Dagblaðið Vísir - DV - 08.07.2011, Qupperneq 8

8 | Fréttir 8.–10. júlí 2011 Helgarblaðið
Engir kæliskápar í Austurstræti:
Volgur bjór
í blíðunni
Talsvert hefur borið á kvörtunum frá
viðskiptavinum Vínbúðarinnar við
Austurstræti, vegna þess að þar er
engan kæliskáp að finna. Í flestum
verslunum Vínbúðarinnar á höfuð-
borgarsvæðinu er að finna kæli, þar
sem viðskiptavinir geta orðið sér úti
um kalda, áfenga drykki.
Umræddir drykkir eru sérstak-
lega vinsælir þegar ríkir svokölluð
rjómablíða, eins og þessa síðustu
daga í Reykjavík. Margir taka upp á
því að setjast niður við Austurvöll til
að gæða sér á bjór eða víni, en það
verður þá að vera volgt. Margar sam-
særiskenningar hafa litið dagsins
ljós um ástæðuna fyrir kælisleys-
inu. Ein er sú að vínveitingastaðir
í nágrenni við verslunina í Austur-
stræti hafi tekið upp á því að borga
Vínbúðinni undir borðið – til að við-
halda kælisleysinu og neyða neyt-
endur til að panta sér drykki á téð-
um stöðum, vilji fólk kalda drykki á
annað borð.
DV hafði samband við Sigrúnu
Ósk Sigurðardóttur, aðstoðarfor-
stjóra Vínbúðarinnar. Hún segir
slíkar samsæriskenningar úr lausu
lofti gripnar. „Í fyrsta lagi þá er það
ekki rétt að verslunin á Austurstræti
sé sú eina sem hefur engan kæli. Það
á einnig við um verslanir á Seltjarn-
arnesi, í Hafnarfirði og Mosfellsbæ.
Ástæðan fyrir því að það er eng-
inn kælir er einfaldlega sú að versl-
unin við Austurstræti hefur haldist
óbreytt undanfarin ár. Við höfum
verið að koma fyrir kæliskápum í
nýjum verslunum, eða þeim sem
hafa tekið breytingum. Þetta á sér-
staklega við um verslanir sem hafa
verið opnaðar síðustu þrjú ár eða
svo.“
Aðspurð segir Sigrún ekki standa
til að setja kæliskáp í verslunina á
Austurstræti. „Nei, það stendur ekki
til. Það er ekki á áætlun, að minnsta
kosti ekki á þessu ári.“
Því er ljóst að bjórþyrstir gestir
á Austurvelli þurfa að sötra volgan
bjór enn um sinn. Það skal þó tekið
fram að neysla á áfengum drykkjum
á Austurvelli ku stangast á við lög,
þó lögreglan skipti sér sjaldnast af
því.
„Við vildum auðvitað bara hafa gam-
an af þessari keppni og vildum síð-
ur en svo særa nokkurn mann. Ég
vildi að mér hefði dottið það í hug að
veita honum einhvers konar heiðurs-
titil á meðan keppninni stóð, en kom
það einfaldlega ekki til hugar í hita
leiksins,“ segir Tómas Guðmundsson,
verkefnisstjóri Írskra daga, um Pálmar
Vígmundsson, sem er að sögn móður
sinnar rauðhærðasti Íslendingurinn.
Í kjölfar fréttar DV um Pálmar,
sem var vonsvikinn eftir keppnina
um rauðhærðasta Íslendinginn þar
sem hann taldi sig hafa sigrað, vildi
Tómas rétta fram sáttahönd og hafði
samband. Hann kom með skemmti-
lega uppástungu sem hann vonar að
Pálmar verði ánægður með.
Stjörnustétt – „Walk of Fame“
„Okkur hér uppi á Skipaskaga
finnst sjálfsagt að veita Pálmari
heiðursviðurkenningu, því auð-
vitað skil ég að hann hafi verið
vonsvikinn. Hann er greinilega
keppnismaður og hafði allan hug
á að vinna. En fyrir utan að veita
honum heiðursviðurkenningu þá
hef ég tekið ákvörðun um að hér
verði sett upp eins konar „stjörnu-
stétt,“ svona eins og tíðkast í Holly-
wood.“
En hvað á Tómas við með því?
„Þannig munu allir sigurvegarar
í keppninni um rauðhærðasta Ís-
lendinginn marka hand- og fót-
spor sín í steypu og við þetta verð-
ur fest árituð stjarna með nafni
og ártali ásamt mynd af viðkom-
andi. Þessari hellu og stétt verður
svo komið fyrir á áberandi stað í
gatnakerfi Akraness,“ segir Tómas.
Ljóst er að ef þessi hugmynd
verður að veruleika mun þetta
setja skemmtilegan svip á Akra-
nesbæ, rauðhærðum sem öðrum
til mikillar ánægju.
„Það er því rétt ábending hjá
ákveðnum rauðhaus að það gildi
um þetta sem annað: Einu sinni
rauðhaus – alltaf rauðhaus,“ segir
Tómas.
Kallar eftir rauðhausum
Ekki er langt síðan Tómas tók við
starfi verkefnisstjóra Írskra daga,
en hátíðin í ár var sú áttunda frá
upphafi. Það var árið 2004 sem
Írskum dögum var fagnað í fyrsta
sinn á Akranesi og allt frá upphafi
hafa Skagamenn leitað að rauð-
hærðasta Íslendingnum hverju
sinni. Tómas vonast því til að all-
ir sigurvegarar undanfarinna átta
ára muni gefa sig fram, svo hug-
myndin um stjörnu-rauðhausa-
stéttina megi verða að veruleika.
„Vonandi verður þetta til þess að
sátt náist í málinu, en um leið verð
ég að kalla eftir fyrri sigurvegurum
– vonandi með hjálp DV, því það
væri óneitanlega gaman að hafa
alla sigurvegara í keppninni um
rauðhærðasta Íslendinginn á Írsk-
um dögum á Akranesi allt frá byrj-
un,“ segir Tómas að lokum.
„Stjörnustétt“ fyrir
þá rauðhærðustu
n Verkefnisstjóri Írskra daga vill sættast við Pálmar Vígmundsson, rauðhærðasta Íslend-
inginn 2010 n Pálmar taldi sig hafa sigrað í keppninni í ár, en annar keppandi hlaut titilinn „Þannig munu
allir sigurvegarar í
keppninni um rauðhærð­
asta Íslendinginn marka
hand­ og fótspor sín í
steypu.
Björn Teitsson
blaðamaður skrifar bjorn@dv.is
Litla bifhjólaprófið fylgir fyrstu 5 hjólunum, eða 30 þús. kr. afsláttur!
Ekta Vespa fæst
aðeins hjá Heklu!
www.vespur.is
Piaggio Vespa S 125, verð aðeins: 629.000 kr.
Piaggio Vespa LX 125, verð aðeins: 599.000 kr.
Piaggio Vespa LXV 125 - Afmælisútgáfa, verð: 689.000 kr.
25% afsláttur
af öllum vespum og aukahlutum
Sumarútsala
471.750 kr.
449.250 kr.
516.750 kr.