Dagblaðið Vísir - DV - 15.06.2012, Síða 15

Fréttir 15Helgarblað 15.–17. júní 2012
Hólabrekku-
skóli verð-
launaður
Hólabrekkuskóli fékk hvatningar-
verðlaun skóla- og frístundaráðs
Reykjavíkur. Verðlaunin voru af-
hent á fimmtudag. Skólinn fékk
verðlaunin fyrir verkefnin Auðnu-
stundir, Lífsorkuveitan, þátttöku-
bekkir og Gamall nemur, ungur
temur. Auðnustundir er sam-
starfsverkefni Hólabrekkuskóla,
félags eldri borgara í Gerðubergi
og hverfislögreglu og er markmið
þess að gefa nemendum skólans
tækifæri til að umgangast eldra
fólk, fá frá þeim fræðslu, styrkja
eigið gildismat og eiga góða
stundir saman í leik og starfi. Lífs-
orkuveitan, þátttökubekkir er hins
vegar samstarfsverkefni yngsta
stigs Hólabrekkuskóla og félags-
starfsins í Gerðubergi sem hefur
það að markmiði að efla tengsl
innan grenndarsamfélagsins. Í
verkefninu Gamall nemur, ungur
temur veittu nemendur í 7. bekk
eldri borgurum leiðsögn í tölvu-
færni og var markmið verkefn-
isins að tengja saman aðila inn-
an grenndarsamfélagsins og efla
forvarnir.
Helmingur
fór of hratt
Brot tuttugu og þriggja ökumanna
voru mynduð í Arnarhöfða í Mos-
fellsbæ á fimmtudag. Lögreglan
fylgdist með ökutækjum sem ekið
var Arnarhöfða í norðurátt við
Fálkahöfða. Á þeim klukkutíma
sem mælingarnar stóðu óku 48
ökumenn þessa leið og voru því 48
prósent ökumanna yfir afskipta-
hraða. Meðalhraði hinna brotlegu
var 45 kílómetra hraði á klukku-
stund en hámarkshraðinn í göt-
unni er 30 kílómetrar á klukku-
stund. Sex ökumenn óku á 50
kílómetra hraða eða meira. Þetta
kemur fram í tilkynningu frá lög-
reglunni en þar kemur einnig fram
að fyrri mælingar á þessum stað
hafa sýnt brotatíðni á bilinu 41–54
prósent.
Kaupmenn flýja
Laugaveginn
Þ
að er viðskiptaflótti héðan
af Laugaveginum og sí-
fellt fleiri að fara,“ segir
Hildur Símonardóttir, eig-
andi Vinnufatabúðarinnar á
Laugavegi, og meðlimur í stjórn ný-
stofnaðra Samtaka kaupmanna og
fasteignaeiganda við Laugaveg. Hún
segir æ fleiri búðir og fyrirtæki vera á
förum frá Laugaveginum.
Sífellt fleiri fara
Herrafataversluninni Dressmann
verður lokað á Laugaveginum í ágúst
og í haust munu einnig Landsbank-
inn og Valitor flytja þaðan. Hild-
ur ásamt fyrrgreindum samtökum
kenna borgaryfirvöldum um, þau
vinni að því að hefta aðgang fólks að
verslunum sem muni leiða til þess að
verslun deyr út við Laugaveginn líkt
og gerðist við lokun bílaumferðar í
Austurstræti. Áform borgaryfirvalda
um að loka hluta Laugavegarins
fyrir bílaumferð og að hækka bíla-
stæðagjöld í miðbænum segja sam-
tökin hafa heftandi áhrif á verslun á
Laugaveginum. Það eru þó skiptar
skoðanir um þetta meðal verslunar-
eiganda við Laugaveg.
„Það eru sífellt fleiri að fara héð-
an og ekki er verið að gera fólki auð-
veldara fyrir að vera hérna,“ seg-
ir Hildur og vísar til þess að hluta
Laugavegarins er lokað fyrir um-
ferð bíla yfir sumartímann. „Þetta
er í raun mannréttindabrot. Fatlaðir
komast ekki hérna að og það eru
búðir sem lenda í miklum vandræð-
um með þessu. Það hefur komið í
ljós að minna er að gera á Laugaveg-
inum þegar þessi lokun er og meiri
hluti kaupmanna er á móti henni
samkvæmt nýrri könnun,“ segir hún.
Lofar ekki góðu
Efri hluti Laugavegarins hefur lengi
verið í niðurníðslu en undanfarið
virðist þó auðum plássum þar hafa
fækkað. Það kann þó í einhverjum til-
fellum að vera um skammtímaleigu
að ræða því eftirsótt er að vera yfir
sumarmánuðina á Laugaveginum.
Til að mynda er þar að finna kosn-
ingaskrifstofur tveggja forsetafram-
bjóðenda; Herdísar Þorgeirsdóttur
og Ólafs Ragnars Grímssonar. Það
húsnæði mun þá væntanlega losna
að forsetakosningum loknum, í enda
þessa mánaðar.
Hildur segir ástandið í haust ekki
lofa góðu. „Það er erfitt að missa
svona stór fyrirtæki eins og þau sem
eru að fara. Það er bara svo lélegur
aðbúnaður hérna og ekki eftirsótt að
vera hér. Það á að hækka bílastæða-
gjöldin umtalsvert þegar í raun ætti
að lækka þau til að fá fólk til þess að
koma hérna í miðborgina,“ segir hún.
Til stendur að hækka bílastæða-
gjöld í miðborginni umtalsvert og
lengja gjaldskyldan tíma.
Standa saman til að efla miðborgina
„Búðirnar hér hafa sérstöðu,
þetta eru sérverslanir þar sem þú
færð allt aðra þjónustu en í stóru
búðunum. Hér stöndum við sjálf
vaktina allan daginn og pössum
upp á kúnninn fari ánægður út,“
segir Hildur en Vinnufatabúðin
hefur verið við Laugaveg í 71 ár.
„Miðborgin er hjarta borgar-
innar og við eigum öll að standa
saman til þess að efla hana. Með
þessum lokunum held ég að
Laugavegurinn stefni í það sama
og Austurstrætið gerði á sínum
tíma þegar götunni var lokað. Það
var aðalverslunargatan í borginni
en nánast öll verslun lagðist þar af.
„Miðborgin er hjarta
borgarinnar og við
eigum öll að standa saman
til þess að efla hana.
n Kaupmaður segir borgaryfirvöld vinna gegn þeim n Sífellt fleiri fara
Dressman á förum Verslunin Dressmann hverfur af Laugaveginum í ágúst. Í haust flytja
líka Landsbankinn og Valitor burt.
Viktoría Hermannsdóttir
blaðamaður skrifar viktoria@dv.is
Hildur Vinnufatabúðin hefur staðið við Laugaveg í 71 ár. Hildur segir aðgerðir borgaryfirvalda fæla frá.