Dagblaðið Vísir - DV - 15.06.2012, Síða 27

Viðtal 27Helgarblað 15.–17. júní 2012
„Aldrei án hennAr“
Segir sögur
Síðasta plata Bjartmars,
Skrýtin veröld, sem hann
gerði ásamt hljómsveit sinni
Bergrisunum náði miklum
vinsældum og þeirrar næstu
er beðið með óþreyju. Bjart-
mar hefur hins vegar ákveðið
að ný plata líti ekki dagsins
ljós fyrr en næsta vor vegna
útgáfunnar á boxinu. Á nýju
plötunni ætlar Bjartmar að
segja sögur úr minninga-
bankanum.
„Ég þekki mig dálítið vel
og er að skoða mitt ferli. Ég
fæddist í litlu kauptúni og flyt
í stóran útgerðarbæ, Vest-
mannaeyjar. Þar sem bærinn
er fullur af aðkomumönnum
allar vertíðir og maður upp-
lifir alls konar ævintýri. Um
tvítugt flutti ég til borgarinnar
og varð ástfanginn af henni.
Ég þarf að segja sögu af þessu
ferli öllu. Hvernig þetta var
og er.“
Offramboð af sorg
Jafnframt því að segja sögu
sína segir Bjartmar plötuna
vera virðingarvott við land og
þjóð. „Ég er að segja söguna
af því hvað ég er heppinn að
hafa fæðst á Íslandi, hvað ég
er heppinn að hafa unnið í
því lottói að hafa fæðst hjá
foreldrum mínum, hvað mér
þykir vænt um þessa þjóð og
hve heitt ég ann þessu landi.
Ég er að segja söguna af
því hvað við eigum langt í
land með að kunna að meta
það sem við höfum. Því í
harðnandi heimi, með land-
eyðingu, mengun og of-
framboði af sorg er alls ekki
sjálfsagt að við fáum að vera
svona fámenn í svona stóru
landi. Með gríðarlegar auð-
lindir og 200 mílna lögsögu út
í haf. Þetta eigum við að virða
og vernda náttúruna umfram
allt. Því án náttúruverndar
er ekki hægt að halda uppi
mannréttindum.“
„Alltaf meinandi, aldrei
messandi“
Þarna er Bjartmar kominn
á kunnuglegar slóðir enda
þekktur fyrir ljóðrænar lýs-
ingar á þjóðfélagsmálunum
og fegurð landsins. Eins og
Helgi Seljan fréttamaður lýsir
vini sínum á Facebook í tilefni
af afmælinu: „Alltaf mein-
andi, aldrei messandi.“
„Ég hef aldrei getað leyft
mér að vera með einhvern
glennuskap í textum mínum
eða vera ekki með skoðanir.
Því ég hef mjög mótaðar
skoðanir um hvernig ég vil
hafa þetta, þó ég hafi aldrei
vitað hvað ég vil, og þess
vegna er ég í svona mörgum
listgreinum. Þó hef ég alltaf
vitað hvað ég vil ekki. Ég hef
keyrt á því í gegnum tíðina, að
hafna því sem ég vil ekki.“
Rauðvínslegnir ráðherrar
Bjartmar segir að virðingu
skorti hjá okkur á fleiri stöð-
um en fyrir náttúrunni. „Ég
hvet fólk til að átta sig á því að
við höfum aldrei verið með
glæsilegri ungdóm í landinu
en unga fólkið á Íslandi í dag.
Þau hafa hækkað menntun-
arstig þjóðarinnar margfalt,
unga fólkið er spólandi inn
verðlaunum í gulli, silfri, kop-
ar og öllum málmtegund-
um sem til eru. Hoppandi og
dansandi um öll lönd hvort
sem það er í tónlist eða íþrótt-
um. Þau eru í fremstu röð í
öllu sem þau taka sér fyrir
hendur.
Ég ætla að biðja stjórn-
málamenn sem eru að kom-
ast inn á eftirlaunin sín,
rauðvínslegna ráðherra og
maríneraða sendiherra, að
virða þetta unga fólk. Koma
vel fram við það því það er
þetta fólk sem á eftir að halda
uppi þreföldum, fjórföldum
eftirlaununum þeirra. Komið
vel fram við fólkið sem borgar
ykkur launin því undir niðri
vitið þið að þið eigið þau ekki
skilið.“
Rökþrota þjóð
Bjartmar hefur í gegnum
tíðina látið þjóðfélagsum-
ræðuna sig varða og reynt að
leggja sitt til málanna. Hann
segir þó eiginlega þjóðfélags-
umræðu varla til á Íslandi þar
sem orðið „umræða“ sé ekki
lýsandi.
„Íslensk umræða er ekki
keyrð á neinni rökhyggju.
Hún er keyrð á alhæfing-
um sem þarf að eyða ógur-
legum tíma í að leiðrétta og
ósannindi eru því miður dag-
legt brauð. Við erum hrein-
lega rökþrota þjóð því við
höfum aldrei skapað neina
rökhyggju. Við tölum um
andstæðinga en ekki and-
mælendur. Ef þú ert ekki
sammála mér þá ertu and-
stæðingur minn, ekki and-
mælandi. Það er því ekkert
sem gefur fólki rétt á að vera
með eða á móti. Því ef þú ert
ekki með mér þá ertu bara á
móti mér.“
Hann nefnir umræðuna
um Evrópusambandið sem
dæmi um mál þar sem ekk-
ert svigrúm sé til að mynda
sér skoðun þar sem annað-
hvort þurfi að vera með eða
á móti án þess að kynna sér
málið fyrst. „Það eru engar
upplýsingar sem þjóðin hef-
ur fengið. Bréfalúgurnar
hafa ekkert liðkast við það
að þessi umræða hafi far-
ið í gang. Öndvert við aðr-
ar þjóðir sem kynna fyrir
þegnum sínum málefni. Það
er ekkert kynnt hérna. Það
á bara að kjósa eitthvað og
gera eitthvað, til þess að gera
eitthvað. Ef einhver láns-
kjaravísitala hefur farið í
ruslið síðustu árin þá er það
sú sem gildir yfir stjórnmála-
menn. Því þeir eru hjá mér
komnir í ruslflokk og það er
ekkert sem ég gæti hugsað
mér að krossa við í dag.“
Þakkar með heiðarleika
En Bjartmar hefur feng-
ið nóg af því að hugsa um
þjóðfélagsumræðuna í bili
enda ekkert nema gleði fram
undan. Afmæli, tónleikar,
myndlistarsýningar og
áframhaldandi uppgjör en
hann segir það líka fylgja því
að verða sextugur.
„Það sem ég þarf að gera
það sem eftir er, er að þakka
fyrir það að fá heilsuna aft-
ur og þakka fyrir fólkið í
kringum mig. Það geri ég
með því að vinna eins
heiðarlega og ég get að
því sem ég geri best.
Sem er að semja
ljóð, mála mynd-
ir og semja lög,“
segir skáldið að
lokum. n
„Það er alveg á hreinu að ég
hefði aldrei farið í gegnum
þetta án hennar. Aldrei án hennar.
Styðja hvort annað Bjartmar og María á góðri stundu þegar þau bjuggu í
Danmörku.
Dætur Bjartmars Þær Arna, Elma Björk og Berglind.