Dagblaðið Vísir - DV - 25.07.2012, Blaðsíða 14

14 Erlent 25. júlí 2012 Miðvikudagur
Kalla eftir harðari
sKotvopnalöggjöf
U
mræðan um skotvopnaeign
Bandaríkjamanna er komin í
hámæli eftir að James Eagan
Holmes, 24 ára læknanemi,
myrti tólf og særði 59 þegar
hann hóf skothríð í kvikmyndahúsi
í Colorado í síðustu viku. Lög um
skotvopnaeign þykja afar frjálslynd í
Bandaríkjunum og til marks um það er
skotvopnaeign meðal óbreyttra borg­
ara mest í Bandaríkjunum af öllum
löndum heimsins. Þær raddir verða
sífellt háværari sem vilja herða skot­
vopnalöggjöfina en andstaðan með­
al skotvopnaeigenda og áhrifamikilla
þingmanna er mikil.
Holmes virðist ekki hafa haft mik­
ið fyrir því að sanka að sér skotvopn­
um, byssukúlum og öðrum útbún­
aði áður en hann lét til skarar skríða.
Margt af því sem Holmes notaði við
árásina keypti hann á netinu, til að
mynda 6.300 byssukúlur. Í aðdraganda
árásarinnar hafði Holmes keypt fjögur
skotvopn; tvær skammbyssur, riffil og
haglabyssu.
Venjuleg pöntun
„Við erum öðruvísi en önnur samfé­
lög. Við leyfum fólki að búa yfir vopn­
um sem herinn notar alla jafna,“ segir
Dudley Brown, formaður félags byssu­
eigenda í Klettafjöllum, í samtali við
AP­fréttastofuna.
Chad Weinman rekur vefsversl­
unina TacticalGear.com sem sér­
hæfir sig í sölu á varningi sem meðal
annars er ætlaður lögregluþjónum og
hermönnum. Þúsundir pantanir ber­
ast í gegnum vefverslunina á hverjum
degi. Þann 2. júlí síðastliðinn pantaði
Holmes á vef verslunarinnar sérút­
búið vesti sem yfirleitt sést einungis á
vígvellinum, haldara fyrir skothylki og
hníf. Þá borgaði hann aukalega til að
pöntunin bærist innan tveggja daga
frá pöntunardegi.
Weinman segir að pöntunin hafi
ekki verið óvenjuleg og ekkert öðru­
vísi en þær pantanir sem berast á degi
hverjum. „Það eru margir sem eru
hrifnir af þessum vörum og 99,9 pró­
sent þeirra eru löghlýðnir borgarar,“
segir Weinman sem bætir þó við að
honum bjóði við því að Holmes hafi
keypt af honum vörur sem hann not­
aði í árásinni. Hann tekur það fram að
ekki séu seldar byssur eða byssukúlur
í versluninni og að honum komi það á
óvart hversu miklu magni af vopnum
og skothylkjum Holmes náði að sanka
að sér.
50 sendingar
Holmes keypti byssukúlurnar og byss­
urnar á löglegan hátt, að sögn Ginger
Colbrun, talsmanns Bureau of Alcohol,
Tobacco and Firearms. Og í umfjöll­
un AP er tekið fram að ekkert eftirlit
sé með því hvort einstaklingar kaupi
óvenjumikið magn af skotvopnum.
Á fjórum mánuðum fékk Holmes
senda yfir 50 pakka að heimili sínu í
Aurora í Colorado. Samtímis keypti
Holmes skotvopn í skotvopnabúð­
um í Colorado. Þann 22. maí keypti
Holmes Glock­skammbyssu. Tæpri
viku síðar keypti hann haglabyssu
og vikuna þar á eftir keypti hann AR­
15 riffil – skotvopn sem var bann­
að tímabundið í Bandaríkjunum árið
1994. Bannið rann út árið 2004 og
þrátt fyrir áskoranir hópa sem berjast
gegn byssueign hafa bandarísk yfir­
völd, átta árum síðar, ekki enn fram­
lengt bannið. Holmes tókst einnig að
útvega sér efni til sprengjugerðar en
að sögn lögreglu er ekki að fullu ljóst
hvar hann fékk þau efni.
Að lokum keypti Holmes skamm­
byssu þann 7. júlí síðastliðinn og tólf
dögum síðar keypti hann miða á mið­
næturfrumsýningu nýjustu Batman­
myndarinnar, The Dark Knight Rises.
Hann gekk inn í salinn með fórn­
arlömbum sínum, smeygði sér út um
hliðarhurð og kom aftur í fullum her­
klæðum, þungvopnaður og hóf skot­
hríð. Að sögn lögreglu var hann með
hjálm, gasgrímu, sérútbúið vesti og
í hermannabuxum. Hann kastaði
táragasi inn í salinn og hóf skothríð.
Lögreglan kom á staðinn 90 sekúnd­
um eftir að tilkynnt var um árásina en
um það leyti lá stór hópur bíógesta eft­
ir óvígur.
