Dagblaðið Vísir - DV - 07.09.2011, Blaðsíða 17

Á
Íslandi er besta veðurfar í
heimi,“ segi ég við Íslendinga
sem kvarta yfir „leiðinlegu“
veðri. Að vísu hefur dregið
úr neikvæðninni gagnvart ís-
lensku veðurguðunum, enda landið
ekki farið varhluta af gróðurhúsaá-
hrifum fremur en restin af hnettinum.
Það þarf gests auga til að skilja
hve gífurlegum auðæfum Ísland býr
yfir í formi kulda og svals veðurs og
vatns, sem á næstu áratugum verða
eftirsóttustu auðlindir jarðar – vatn
reyndar þegar orðið það.
Til að meta þessi verðmæti þarf að
upplifa hvernig það er að búa mán-
uðum saman við plús 30°C hitastig,
þar sem nokkurra mínútna göngutúr
þýðir svitabað og vanlíðan; þar sem
sem dauðsföll vegna hita – gamal-
menni sem hafa ekki efni á loftkæl-
ingu; börn sem foreldrar gleyma sitja
reyrð í bílstól í aftursætinu – eru fylgi-
fiskar sumartímans; þar sem búfén-
aður og dýr ráfa á skrælnuðum land-
og ræktarsvæðum örvilnuð úr þorsta
þar til þau detta niður dauð úr vökva-
tapi. „Alltaf rok og rigning,“ fær nýja
merkingu: Guði sé lof!
Ríkidæmi Íslands
Eftir nokkra áratugi, jafnvel fyrr, verð-
ur Ísland einn eftirsóttasti ferða-
mannastaður í heimi. Efnaðir munu
vilja eiga hér húsnæði til að flýja í
þegar steikjandi hitabylgjuhiti verður
venjulegt sumarhitastig.
Því er ekki undarlegt að fjárfestar
líti Ísland hýrum augum og staðsetn-
ing landsins er aðeins eitt ríkidæmið;
við erum rétt farin að gera okkur grein
fyrir verðmætunum sem felast í jarð-
orku- og vatnsauðlindum landsins.
En svo verðmætar eru auðlind-
ir okkar að þær verða ekki metnar til
fjár. „Gera Íslendingar sér grein fyrir
hve mikið er hér af ósnortinni náttúru
– stöðum sem engin mannleg hönd
hefur hreyft við, jafnvel ekki manns-
fótur stigið á!?“ spurði mig Banda-
ríkjamaður fyrir rúmum áratug eftir
nokkurra daga ferðalag um Ísland.
„Vitið þið hve fáir svona staðir eru eft-
ir í heiminum!?“
Skjóta fyrst, miða svo
Innanríkisráðherra segir landakaup
Kínverjans Huangs Nubo eiga að
vera tilefni til gagngerrar endurskoð-
unar á löggjöf um eignarhald á landi
og notkunarrétt, um auðlindamál
þjóðarinnar. Tilefni fyrst núna? Var
ekki líka tilefni í Magma-málinu? Eða
þegar kvótinn var gefinn einkavina-
væðingarfélaginu? Eða er bankarnir
voru afhentir innanbúðarmönnum
Blágræna bestavinaklíkuklúbbsins?
Eða þegar landinu var nauðgað til
að framleiða orku fyrir erlenda auð-
hringi?
Er ekki kjaftstoppandi að Íslend-
ingar skuli ekki hafa fyrir löngu síðan
mótað stefnur og áætlanir – í vand-
lega undirbúnu ferli með þátttöku
landsmanna – um jafn mikilvæg mál
og auðlindir þjóðarinnar? Að þjóðin
skuli ekki nenna að ræða mikilvæg-
ustu hagsmunamál sín nema í frétta-
slúðri vikunnar kortéri áður en stórir
landshlutar eru seldir útlendingum í
illa lyktandi undirborðssamningum?
En það kemur ekki á óvart. Íslend-
ingar skjóta fyrst og miða svo og hafa
aldrei haft raunverulega stefnu í einu
né neinu. Heilsteypt atvinnustefna
er engin til og hefur aldrei verið; frá
lýðveldisstofnun hefur öll stefnugerð
stjórnvalda falist í kortérfyrirkennd-
um viðbrögðum við krísum og „get-
rich-quick“ áformum eins og nú.
