Dagblaðið Vísir - DV - 30.01.2012, Page 4

4 Fréttir 30. janúar 2012 Mánudagur
Færri óku ölvaðir í desember
n Ölvunarakstursbrotum fækkar talsvert
Ö
lvaðir ökumenn voru færri í
desember 2011 en árið 2010.
Alls fækkaði brotunum um
þrettán, eða ellefu prósent á
milli ára. Þróunin hefur verið í þessa
átt samkvæmt tölum frá ríkislög-
reglustjóra en þessum brotum fækk-
aði um 42, eða 28 prósent, frá árinu
2007 og fram til ársins 2011.
Desember var reyndar óvenju-
friðsæll mánuður árið 2011 en aldrei
voru framin jafn fá hegningarlaga-
brot og þann mánuðinn. Brotin voru
alls 723 talsins, sem er nítján pró-
sentustigum lægra en í nóvember.
Að meðaltali voru þó framin 33
brot á almennum hegningarlögum
á dag árið 2011, sem er þó minna en
árið 2010 því samanburður á milli
ára leiðir í ljós að almennt fækk-
aði brotum um 32 prósent. Fækkun
brota varð í öllum helstu brotaflokk-
um að undanskildum fíkniefna-
brotum en þar fjölgaði brotum um
fimmtán prósent. Mest fækkaði
hraðakstursbrotum eða um tæp 38
prósent. Minnst fækkaði brotum er
falla undir ölvun við akstur, eða um
fjögur prósent á milli ára.
S N Y R T I S T O F A N
HAMRABORG 10
SÍMI 554 4414
TRYGGVAGÖTU 28
SÍMI 552 5005
www.snyrt istofa. is
HAMRABORG 10
SÍMI 554 4414
www.snyrtistofa.is
Alhliða snyrting
fyrir konur og karla
TRYGGVAGÖTU 28
SÍMI 552 5005
S N Y R T I S T O F A N
HAMRABORG 10
SÍMI 554 4414
TRYGGVAGÖTU 28
SÍMI 552 5005
www.snyrt istofa. is
HAMRABORG 10
SÍMI 554 4414
www.snyrtistofa.is
Alhliða snyrting
fyrir konur og karla
TRYGGVAGÖTU 28
SÍMI 552 5005
Munið eftir gjafakortunum fyrir jólin!
Sleginn á
Akureyri
Lögreglan á Akureyri handtók
karlmann á fjórða tímanum að-
faranótt sunnudags en sá hafði
ráðist á annan karlmann fyr-
ir utan skemmtistað í bænum.
Samkvæmt upplýsingum frá lög-
reglu sló maðurinn fórnarlamb
sitt þungu höggi í andlitið svo að
það vankaðist. Hann var fluttur
á sjúkrahús til aðhlynningar en
reyndist þó sem betur fer ekki
mikið slasaður. Árásarmaðurinn
var fluttur í fangaklefa en hann
var talsvert ölvaður. Hann var yfir-
heyrður síðdegis á sunnudag. Að
öðru leyti var aðfaranótt sunnu-
dags norðan heiða með rólegra
móti. Lögregla hafði þó hendur í
hári eins ökumanns sem grunað-
ur er um að hafa ekið bifreið sinni
ölvaður.
Tryggir sér fé til
kaupa á Iceland
Malcolm Walker, forstjóri og stofn-
andi Iceland Foods-verslanakeðj-
unnar í Bretlandi, hefur tryggt sér
einn milljarð punda, eða um það
bil 193 milljarða króna, í lánsfé
til kaupanna á verslanakeðjunni.
Það er kanadíski lífeyrissjóður-
inn AIMCo sem stendur á bak við
lánið til Walkers.
Walker segir í viðtali við The
Sunday Times að hann og stjórn-
endateymi hans hjá Iceland muni
kaupa keðjuna ef rétt verð fæst.
„Ef ég get keypt keðjuna með
stjórnendateymi mínu, mun ég
gera það fyrir rétt verð. Ef ekki
munum við selja hlut okkar og
snúa okkur að öðru,“ segir hann.
