Dagblaðið Vísir - DV - 16.01.2012, Blaðsíða 20

20 Sport 16. janúar 2012 Mánudagur
H
ópurinn sem er úti
er sá sterkasti sem
við getum boðið
upp á í dag en því er
ekki að leyna að það
vantar tvo heimsklassa leik­
menn í Ólafi og Snorra Steini,“
segir Guðjón Guðmundsson,
íþróttafréttamaður á Stöð 2
Sport og einn helsti handbolta­
sérfræðingur landsins. Ísland
hefur leik á EM í handbolta í
dag, mánudag, og leikur fyrst
gegn stórliði Króata. Landsliðið
spilar nú á sínu fyrsta stórmóti í
fjölda ára án Ólafs Stefánsson­
ar og þá ákvað leikstjórnandinn
Snorri Steinn Guðjónsson að
vera heima hjá nýfæddu barni
sínu. „Þetta eru leikmenn sem
hafa verið í fararbroddi með
liðinu á undanförnum árum
og Ólafur auðvitað einn besti
leikmaður heims. Þeirra skörð
verða vandfyllt en það er ekk­
ert útilokað,“ segir Guðjón. Til
að bæta gráu ofan á svart er
markvörðurinn Björgvin Páll
Gústavsson veikur og óvíst með
þátttöku hans í fyrsta leiknum.
Vonandi blómstra þeir ungu
Vegna fjarveru Ólafs og Snorra
í Serbíu má búast við að tveir
ungir strákar, leikstjórnand­
inn Ólafur Bjarki Ragnarsson
og skyttan Ólafur Guðmunds­
son, fái stærra hlutverk í liðinu.
Guðjón segir þó eitt að spila æf­
ingaleiki og annað að standa sig
á svona stórmóti. „Þetta er ekki
sami hluturinn. En einhvern
tíma verða menn að stíga þetta
skref og nú er tækifæri fyrir þá
að sýna sig og sanna. Þá er þó
spurning hversu mikið rými
þeir fá til þess,“ segir Guðjón.
Hann metur kosti og galla
Ólafs Bjarka og Ólafs Guð­
mundssonar svona: „Ólafur
Bjarki er sterkur leikmaður en
hann spilar á Íslandi sem er
galli. Hann þarf að laga gólf­
skotin sín en það er gríðarlega
sterkt vopn í nútímahandbolta.
Hann mun ekki fá mikið rými
til að fara í loftið á þessu móti
en hann hefur hæfileika. Ólafur
Guðmundsson hefur því miður
ekki blómstrað eins og ég átti
von á. Hans helsta vandamál er
að hann skortir sjálfstraust og
það er kannski vegna þess að
hann hefur verið að spila mis­
mikið með Nordsjælland í Dan­
mörku. Með tíð og tíma verður
hann eflaust frábær leikmað­
ur en hann er bara efnilegur
ennþá. Hann þarf að stíga upp
úr þeim fasa.“
Sigur á Króötum draumórar
Fyrsti leikur Íslands verður gegn
stórliði Króatíu. Íslandi hef­
ur gengið afskaplega illa með
króatíska liðið á undanförnum
árum en náði þó góðu og mik­
ilvægu jafntefli við það á EM í
Austurríki fyrir tveimur árum.
Einn helsti Íslandshrellirinn
í gegnum tíðina, leikstjórn­
andinn Ivano Balic, einn besti
handboltamaður heims, er þó
tæpur og óvíst að hann verði
með. Guðjón viðurkennir gæði
Balic en bendir á arftaka hans á
miðjunni.
„Menn eru að tala um að Ba­
lic verði ekki með og það komi
okkur til góða. Ég held hins veg­
ar að það sé misskilningur því
Domago Duvnjak sem mun
leysa hans stöðu er besti leik­
maður heims í dag og hann
mun leysa þessa stöðu frábær­
lega. Svo er Króatía líka nánast
á heimavelli og auðvitað með
frábært lið. Það væri frábært að
vinna þennan leik en að gera
tilkall til þess eru draumórar.
Möguleikarnir eru ekki miklir,“
segir Guðjón.
Með sigur upp í milliriðil
væri viðunandi árangur
Ásamt Íslandi og Króatíu eru
í riðlinum Slóvenar og Norð­
menn, tvö mjög sterk lið. „Sló­
venar og Norðmenn eru hrein­
lega í sama flokki og við. Þessir
leikir verða bara 50/50. Við get­
um unnið þá báða og tapað
þeim báðum,“ segir Guðjón.