Ælugræn ferðamannaþjónusta
Ísland er holdgervingur lífsstíls fíkils-
ins, sem aldrei planar lengra en inn í
næstu vímu og lætur sig afleiðingarn-
ar engu varða, hvort sem þær lenda
á stofuhúsgögnunum eða börnun-
um. Eins og fíkillinn erum við reiðu-
búin að gera hvað sem er fyrir næsta
fix, jafnvel selja undan okkur eigin
rass, enda fráhvarfseinkennin óþol-
andi eftir að hafa glutrað – vitandi vits
og viljug – hverju ríkidæminu á fætur
öðru í gráðugar krumlur örfárra ein-
staklinga sem hafa veðsett þau upp í
topp eða stolið úr landi.
Ferðamálastjóri er himinlifandi
yfir „grænu“ ferðaþjónustutækifær-
unum sem eiga að felast í nýjasta fix-
inu – fyrirhuguðum áætlunum Nu-
bos. Ég bý í Minnesota, „ríki hinni
10,000 stöðuvatna“ og get upplýst
að það eina græna við lúxuslóköl og
golfvelli er ælugræna drulluslikjan
sem þekur vötnin og lífríki þeirra, allt
steindautt af kemísku frárennsli golf-
paradísanna.
Kaupsamningurinn um ómetan-
leg verðmæti er upp á skitinn einn
milljarð króna og forsætis- og iðnað-
arráðherrum líst vel á að selja and-
dyrið að dýrmætustu náttúruperlum
þjóðarinnar fyrir andvirði kjallara-
íbúðar á Manhattan. Skyldi heilt
McMansion fást fyrir Vatnajökul?
Líka hóruhús!
Taumlaus græðgi Íslendinga og ást
á peningum er svo djúpstæð að ég
sé enga ástæðu til að við látum stað-
ar numið við lúxushótel og golfvelli,
heldur ættum við líka að opna spila-
víti og hóruhús á hálendinu. Þar
leysast nú aldeilis atvinnumálin og
fjölskyldur sem misst hafa allt sitt í
helvítistrektir bankanna geta sent
börnin sín þangað í arðvænlega sum-
arvinnu.
Ég sé framtíð Íslands fyrir mér.
Þorri landsmanna er nú þegar á
góðri leið með að verða leiguliðar
á eigin „eignum“ vegna glórulausr-
ar peningamálastefnu stjórnvalda
sem hlekkjar þá í ævarandi skulda-
þrældóm. Þeir sem geta nurlað sam-
an fyrir afborgununum fá að leigja
húsnæðið sem þeir eiga að nafninu
til, en aðrir missa allt á uppboðum
þar sem bankarnir braska með æru
manna og líf, kaupa afrakstur ævi-
starfa þeirra á spottprís og selja aft-
ur á uppsprengdu gervimarkaðsverði
eða lauma að kærum krókmökurum
einkavinavæðingarfélagsins.
Auðlindir Íslands munu mala gull
– í vasa erlendra auðkýfinga og þeirra
íslensku kvislinga sem seldu land-
ið undan þjóðinni, en landsmenn
verða á ný leiguliðar í eigin landi, roð-
hundar og þrælar í sjálfsköpuðum
hlekkjum þrælakistu auðvaldsins.
Umræða | 17Miðvikudagur 7. september 2011
Heldurðu að Katla sé að fara að gjósa?
„Nei.“
Tristan Máni Maríönnuson
14 ára, nemi.
„Já, ég held að það fari að koma að því.“
Una Haraldsdóttir
17 ára, nemi.
„Já, ég held það.“
Ásgerður Arnardóttir
16 ára, nemi.
„Nei, ég efast um það.“
Jóhann Júlíusson
43 ára, símvirki.
„Já, já, ætli það ekki bara.“
Sigurður Páll Pálsson
19 ára, kokkur.