Walker og stjórnendateymi
hans á 23 prósenta hlut í Iceland.
Skilanefndir Landsbankans og
Glitnis vilja fá tilboð upp á 1,5
milljarða punda í keðjuna. Walker
getur þó jafnað og gengið inn í
hæsta tilboðið ef hann vill.
DV greindi frá því í vikunni að
Malcolm Walker stæði einnig á
bak við kaup á brugghúsi í Borgar-
nesi.
Fjöldi í helstu brotaflokkum
Hraðakstursbrot
Jan.–des. 2010: 40.397
Jan.–des. 2011: 25.208
Þjófnaðarbrot
Jan.–des. 2010: 4.920
Jan.–des. 2011: 4.002
Eignaspjöll
Jan.–des. 2010: 3.000
Jan.–des. 2011: 2.464
Innbrot
Jan.–des. 2010: 2.866
Jan.–des. 2011: 1.856
Ölvun við akstur
Jan.–des. 2010: 1.293
Jan.–des. 2011: 1.236
Fíkniefnabrot
Jan.–des. 2010: 1.537
Jan.–des. 2011: 1.771
Líkamsárás (217.–218. gr.)
Jan.–des. 2010: 1.125
Jan.–des. 2011: 1.025
Ö
lgerðin hefur boðið hópi
bakara í þriggja daga ferð til
Þýskalands. Hópurinn fór í
gær, sunnudag, og kemur til
baka á fimmtudag. Á boðs-
listanum eru, samkvæmt heimildum
DV, tveir stjórnarmenn Landssam-
bands bakarameistara; þeir Jóhann-
es Felixson (Jói Fel) og Jón Rúnar
Arilíusson. Báðir voru þeir á lista yfir
þá sem keyptu iðnaðarsalt af Ölgerð-
inni. Raunar eru flestir bakararnir á
listanum einnig á lista yfir þá sem
keyptu hið umdeilda iðnaðarsalt.
Samkvæmt upplýsingum DV
býður Ölgerðin í ferðina og greiðir
allt uppihald; mat, hótel og annan
kostnað. Eftir því sem DV kemst næst
fara að minnsta kosti fjórtán menn í
ferðina en hópurinn fer á bakarasýn-
ingu í Kulmbach í Þýskalandi. Einnig
mun vera um að ræða einhvers kon-
ar námskeið.
Einn stjórnarmaður á ekki full-
trúa í ferðinni
Í stjórn Landssambands bakara-
meistara eru fimm, sem sitja þar
sem fulltrúar þeirra bakaría sem þeir
starfa hjá eða eiga. Af þessum fimm
bakaríum sem eiga mann í stjórn
Landssambandsins verða í ferðinni
menn frá fjórum. Í stjórn félagsins er
Jói Fel formaður, eins og áður segir.
Aðrir í stjórn eru Hafliði Ragnarsson,
eigandi Mosfellsbakarís, en bakaríið
á fulltrúa í ferðinni, Jón Rúnar Ari-
líusson hjá Kökulist, sem fer sjálfur í
ferðina, Vilhjálmur Þorkelsson, eig-
andi Gæðabaksturs, en frá honum
fer bakari í ferðina. Loks er í stjórn-
inni Gunnar Gunnarsson, en DV er
ekki kunnugt um að hann sé með í
för.
DV hefur nöfn 11 bakara sem
sagðir eru í ferðinni. Þar af eru sjö
sem starfa hjá eða eiga bakarí sem
keyptu iðnaðarsalt af Ölgerðinni.
Engin sárabót
Jói Fel var nýlentur í Þýskalandi þeg-
ar blaðamaður náði tali af honum.
Hann segir boðsferðina hafa verið
ákveðna fyrir um fjórum mánuðum
og fyrst hafi hana borið á góma síð-
asta sumar.
„Það hefur oft verið farið hingað
áður en ég er að fara í fyrsta skipti.
