Dagblaðið Vísir - DV - 25.07.2012, Qupperneq 8

8 Fréttir 25. júlí 2012 Miðvikudagur
S
kiptum er lokið í þrotabúi fé­
lagsins Lackland ehf., sem
áður hét Hrói Höttur, en engar
eignir fundust í búinu upp í
rúmlega 223 milljóna króna
kröfur sem lýst var í það. Hinn lands­
þekkti pítsustaður hefur þó haldið
áfram starfsemi sinni óraskað eftir
viðskiptafléttu forráðamanna pítsu­
keðjunnar í janúar síðastliðnum þar
sem reksturinn var færður yfir á nýja
kennitölu. Einn forsvarsmanna Hróa
Hattar segir flakk félagsins hafa verið
framkvæmt í fullu samráði við kröfu­
hafa og skiptastjóra gamla félagsins.
Kennitöluflakk
Það var 19. janúar sem Héraðsdóm­
ur Reykjaness úrskurðaði að félagið
Lackland ehf., skyldi tekið til gjald­
þrotaskipta. Lýstar kröfur í búið voru
223.261.262 krónur en fram kemur í
skiptalokstilkynningu í Lögbirtingar­
blaðinu á mánudag að engar eignir
hafi fundist í búinu og lauk skiptum
á því þann 5. júlí án þess að ein ein­
asta greiðsla fengist upp í kröfurnar.
Kröfuhafar hafa því þurft að afskrifa
hinar rúmlega 223 milljónir króna.
Sé saga Lacklands hins vegar
skoðuð í hlutafélagaskrá sést hins
vegar að þann 4. janúar síðastliðinn
hét félagið á sömu kennitölu Hrói
Höttur, hin þjóðþekkta pítsukeðja
sem starfað hefur um árabil. 5. jan­
úar var félagið Hrói Höttur orðið
að Lackland ehf. Sömu daga í janú­
ar urðu samhliða þessu breytingar
á öðrum félögum í eigu sömu aðila
sem eiga og reka Hróa Hött. Félag­
ið HRH Eignarhaldsfélag ehf. breytti
um nafn og varð að Hróa Hetti. Und­
ir því nafni og þeirri kennitölu starfar
fyrirtækið svo áfram.
Í samráði við banka
Nikulás Kristinn Jónsson var ann­
ar stærstu eigenda Hróa Hattar og
Lacklands. Í samtali við DV segir
hann að þessi gjörningur hafi verið
gerður í fullu samráði við Sparisjóð­
ina, eins og hann orðar það sem voru
þeirra stærstu kröfuhafar, sem og
skiptastjóra þrotabús Lacklands.
„Þetta var ekki svona þvæla eins og
maður les alltaf um í blöðunum. Þetta
voru erlend lán og þetta hefði aldrei
gengið upp. Þá var farið út í þetta í
samráði við banka og skiptastjóra,“
segir Nikulás í samtali við DV. Hann
segir þennan gjörning hafa verið það
eina í stöðunni og bankinn hafi lagt til
að þessi leið væri farin.
Passað að enginn sæti eftir
Hann segir félagið ekki hafa skuld­
að neinum neitt, engum birgjum
eða því um líkt. „Þetta voru erlend
lán sem voru auðvitað ekkert 223
milljónir. Ef hrunið hefði ekki kom­
ið hefði þetta staðið í 70–80 milljón­
um. En við hrunið fór gengið í þvælu.
Við pössuðum að enginn sæti eftir en
við vorum bara fastir í þessu gengis­
kjaftæði,“ segir Nikulás og bætir við.
„Hrói Höttur lifir og pítsurnar
halda áfram að bakast.“
DV náði ekki í Ásbjörn Jónsson,
skiptastjóra Lackland ehf., til að bera
undir hann fullyrðingar Nikulásar
þar sem hann er staddur erlendis í
sumarfríi. n
„Hrói Höttur
lifir og
pítsurnar halda
áfram að bakast
Pítsukeðja tórir
á nýrri kennitölu
n Hrói Höttur gjaldþrota í janúar n Flétta í samráði við banka segir eigandi
Sigurður Mikael Jónsson
blaðamaður skrifar mikael@dv.is
Enginn situr eftir Nikulás segir allt gert
í samráði við kröfuhafa og skiptastjóra og
enginn sitji eftir með sárt ennið.
Baka enn pítsur
Pítsukeðjan heldur velli
eftir að reksturinn var
færður af gjaldþrota
kennitölu í janúar
síðastliðnum.
Mynd Eyþór árnason
Rannsókn lokið á
laumufarþegum
Lögreglan á Suðurnesjum hef­
ur lokið rannsókn á máli tveggja
manna sem laumuðust um borð
í vél Icelandair á Keflavíkurflug­
velli 8. júli síðastliðinn. Svo virð­
ist sem mennirnir hafi undir­
búið för sína inn á haftasvæði
flugstöðvarinnar löngu áður en
þeir létu til skarar skríða. Rændu
þeir vinnufatnaði í verslun í
Reykjanesbæ sem líktist klæðn­
aði starfsmanna flugvallarins og
upptökur úr öryggismyndavél­
um staðfesta að mennirnir tóku
sér dágóðan tíma í að kanna að­
stæður á flugvellinum áður en
þeir laumuðust inn í flugvélina.
Þeir komust inn á byggingasvæði
á flugvellinum þegar engir starfs­
menn voru þar viðstaddir. Þaðan
komust þeir að öryggisgirðingu,
klifruðu yfir hana og gengu um
300 metra vegalengd yfir flug­
hlaðið klæddir eins og starfs­
menn. Að lokum komust þeir að
flugvélinni sem var galopin auk
þess sem stigabíll stóð við hlið
hennar. Flugvélinni var haldið
opinni af ásettu ráði, enda höfðu
starfsmenn verið að vinna við
vélina og til stóð að færa hana
milli stæða. Því var leiðin greið
inn í hana. Daginn eftir kom
áhöfn vélarinnar að mönnunum
sem höfðu læst sig inn á salerni
flugvélarinnar. Voru þeir hand­
teknir en látnir lausir að lokn­
um yfirheyrslum. Ljóst þykir að
mennirnir hafi ætlað að kom­
ast af landi brott með vélinni.
Samkvæmt tilkynningu lögreglu
sýndu mennirnir aldrei af sér of­
beldishegðun og ekkert hafi kom­
ið fram sem bendi til þess að þeir
hafi ætlað að valda skemmdum.
Icelandair krefur þá um skaða­
bætur vegna seinkunar sem varð
á fluginu. Mennirnir eru báðir
hælisleitendur sem dvalið hafa á
Fit í Reykjanesbæ. Talsvert hef­
ur verið fjallað um þá í fjölmið­
um en grunur leikur á að þeir hafi
logið til um aldur og gengust þeir
undir aldurgreiningu hjá lækn­
um. Hafa þeir gert ítrekaðar til­
raunir til að flýja af landi og voru
þeir tvisvar handteknir í júní er
þeir fóru um borð í millilanda­
skip við Reykjavíkurhöfn í leyfis­
leysi. Mál mannana hefur verið
afhent lögfræðideild lögreglunn­
ar á Suðurnesjum en brot þeira
varða við almenn hegningarlög
og lög um loftferðir.