Dagblaðið Vísir - DV - 06.05.2013, Blaðsíða 9
Fréttir 9Mánudagur 6.maí 2013
Þaulskipulagður
Þjófnaður úr ikEa
n Lögfræðingar, framkvæmdastjóri og hjúkrunarfræðingar n Milljónaskaði fyrir IKEA n Kærustur, systkin og fleiri bendlast við málið
Meintir höfuðpaurar í IKEA-málinu:
Vilja ekki tjá sig
„Hvaðan hafið þið gögn um þetta mál,“ spurði héraðsdómslögmaðurinn og einn
meintur höfuðpaur í þjófnaðarmálinu í IKEA þegar DV hafði samband við hann.
Þegar hann var spurður að því hvað honum hefði gengið til svaraði hann. „No
comment,“ og sleit samtalinu. DV hafði einnig samband við forstöðumann
ferðaskrifstofunnar sem samkvæmt gögnum málsins var álíka umsvifamikill og
lögmaðurinn og helsti samverkamaður hans. Hann brást illa við símtalinu og sagði:
„Það er ekki búið að rannsaka eða dæma í málinu. Þetta er bara ásökun.“ Þegar hann
var spurður hvort hann teldi að málið væri ekki á rökum reist, svaraði hann: „Ég hef
bara ekkert um þetta mál að segja og ekki í DV. Eitthvað svona blað sem skrifar bara
eitthvað út í loftið. Þið eruð fræg fyrir það.“ johanna@dv.is
E
ftir að uppvíst varð um meintan
þjófnað fóru öryggisverðir IKEA
að fylgjast sérstaklega með þeim
grunuðu. Það gerði þeim verk-
ið auðveldara að Jón, höfuðpaurinn,
lagði ávallt í sama stæðið beint fyrir
framan útganginn. Hann hafði ekki
fyrir því að leggja í almennt stæði eins
og aðrir verslunargestir.
Öryggismyndavélum var því beint
að stæðinu og þegar hans varð vart var
fylgst með ferðum hans í versluninni
með eftirlitsmyndavélum hússins.
Samkvæmt gögnum DV er um þróað-
an myndavélabúnað að ræða og
glöggt má greina límmiðasvindlið á
myndefninu. Þá má sjá meinta þjófa
eiga við límmiða á vörum og hitta
samverkamenn sína á bílaplani versl-
unarinnar þar sem einn aðili fór inn
með vöruna til að fá fyrir hana inn-
eignarnótu.
Öryggi hert í IKEA
Afleiðingar þess að þjófar hafa látið
greipar sópa um verslun IKEA í
nokkur ár geta valdið því að herða
verður skilareglur fyrirtækisins.
Þórarinn, framkvæmdastjóri IKEA,
segir í samtali við DV að honum
muni þykja leitt ef svo fer. Skila-
reglurnar séu hluti af góðri þjónustu
fyrirtækisins til viðskiptavina og feli
í sér traust. Engar ákvarðanir hafa
verið teknar vegna málsins enn sem
komið er, en samkvæmt heimildum
DV hefur verið brugðist við þjófn-
aðinum með meiri öryggisvörslu og
eftirliti í versluninni með hagsmuni
viðskiptavina í huga. n
n Vel fylgst vel með meintum þjófum
Höfuðpaurinn lagði
alltaf í sama stæðið
Lögfræðingurinn og ríkisstarfsmaðurinn Jón:
Starfar við stjórnsýslu
hjá ríkisfyrirtæki
Höfuðpaurinn Jón. Er samkvæmt gögnum málsins umsvifamestur í
meintum þjófnaði. Hann er eins og áður sagði með meistaragráðu í
lögfræði frá lagadeild Háskóla Íslands. Hann segist á Facebook-síðu
sinni vera starfsmaður lögfræðistofu fyrrverandi eiginkonu sinnar.
Hann er einnig skráður starfsmaður hjá stóru ríkisfyrirtæki. Ásamt
því er hann skráður lögfræðingur ferðaþjónustufyrirtækis meints
samverkamanns síns, Bjarna. Það er Jón sem skilar tveimur stólum
sem aldrei seldust úr verslun IKEA og vekur eftirtekt öryggisvarða
verslunarinnar.
Jón er í gögnum málsins sagður versla mikið af mat, rafhlöðum og
smávöru fyrir inneignarnótur sínar en lítið af húsgögnum. Hann er
sagður, rétt eins og aðrir, versla gjafakort fyrir inneignarnótur sínar.
Sagt er að gjafakortunum hafi verið dreift um hópinn. Oft til annarra
sem eru tengdir málinu. Á meðal þeirra er kona, samstarfsmaður
Jóns á lögfræðistofunni. Sú hin sama er einnig skráð sölumaður hjá
ferðaþjónustufyrirtæki því sem Bjarni stýrir sem vekur eftirtekt um
tengsl í hópnum. n
Framkvæmdastjórinn Bjarni:
„Enginn engill“
Minna liggur fyrir af upplýsingum um framkvæmdastjóra ferðaþjón-
ustufyrirtækisins. Tvö ferðaþjónustufyrirtæki hafa verið skráð á hans
nafni undanfarin ár en nú afskráð.
Bjarni og kærasta hans eru sögð stórtæk í þjófnaði í IKEA. Þau hafa
stolið vörum fyrir eina og hálfa milljón króna. Ónafngreindur heim-
ildarmaður innan lögreglunnar segir Bjarna, „engan engil.“
Bjarni skilar einnig inn dýrum stól sem aldrei var seldur úr verslun
IKEA. Bjarni verslar ýmsar smávörur, mat og smáræði fyrir inn-
eignarnótur sínar. Sá afangur sem eftir stendur er notaður til þess að
kaupa gjafakort. Þau nýtir hann ásamt kærustu sinni. Með gjafakort-
um og inneignarnótum hefur parið verslað dýr skrifstofuhúsgögn.
Kærastan fengið dóma fyrir fölsun lyfseðla
Kærasta Bjarna kemur nokkuð seint inn í málið. Fyrsta skilafærsla
hennar er þann 17. 10. 2009. Um það leyti er þau hefja samband
sitt. Þrátt fyrir seina innkomu í þessa myllu er hún stórtæk og á
skömmum tíma hefur hún skilað vöru fyrir rúma hálfa milljón í sínu
nafni. Kærastan starfar með Bjarna í ferðaþjónustufyrirtækinu sem
sölumaður og hefur fengið á sig dóm fyrir fölsun lyfseðla. Kærastan
skilar einnig vörum sem aldrei hafa selst frá IKEA. n
Nennti ekki að leggja í almennt stæði Auðvelt reyndist að fylgja höfuðpaurnum eftir.
Hann hafði ekki fyrir því að leggja í almennt stæði og lagði ávallt fyrir framan verslunina.
Skilað og skipt
Hingað komu
meintir þjófar oft
og skiluðu dýrari
vörum sem þeir
höfðu, samkvæmt
gögnum DV, keypt
fyrir slikk með því
að falsa strika-
merki.
Nánar um meinta höfuðpaura
Öryggisvörður Eftir að upp komst um
þjófnaðinn hefur verið fylgst vel með meintu
þjófagengi, sem hefur látið greipar sópa.