Þetta er svona markaðskynning fyrir
okkur og ég vona að ég læri eitthvað
skemmtilegt frá þessum framleið-
anda. Það var ákveðið fyrir löngu að
fara í þessa ferð og fyrst stakk fram-
leiðandinn upp á henni síðasta sum-
ar. Það var svo ákveðið að fara fyrir
um fjórum mánuðum. Ferðin er því
engin sárabót vegna iðnaðarsalts-
málsins, enda eru hér bara nokkrir
bakarar miðað við alla þá 500 sem
keyptu saltið.“
Jói Fel var einn þeirra bakara sem
keyptu umrætt salt. „Það er síðan
annað mál að það deilir enginn um
gæði saltsins. Fólk má ekki rugla
þessu, saltið var skoðað og reyndist
í lagi.“
Tímasetningin tilviljun
Vilhjálmur Þorláksson, eigandi
Gæðabakarís, keypti ekki iðnaðarsalt
af Ölgerðinni og segir boðsferðina
eðlilega þjónustu frá birginum sem
er í þessu tilfelli Ireks í Þýskalandi.
„Við borgum flugið. Þeir borga uppi-
hald úti. Gistingu, fæði og halda utan
um dagskrá fyrir okkur. Dagskráin
og ferðin sem slík er í raun hluti af
þjónustu þessa framleiðanda. Við
verslum mikið við þetta fyrirtæki og
ég trúi að í þessari ferð verði fjallað
um aukna hollustu í brauðmeti, þar
á meðal læri bakararnir um brauð-
súru. Ég er spenntur fyrir því að fá
að heyra meira þegar minn maður
kemur aftur. Við þurfum reglulega á
því að halda að endurnýja kunnáttu
okkar.“
Hann segir tímasetninguna al-
gjöra tilviljun. „Þessi ferð er ákveð-
in fyrir löngu, tímasetningin hefur
ekkert með iðnaðarsaltsmálið að
gera.“
Nám en ekki skemmtun
Hafliði Ragnarsson, eigandi Mos-
fellsbakarís, keypti heldur ekki iðn-
aðarsalt af Ölgerðinni og segir það af
og frá að bakarar séu með einhverj-
um hætti að haga sér ósiðlega með
því að þiggja ferð eins og þessa eftir
iðnaðarsaltsmálið.
„Reglulega er farið í ferðir eins og
þessar og þær eru bæði eðlilegar og
nauðsynlegar fyrir framþróun í iðn-
aðinum. Framleiðandinn eða birgir-
inn kostar eitthvað af ferðinni en við
borgum oftast flugið. Þarna er kynnt
það nýjasta sem er á döfinni og þetta
er nám en ekki skemmtiferð. Að-
koma Ölgerðarinnar verður fyrst og
fremst vegna tengsla við fyrirtækið.“
Andri Þór Guðmundsson, for-
stjóri Ölgerðarinnar, segir ferðina al-
farið í boði birgisins, þýska fyrirtæk-
isins Irek. „Þeir hafa boðið bökurum
í námsferðir í langa tíð. Mér finnst
heldur illa komið fyrir þjóðinni ef
það þykir fréttnæmt að bakarar fari í
boðsferð sem þessa,“ sagði Andri Þór.
„DV hefur nöfn 11
bakara sem sagðir
eru í ferðinni. Þar af eru
sjö sem starfa hjá eða
eiga bakarí sem keyptu
iðnaðarsalt af Ölgerðinni.
Bakarar í
Boðsferð til
Þýskalands
n Ölgerðin býður Jóa Fel og fleiri bökurum til Þýskalands
Keypti iðnaðarsalt Jói Fel er formaður Landssambands bakarameistara. Hann er nú í
Þýskalandi á vegum Ölgerðarinnar.
Til iðnaðar Flestir
bakararnir í ferðinni
eru frá bakaríum sem
keyptu iðnaðarsalt.
Baldur Guðmundsson
blaðamaður skrifar baldur@dv.is
Kristjana Guðbrandsdóttir
blaðamaður skrifar kristjana@dv.is