Dagblaðið Vísir - DV - 26.09.2012, Qupperneq 15

Hann er óþverriAuðvitað er fólki brugðið
Gerði Berndsen kemur ekki á óvart að morðingi dóttur hennar hafi verið dæmdur aftur. – DVÁsgeir Guðmundsson, formaður Rex, er gáttaðaður á því að eitrað hafi verið fyrir hundunum. – DV
Bjarni segir nei
Spurningin
„Raunar verð ég dálítið upptek­
inn einmitt þennan dag. Ætli
ég greiði ekki utankjörfundar­
atkvæði.“
Þorgeir Helgason
20 ára flugþjónn og háseti
„Það ætla ég svo sannarlega að
gera og ég hvet aðra til að gera
slíkt hið sama.“
Stefán Rafn Sigurbjörnsson
23 ára háskólanemi
„Ef marka má Vigdísi Hauks­
dóttur munu aðeins 10 til 15
prósent þjóðarinnar greiða
atkvæði þann dag. Ég verð á
meðal þeirra.“
Guðni Rúnar Jónasson
24 ára framkvæmdastjóri
„Nei, ég ætla ekki að gera það
af því ég veit svo lítið um hvað
málið snýst.“
Svala Lehman
18 ára nammisali
„Já, ég hugsa að ég geri það.“
Alma Ýr Benediktsdóttir
19 ára nemi
Munt þú kjósa í
stjórnarskrár-
kosningunum?
1 „Jæja, það eru þrjátíu mín-útur þar til þú deyrð, hlakkar
þú ekki til?“
Árás Ásgeirs Inga Ásgeirssonar lýst í
bréfi til móður annars fórnarlambs.
2 Vinnuplaggi komið með ólög-legum hætti til Kastljóss
Ríkisendurskoðun er ósátt við umfjöll­
un Kastljóss.
3 Of fullkomnar stjörnur Photoshop­forritið er mikið notað til að
fegra Hollywood­stjörnurnar.
4 Skelfilegar aðstæður í fangelsinu í Litháen
Erlingur Örn Arnarson hefur verið
náðaður eftir fangelsisdvöl í Litháen.
5 Hryllilegar pyntingar á afrískum flóttamönnum
Barist gegn glæpamönnum á
Sínaískaga.
6 Jónína ósátt við Höskuld og Sigmund Davíð
Jónína Benediktsdóttir er ósátt við
hræringarnar innan Framsóknar­
flokksins.
7 Hungruð börn í Bretlandi Nemendur mæta fölir af hungri í
skólann í Stockport.
Mest lesið á DV.is
B
jarni Benediktsson formaður
Sjálfstæðisflokksins hefur nú
gefið sínum mönnum línuna
gagnvart nýrri stjórnarskrá:
Hann ætlar að segja nei í þjóðarat-
kvæðagreiðslunni 20. október.
Fróðlegt. Ný stjórnarskrá var ein
af kröfum almennings eftir hrunið –
af því að sú gamla átti sinn þátt í öllu
klandrinu – þar er skipting fram-
kvæmdavalds og löggjafarvalds óglögg,
óljóst verksvið og starfshættir forseta,
ríkisstjórnar og alþingis, fáorður kafli
um dómstóla og ekki minnst á Hæsta-
rétt. Aðferðir virks lýðræðis í stjórn-
arskránni takmarkast við einstakar
þjóðaratkvæðagreiðslur, í hana vantar
sárlega ákvæði um sameiginlegar auð-
lindir – og hún ber þess, í heild sinni,
merki um að vera barn síns tíma, síð-
búinn ávöxtur byltingarhreyfinganna
kringum 1848 þegar barist var fyrir
frelsi frá alráðum konungum og áþján
lénsveldis. Síðan er hálf önnur öld
rúmlega.
Og Bjarni segir nei.
Við stofnun lýðveldis breyttu lands-
feðurnir því sem þurfti fyrir umskiptin
úr konungsríki í sambandi við gamla
herraþjóð en einsettu sér að ganga
síðar til heildarendurskoðunar í sam-
ræmi við nýja tíma. Síðan hafa starf-
að ótal stjórnarskrárnefndir á vegum
ríkisstjórnar og Alþingis en aldrei haft
kraft til breytinga nema þeirra allra
brýnustu – málamiðlanir sem allir
þurftu að vera sammála um og urðu
þessvegna flestar hverjar hvorki fugl né
fiskur. Nú var ákveðið að fara öðruvísi
að og boða til sérstaks þings til þessara
verka, óháðu sífelldri pattstöðu í
stjórnarskrármálinu á Alþingi. Ýmsir
stjórnmálamenn, fræðimenn og hugs-
uðir höfðu reyndar fyrir löngu bent á
þessa leið, enda þekkt úr sögunni og
samtímanum – meira að segja er til ís-
lensk fyrirmynd frá 1851 sem kóngur-
inn kæfði með herliði í Kvosinni („Vér
mótmælum allir“).