„Oft vilja menn meina að lið­
in frá Balkanskaganum, eins
og Slóvenar, séu lið sem henta
okkur en ég er ekki sammála
því. Þetta eru lið sem spila mik­
ið „í snertingu“ og fara mikið
utanvert á vörnina. Á undan­
förnum árum höfum við verið
í vandræðum með þannig lið.“
Norðmenn segir Guðjón
líka öfluga þó þeir hafi ekki
sprungið út eins og hann hefði
búist við á undanförnum árum.
Norska liðið, eins og hin tvö,
er stútfullt af frábærum leik­
mönnum. „Norðmenn vantar
sinn besta mann, Kristian Kjell­
ing, en liðið er samt feikilega
sterkt. Það er með góða vörn og
frábæran markvörð í Ole Erevik
sem er einn sá besti í heimi. Þar
má líka nefna leikmenn eins og
Bjarte Myrhol og fleiri. Króat­
íska liðið þekkjum við vel og
hjá Slóvenum er frábær miðju­
maður sem heitir Uros Zorman.
Þetta verða mjög erfiðir leikir
gegn þessum liðum. Komumst
við upp í milliriðilinn með einn
sigur er það viðunandi árang­
ur,“ segir Guðjón.
Frábært að vera á milli 7. og
12. sætis
Þrátt fyrir frábæran árangur Ís­
lands á undanförnum árum
var liðið sett í styrkleikaflokk
þrjú á meðan Þjóðverjar sem
hafa lítið getað á sama tíma
voru settir í fyrsta styrkleika­
flokk. Þjóðverjar voru fyrirfram
taldir í afskaplega þægilegum
riðli með Svíum, Tékkum og og
Makedóníumönnum. Þjóðverj­
ar töpuðu reyndar fyrir Tékk­
um í fyrsta leik en mæta, kom­
ist þeir áfram, Dönum, Serbum
og löskuðu liði Pólverja í milli­
riðli. Að sama skapi fékk Ísland
þennan erfiða riðil og enn erf­
iðari milliriðil þar sem verða
væntanlega Frakkar, Spánverjar
og Ungverjar.
„Regluverkið hjá Evrópu­
sambandinu er nokkuð flókið
og það háir því að þar inni eru
of fáir sem hafa spilað íþrótt­
ina. Ég held að þetta sé klaufa­
skapur, allavega ekki gert til að
klekkja á okkur Íslendingum.
Reglurnar eru of óljósar en
hafa samt staðið til bóta,“ segir
Guðjón um niðurröðunina en
hvaða árangur ætti þjóðin að
gera sér raunhæfar vonir um að
sjá hjá strákunum.
„Það yrði frábært að vera í
sætum á bilinu sjö til tólf. Það
er mín tilfinning en ég vona
að ég hafi rangt fyrir mér. Það
er einfaldlega ekki innistæða
fyrir meiru á þessu móti.
Þetta er bara staðan. Hún
þarf ekkert að vera neikvæð
eða óeðlileg. Þetta lið hefur
verið í uppbygginu í áratug og
nú þarf að horfa í það hvaða
leikmenn eru að koma upp
og hvað við þurfum að gera til
að halda okkur á þeim stalli
sem við eigum og viljum vera
á. Það mun samt kosta okkur
mikla vinnu sem hefst núna í
Serbíu,“ segir Guðjón.
Ekki innistæða fyrir
of mikilli bjartsýni
n Strákarnir okkar af stað á EM í Serbíu n Draumórar að ætla sér sigur á
Króötum n 7.–12. sæti væri góður árangur, segir Guðjón Guðmundsson
Pössum okkur á þessum
Uros Zorman
Leikstjórnandi Slóvena er einn sá besti í heimi.
Domago Duvnjan
Leikstjórnandi Króata segir Guðjón vera besta
leikmann heims.
Ole Erevik
Markvörður Norðmanna getur lokað
rammanum.
Baráttan hefst Ísland mætir
Króatíu í fyrsta leik.
Tómas Þór Þórðarson
tomas@dv.is
Handbolti
Átök á línuni Alexander Petersson verður í eldlínunni í Serbíu.
Úrslit
Enska úrvaldeildin
Aston Villa - Everton 1-1
1-0 Darren Bent (56.), 1-1 Victor Anichebe
(69.).