„Nakinn“ með 6.000 kúlur
Carolyn McCarthy, þingmaður
Demókrata, hefur lengi barist fyr­
ir harðari löggjöf um skotvopna­
eign. Hún missti eiginmann sinn
í skotárás á Long Island Railroad
árið 1993. Carolyn segist ekki vera
vongóð um breytingar eftir atburði
liðinnar viku. Henni segist vera
mjög brugðið yfir því hversu lítið
Holmes virðist hafa haft fyrir því að
sanka að sér vopnum. „Það er ótrú­
legt að vopn sem þessi séu seld til al­
mennings,“ segir hún.
Mike Waller, þingmaður Repúblik­
ana í Colorado, vill ekki að lög um
skotvopnaeign verði hert eftir árásina
og minnist á það í samtali við AP að
Holmes hafi keypt 300 haglabyssuskot.
„Ég og 13 ára sonur minn förum oft út
á skotæfingasvæði. Þegar við gerum
það kaupum við meira en 300 hagla­
byssuskot.“
Dudley Brown, formaður byssu­
eigenda í Klettafjöllum, tekur und­
ir með Waller og segir að frjálslynd
skotvopnalöggjöf hafi gert Banda­
ríkin að „sterkara landi“. Hann seg­
ist ekki sjá neitt óvenjulegt við það
magn sem Holmes keypti af bys­
sukúlum og öðrum búnaði. „Mér
liði eins og ég væri nakinn ef ég
ætti bara 6.000 kúlur í AR­15 riffil­
inn minn,“ segir hann og telur upp
vopnin sem Holmes hafði yfir að
ráða. „Tvær skammbyssur, hagla­
byssa og riffill – það er bara eins og
meðalmaðurinn í Colorado hefur
yfir að ráða.“
n Sankaði að sér skotvopnum n Þingmenn vilja ekki breytingar á lögum
Einar Þór Sigurðsson
blaðamaður skrifar einar@dv.is
Mikil sorg Minningarathöfn var haldin
fyrir utan kvikmyndahúsið í Aurora á
mánudag þar sem tólf létu lífið. Margir
eiga um sárt að binda.
MyNd ReuteRs
Ringlaður James Holmes var leiddur fyrir dómara á mánudag. Hann var þögull og virtist
ringlaður þegar hann gekk inn í salinn ásamt verjanda sínum. MyNd ReuteRs
AR-15 Holmes notaði riffil sambærilegan
þessum í árásinni. Sala á vopninu var
bönnuð á árunum 1994 til 2004.
„Mér liði eins og ég
væri nakinn ef ég
ætti bara 6.000 kúlur í
AR-15 riffilinn minn.
Beit nefið af
átta ára dreng
Átta ára drengur jafnar sig nú á
sjúkrahúsi í Adelaide í Ástral­
íu eftir að hundur beit af hon­
um nefið. Drengurinn skadd­
aðist einnig á auga eftir árásina.
Í áströlskum fjölmiðlum er
greint frá því að drengurinn hafi
verið staddur í Port Lincoln í
Ástralíu og þyrla hafi þurft að
sækja drenginn og flytja hann
á sjúkrahús á sunnudag. Máls­
atvik munu vera óljós en ekki
liggur fyrir hvort drengurinn
þekkti hundinn eða átti hann,
eða hverrar tegundar hundur­
inn var.
Lýtalæknar vinna nú að því
að reyna að lágmarka skaðann
eftir hundinn og hlúa að sárum
drengsins.
Þroskaheftur
fangi fær
gálgafrest
Á mánudag ákvað Hæstiréttur
Georgíuríkis í Bandaríkjunum
að fresta aftöku þroskahaml­
aðs fanga. Maðurinn, War­
ren Lee Hill, varð samfanga
sínum að bana árið 1990 með
hrottafengnum hætti. Aftaka
hans hefur verið mjög umdeild
í ljósi þess að greindarvísitala
Hill er aðeins 70, sem gefur til
kynna mikla þroskahömlun.
Lögfræðingar Hill hafa reynt að
fá aftökunni frestað eða dómi
hans breytt í lífstíðarfangelsi og
segja það ómannúðlegt að taka
einstakling af lífi sem ekki get­
ur verið ábyrgur gjörða sinna.
Rétturinn ákvað að fresta aftök­
unni tímabundið meðan gerðar
eru breytingar á samsetningu
eitursprautunnar sem fangar í
Georgíu eru aflífaðir með.
Fundu fóstur
á víðavangi
Þorpsbúar í Suður­Úral í
Rússlandi gerðu hrollvekj­
andi uppgötvun á dögunum
þegar nokkrir þeirra fundu
fjórar fötur sem innihéldu
248 mannsfóstur sem skildar
höfðu verið eftir úti í skógi.
Lögreglan í Sverdlovsk­hér­
aði sagði á þriðjudag að
fóstrin hafi verið varðveitt í
formaldehýði. Leikur grunur
á að eitt af fjórum sjúkrahús­
um í nágrenninu beri ábyrgð
á þessu og hafi verið að losa
ólöglega í skóginum.