Dagblaðið Vísir - DV - 31.05.2013, Blaðsíða 10
10 Fréttir 31. maí–2. júní 2013 Helgarblað
Þ
etta var alltaf tvö skref áfram,
eitt skref afturábak, en engin
stór bakslög,“ segir Katrín Að
alsteinsdóttir sem eignaðist
tvíburastúlkur þann 6. jan
úar síðastliðinn, eftir aðeins 25 vikna
meðgöngu. Stúlkurnar hafa braggast
ótrúlega vel og læknar eru sammála
um að þær séu kraftaverkabörn. Þann
27. apríl voru þær loksins útskrifaðar
af spítalanum, átta dögum eftir áætl
aðan fæðingardag.
Blaðamaður hittir Katrínu á fall
egu heimili þeirra mæðgna í Njarð
vík. Fimm ára dóttir hennar og stóra
systirin, Guðbjörg Emilía, kemur strax
skoppandi fram. Hún er í rauðum kjól
með fallegan bleikan hatt á höfðinu
sem hún vill sýna blaðamanni. Móðir
Katrínar er einnig á svæðinu og veitir
dóttur sinni ómetanlega aðstoð, enda
mikil vinna að vera ein með tvö ung
börn og eina líflega fimm ára.
Missti eiginmann sinn
á meðgöngunni
Blaðamaður hitti Katrínu síðast á
barnaspítala Hringsins í lok janúar.
Þá voru aðeins þrjár vikur síðan
stúlkurnar komu í heiminn. Og tæp
ir þrír mánuðir frá því eiginmaður
Katrínar og faðir tvíburanna féll frá.
Halldór Nilsson hafði glímt við geð
hvarfasýki í mörg ár og féll fyrir þeim
sjúkdómi. Síðustu tvö árin áður en
hann lést hafði hann verið nokkuð
góður af sjúkdómnum og fráfall hans
kom því öllum mikið á óvart. „Einn
daginn bara gafst hann upp,“ sagði
Katrín í viðtalinu í janúar.
Það er svolítið annað að sjá þessa
ungu þriggja barna móður núna,
þegar lífið er að komast aftur í fastar
skorður eftir erfiða sjúkrahúsvist.
Það sést langar leiðir hvað henni líð
ur orðið miklu betur og það geislar af
henni.
Vógu um 700 grömm
við fæðingu
Tvíburastúlkurnar Þóra Margrét og
Halldóra Gyða liggja saman í vögg
unni sinni, klæddar í bleika kjóla.
Þær eru í stíl en þó mjög ólíkar, enda
tvíeggja. Þrátt fyrir að hafa komið í
heiminn fyrir tæpum fimm mánuð
um síðan eru þær agnarsmáar, enda
ættu þær í raun bara að vera eins
mánaða gamlar. Við fæðingu var
Þóra Margrét aðeins 676 grömm
og 31,5 sentímetrar en Hall
dóra Gyða var örlítið stærri, 730
grömm og 33 sentímetrar. Þóra
Margrét fæddist með klumbufót
og er með spelkur til að laga það.
Að sögn Katrínar er það nán
ast komið. Hún og móðir henn
ar grínast með að Þóra Margrét
verði eflaust efnileg á snjóbretti í
framtíðinni en spelkurnar minna
einna helst á eitt slíkt.
„Við sluppum ótrúlega vel“
„Læknarnir segja að þetta sé krafta
verk. Þeir bjuggust ekki við að Þóra
Margrét myndi lifa. Hún var það
mikið veik fyrst. Hún var með sýk
ingu og þurfti að vera í öndunarvél
í tíu daga.“
Halldóra Gyða þurfti hins vegar
aldrei að fara í öndunarvél, en það
er mjög sjaldgæft að börn sem fæð
ast svo löngu fyrir tímann sleppi við
það. Læknarnir sögðu Katrínu að dótt
ir hennar væri þriðja barnið frá því
vökudeildin opnaði sem ekki þurfti að
fara í öndunarvél.
Báðar fengu þær systurnar smá
gulu og Þóra Margrét fékk örlitla heila
blæðingu sem gekk fljótt til baka. En
slíkt mun vera algengt hjá börnum
sem fæðast svona mikið veik, að sögn
Katrínar.