1 Kristrún: Sveinn Andri sendi yngri konum sms Fyrirsætan Krist-
rún Ösp ræddi opinskátt við Vikuna
um sambandsslit sín og Sveins Andra
Sveinssonar lögfræðings.
2 Myndband: Andartökum eftir að vél United Airlines brotlenti Upp-
taka af fyrstu andartökunum eftir
brotlendingu flugvélar frá United
Airlines í Pennsylvaniu í Bandaríkj-
unum 2001 hefur verið gerð opinber.
3 Skotárás á Smiðjustíg í nótt Lögreglan var kölluð að Smiðjustíg í
miðborginni eftir að skotið var með
loftbyssu á rúður íbúðar í fjölbýlis-
húsi.
4 Bauhaus fylgist með keppinaut-um Nokkur titringur er á byggingar-
vörumarkaði eftir fréttir í síðustu viku
að Bauhaus hafi í hyggju að opna
verslun sína á næstunni.
5 Ljóskuspurning Á vefmiðlinum bleikt.is var Hildur Líf Hreinsdóttir
spurð hvort fordómar í hennar garð
væru til komnir vegna þess að hún
væri falleg.
6 Leiguverð að sliga Húsasmiðjuna Byggingarvörufyrirtækið Húsa-
smiðjan hefur verið sett í söluferli.
Leigusamningar vegna verslunarhús-
næðis eru að sliga fyrirtækið.
Mest lesið á dv.is
Myndin Leifar af sumri Mikil veðurblíða var á höfuðborgarsvæðinu um síðustu helgi. Þessar konur nutu síðsumarsblíðunnar
og hlýddu á tónleika með ís í hönd. Mynd GUnnAR GUnnARSSon
Maður dagsins
Júdó er okkar
fjölskyldu-
sport
Anna Soffía Víkingsdóttir
Júdókonan Anna Soffía Víkingsdóttir sigraði
í öllum flokkum á Nogi-glímumóti bardaga-
klúbbsins Mjölnis. Soffía stefnir alltaf á sigur
og segir mikilvægt að bera virðingu fyrir
júdóinu.
Hvar ert þú alin upp?
„Á Ólafsvík.“
Hvað drífur þig áfram?
„Metnaður, að gera alltaf betur og betur og
ná lengra. Og keppnisskapið líka. Það verður
að fylgja með til að geta gert betur.“
Af hverju júdó?
„Ég var mjög léleg í boltaíþróttum. Svo
er fjölskyldan í þessu. Júdó er okkar fjöl-
skyldusport.“
Uppáhaldsmatur?
„Plokkfiskur.“
Uppáhaldsdrykkur?
„Vatn, Kristall og annars konar sódavatn.“
Uppáhaldsíþróttamaður hér
heima?
„Bjarni Skúlason júdókappi er í uppáhaldi.
Hann er ótrúlega vinnusamur, leggur alltaf
hart að sér og veit að til þess að ná árangri
þarf maður að leggja hart að sér. Svo er
hann alltaf tilbúinn að hjálpa manni.“
Uppáhaldsíþróttamaður á erlend-
um vettvangi?
„Júdóhetjan mín heitir Toshihiko Koga.“
Kom þér á óvart að hafa sigrað í
öllum flokkunum?
„Ég stefni alltaf á að sigra, það er alltaf
markmiðið. En þar sem ég var að keppa í
annarri íþrótt, þar sem við keppum í engum
göllum, kom það mér skemmtilega á óvart.“
Hvað varst þú gömul þegar þú byrj-
aðir að æfa júdó?
„Ég var 14 ára.“
Hvað þarf til að verða góður í júdó?
„Það þarf mikinn aga og mikinn metnað.
Svo þarf að bera virðingu fyrir íþróttinni og
þeim sem eru í kringum hana.“
Hvert stefnir þú?
„Stefnan var sett á Ólympíuleikana 2012 en
ég var að stíga upp úr meiðslum og á erfitt
með að ná þeim markmiðum héðan af. En
annars stefni ég á meira nám og að því að
keppa eins mikið og ég get.“
Hóruhús á hálendið!
Dómstóll götunnar
Íris
Erlingsdóttir
Kjallari