð­
um ásamt manni sínum var hringt
í hana og henni tjáð að ekki stæði til
að veita henni orðuna. Segir Guð­
rún að fulltrúar Bandaríkjanna hafi
rifjað þetta atvik upp og spurt hvort
einhver tengsl væru á milli þess og
ákvörðunar Ólafs um að mæta ekki
á NATO­ráðstefnuna.
Forsetaskrifstofan gaf litlar skýr­
ingar á fjarveru forsetans en tekið
var fram að forseta bæri engin
skylda til að mæta á ráðstefnur sem
þessar. Jafnframt væri Ólafur Ragn­
ar alltaf viðstaddur sjómannamess­
ur.
Ólafur skrÓpaði
á NaTO-ráðsTefNu
n Lét vita með viku fyrirvara n Átti sjálfur hugmyndina að ráðstefnunni
Afboðaði sig á NATO-ráðstefnu
Ólafur Ragnar Grímsson er alltaf
viðstaddur sjómannamessur.
Fasteignamat
hækkað um 7,4
prósent
Heildarmat fasteigna á landinu
öllu er nú 4.715 milljarðar króna
samkvæmt nýju fasteignamati sem
Þjóðskrá Íslands gaf út á fimmtu­
dag. Fasteignamatið hækkaði um
7,4 prósent. Nýja matið tekur gildi
31. desember næstkomandi. Fast­
eignamat hækkar mest í Vest­
mannaeyjum, eða um 19 prósent. Í
Leirvogstungu í Mosfellsbæ lækk­
ar fasteignamatið hins vegar um
5,4 prósent.
Heildarfasteignamat á höfuð­
borgarsvæðinu lækkar um 8,3 pró­
sent. Matið er byggt á verðlagi fast­
eigna í febrúar árið 2012 og byggir
á þinglýstum kaupsamningum.
Því er ætlað að endurspegla mark­
aðsvirði fasteigna og verður notað
sem grundvöllur þegar skattar eru
ákvarðaðir.
Eldur í
plastbát
Slökkviliðið í Hrísey var kallað
út á fimmtudag vegna elds sem
kom upp í plastbátnum Guð­
rúnu EA 58 í Hrísey. Um var að
ræða mikinn reyk sem lagði upp
úr vélarrúmi bátsins. Í tilkynn­
ingu frá slökkviliði Akureyrar gekk
betur að ráða niðurlögum elds­
ins en aðstæður gáfu tilefni til að
ætla. Nokkrar skemmdir urðu á
bátnum en eldsupptök eru enn
sem komið er ókunn og er málið í
rannsókn.
Strax og tilkynnt var um eldinn
var auka mannskapur sendur af
stað frá Akureyri en var snúið við
fljótlega þar sem slökkvilið í Hrís­
ey var búið á tökum á eldinum.
Tíma getur tekið fyrir slökkviliðið
á Akureyri að komast út í eyna
þar sem eina farartækið er ferjan
Sævar sem siglir frá Árskógssandi
en um er að ræða allt að 45 mín­
útur með akstri þangað. Góður
búnaður til slökkvistarfa er því til
staðar í Hrísey.
Jóhann Páll Jóhannsson
blaðamaður skrifar johannp@dv.is
„Þeir urðu
gersam-
lega orðlausir
Baráttukona Aung San Suu Kyi sat stóran
hluta síðustu ára í stofufangelsi vegna bar-
áttu sinnar fyrir lýðræðisumbótum í Búrma.