En Bjarni – hann segir nei.
Hin nýju stjórnarskrárdrög eru
sprottin úr lýðræðisjarðvegi sem þjóð-
in sjálf yrkti eftir hrun. Ný stjórnar-
skrá var eitt af ráðum almennings til að
ná valdi á samfélagi sínu úr höndum
gráðugra kaupsýslumanna og misvit-
urra stjórnmálamanna og í kosningun-
um vorið 2009 gerðu Íslendingar skýr-
ar kröfur til stjórnmálaflokkanna um
að greiða leið nýrra grundvallarlaga
– þvælast að minnsta kosti ekki fyrir
þeim.
Bjarni segir: Nei.
Ferlið hófst með því að boðað var
til þjóðfundar – sem lagði grunninn að
framhaldsstarfi með umræðum sínum
heilan dag í Laugardalshöll. Þessum
fundi var fagnað um allt land sem vís-
bendingu um að við ættum betri tíma
í vændum ef við kynnum að standa
saman. Þjóðfundurinn dró upp þau
gildi sem höfð skyldu að leiðarljósi og
vísaði veginn við endurskoðunarstarf-
ið. Það er merkilegt – en um leið sjálf-
sagt – að allar helstu tillögur stjórn-
lagaráðsins má rekja til umræðna og
niðurstaðna á þjóðfundinum, þar sem
störfuðu eitt þúsund fulltrúar valdir af
handahófi – þjóðin sjálf án dilkadráttar.
Bjarni Benediktsson hinsvegar veit
betur – hann segir nei.
Það má lengi deila um einstök at-
riði í kosningafyrirkomulagi og um
æskilega kjörsókn, en ekki verður um
það deilt að framboð 522 Íslendinga
til stjórnlagaþings sýndi mikinn áhuga
á því verkefni, og með fullri virðingu
fyrir öllum hinum frambjóðendunum
var það einvalalið sem hlaut kosningu
á þingið. Það tók síðan til starfa, vegna
tæknilegra mistaka undir heitinu
Stjórnlagaráð. Þessir fulltrúar einsettu
sér að ná saman um þau atriði sem
mestu máli skiptu, og samþykktu að
lokum frumvarpsdrög sín samhljóða.
Það gerir ekki Bjarni Ben. Hann
segir nei.
Alþingi hefur samkvæmt núver-
andi stjórnarskrá síðasta orðið – eða
réttara sagt það næstsíðasta, því að
eftir að Alþingi samþykkir breytingar
á stjórnarskránni þarf að kjósa nýtt
þing sem síðan getur samþykkt
breytingarnar endanlega. Í þinginu
þótti fagnefndinni, stjórnskipun-
ar- og eftirlitsnefnd, þó eðlilegt að
leita álits þjóðarinnar á drögunum
frá stjórnlagaráðinu. Þar var sam-
þykkt að efna til almennrar atkvæða-
greiðslu í landinu um drögin og fara
um leið fram á svör við nokkrum brýn-
um spurningum um einstök atriði í
drögunum, svo sem um sameign á
helstu auðlindum. Alþingismenn úr
fjórum flokkum sögðu já við þessari
tillögu um atkvæðagreiðslu, nema
Bjarni Benediktsson og félagar, og
nokkrir Framsóknarmenn, sem sögðu
nei.
Þetta er sosum ágæt vinna hjá
stjórnlagaráðinu, segir Bjarni Bene-
diktsson. Hefur ekki tjáð sig um
vinnuna hjá þjóðfundinum – sem
meðal annars var boðað til að tillögu
Sjálfstæðisflokksmanna. Örugglega
skítsæmileg vinna líka. En við í Flokkn-
um erum sem kunnugt er snillingar, og
viljum ekki að fólk sé að fikta við hluti
sem við kunnum miklu betur á. Þjóð-
in? Hún hefur bara því miður ekki vit
á þessu.
Þessvegna segir Bjarni nei.
En kannski er núna kominn tími
til að þjóðin segi nei við Bjarna Bene-
diktsson?
Friðlýst svæði Þessi ágæti herramaður virti fyrir sér myndir á ljósmyndasýningu er haldin í Kringlunni þessa dagana. Um er að ræða myndir frá friðlýstum svæðum á Íslandi.
Mynd JG
Myndin
Umræða 15Miðvikudagur 26. september 2012
Aðsent
Mörður
Árnason
„Þjóðfundurinn dró
upp þau gildi sem
höfð skyldu að leiðarljósi
og vísaði veginn við endur-
skoðunarstarfið
Ég loka ekki
á neitt
Vigdís Hauksdóttir útilokar ekki varaformannsframboð. – DV