Blackburn - Fulham 3-1
1-0 Morten Gamst Pedersen (45+4), 2-0
David Dunn (46.), 2-1 Damien Duff (56.), 3-1
Mauro Formica (79.).
Chelsea - Sunderland 1-0
1-0 Frank Lampard (13.).
Liverpool - Stoke 0-0
Man. United - Bolton 3-0
1-0 Paul Scholes (45.+1), 2-0 Danny
Welbeck (74.), 3-0 Michael Carrick (83.).
Tottenham - Wolves 1-1
0-1 Steven Fletcher (22.), 1-1 Luka Modric
(53.).
West Brom - Norwich 1-2
0-1 Andrew Surman (43.),1-1 Shane Long
(68. víti), 1-2 Steve Morison (79.).
Newcastle - QPR 1-0
1-0 Leon Best (41.).
Swansea - Arsenal 3-2
0-1 Robin van Persie (5.), 1-1 Scott Sinclair
(15. víti), 2-1 Nathan Dyer (56.), 2-2 Theo
Walcott (69.), 3-2 Danny Gramham (70.)
Staðan
1 Man. City 20 15 3 2 56:16 48
2 Man. Utd 21 15 3 3 52:20 48
3 Tottenham 21 14 4 3 39:21 46
4 Chelsea 21 12 4 5 40:25 40
5 Arsenal 21 11 3 7 38:31 36
6 Newcastle 21 10 6 5 30:25 36
7 Liverpool 21 9 8 4 24:18 35
8 Stoke 21 8 6 7 22:31 30
9 Norwich 21 7 7 7 32:36 28
10 Swansea 21 6 8 7 23:25 26
11 Everton 21 7 4 10 21:25 25
12 Sunderland 21 6 6 9 27:24 24
13 Aston Villa 21 5 9 7 23:27 24
14 Fulham 21 5 8 8 23:29 23
15 WBA 21 6 4 11 20:30 22
16 Wolves 21 4 6 11 23:37 18
17 Blackburn 21 4 5 12 32:44 17
18 QPR 21 4 5 12 19:36 17
19 Bolton 21 5 1 15 25:46 16
20 Wigan 20 3 6 11 18:41 15
Championship-deildin
Brighton - Bristol C. 2-0
Crystal Palace - Leeds 1-1
Derby - Coventry 1-0
Doncaster - Cardiff 0-0
Aron Einar Gunnarsson var í byrjunarliði
Cardiff og spilaði allan tímann.
Hull - Peterborough 1-0
Ipswich - Blackpool 2-2
Leicester - Barnsley 1-2
Middlesbrough - Burnley 0-2
Millwall - Birmingham 0-6
Nott. Forest - Southampton 0-3
Portsmouth - West Ham 0-1
Hermann Hreiðarsson er farinn til Coventry
og leikur með liðinu út tímabilið.
Watford - Reading 1-2
Brynjar Björn Gunnarsson sat allan tímann
á varamannabekk Reading.
Staðan
1 Southampton 26 15 5 6 50:28 50
2 West Ham 26 15 5 6 41:23 50
3 Cardiff 26 12 10 4 41:27 46
4 Middlesbrough 26 12 9 5 30:25 45
5 Reading 26 12 6 8 34:26 42
6 Hull 26 13 3 10 27:25 42
7 Birmingham 25 11 7 7 39:26 40
8 Derby 26 12 4 10 31:33 40
9 Blackpool 26 10 9 7 41:33 39
10 Burnley 26 12 3 11 39:33 39
11 Leeds 26 11 6 9 40:37 39
12 Brighton 26 11 5 10 28:28 38
13 Cr.Palace 26 10 7 9 25:25 37
14 Barnsley 26 10 6 10 37:39 36
15 Leicester 26 9 8 9 34:30 35
16 Peterborough 26 9 6 11 44:42 33
17 Portsmouth 25 8 7 10 27:26 31
18 Watford 26 7 9 10 28:36 30
19 Ipswich 26 8 4 14 37:51 28
20 Bristol City 26 7 6 13 23:36 27
21 Millwall 26 6 8 12 24:34 26
22 Nottingham F. 26 7 3 16 21:42 24
23 Doncaster 26 6 5 15 22:43 23
24 Coventry 26 4 7 15 20:35 19
FARÐU
AFTUR
Í BÍÓ
Í FYRSTA
SINN