„Við sluppum ótrúlega vel út úr
þessu,“ segir Katrín einlæg. „Satt best
að segja þá bjóst ég aldrei við að koma
heim með tvær.“
Það er augljóst að stúlkurnar eru
mikil hörkukvendi og Katrín segir að
það sjáist orðið glögglega og heyr
ist. „Þær kunna að öskra,“ segir hún
hlæjandi. „Sérstaklega Þóra, hún var
veikari. Það sést alveg á henni, hún er
meiri frekja.“
Saknar Halldórs
Það þarf enginn að efast um að síð
ustu mánuðir hafa verið Katrínu
mjög erfiðir. Fyrst að missa Hall
dór og svo að sitja yfir pínulitlu tví
burastúlkunum þeirra og fylgjast
með þeim þroskast. „Þetta er búið að
vera ógeðslega erfitt. Ég væri að ljúga
ef ég segði þetta hafa verið auðvelt.
Mér líður bara vel í dag, miðað við
aðstæður. Ég sakna auðvitað alltaf
Halldórs, þetta er erfitt þannig. En að
vera ein með þessar þrjár, það geng
ur vel. Ég fæ góða aðstoð.“
Fyrir utan góðan stuðning frá fjöl
skyldu og vinum fær Katrín einnig
aðstoð frá Reykjanesbæ. Á morgn
ana kemur til hennar starfsmaður frá
bænum og gætir stúlknanna svo hún
geti hvílt sig.
Halldóra Gyða líkist Halldóri
Aðspurð hvort stúlkurnar líkist Hall
dóri, segir Katrín Halldóru vera al
veg eins og hann. „Hún er nákvæm
lega eins,“ segir hún hlæjandi. „Ég sá
það strax.“ Það var þó einskær tilvilj
un að Halldóra fékk Halldórunafnið,
en ekki systir hennar. „Ég var ekki
búin að sjá þær þegar ég ákvað nöfn
in. Tvíburi A átti bara að heita Þóra
Margrét og tvíburi B átti að heita
Halldóra Gyða. Svo var það bara til
viljun að Halldóra var eins og Hall
dór.“ Þóra Margrét líkist hins vegar
stóru systir sinni, Guðbjörgu Emilíu,
mikið.
Tvíburarnir eru ekki bara ólíkir út
litslega heldur er persónuleiki þeirra
einnig mjög ólíkur. „Þóra er frekjan
en Halldóra er svona yfirveguð.“
Þrátt fyrir smá frekju í Þóru Mar
gréti segir Katrín stúlkurnar vera al
gjör draumabörn. Þær sofa allar næt
ur og hún þarf að vekja þær til að gefa
þeim að drekka.
Erfitt fyrir elstu dótturina
Guðbjörg Emilía kemur aftur skopp
andi fram úr herberginu sínu, nú
með grænan hatt. Hún er hafa sig til
fyrir myndatökuna sem hún veit að
fer fram á eftir.
Síðustu mánuðir hafa líka tekið
á hana. Að missa fósturpabba, sem
hafði gengið henni í föðurstað, og
það að geta lítið hitt mömmu sína
í marga mánuði. „Þetta kemur allt
saman. Hún er rosalega góð við
systur sínar,“ segir Katrín og brosir til
dóttur sinnar.
Á meðan tvíburarnir voru á
spítalanum var Katrín með íbúð
í Reykjavík á vegum spítalans en
fór tvisvar í viku heim til Njarðvík
ur, þar sem Guðbjörg Emilía dvaldi
hjá ömmu sinni og afa.
Farnar að drekka sjálfar
Þegar Þóra Margrét og Halldóra
Gyða fóru heim af spítalanum
voru þær ekki alveg byrjaðar að
drekka sjálfar og þurftu því að vera
með sondu. Halldóra Gyða í tvær
vikur en Þóra Margrét í þrjár. Þær
eru nú báðar byrjaðar að drekka
alveg sjálfar úr pela en amma er
einmitt að gefa þeim að drekka á
meðan á viðtalinu stendur.
Katrín segir lífið hafa geng
ið nokkuð áfallalaust fyrir sig frá
því þær komu heim, fyrir utan áfall
fjórum dögum eftir heimkomuna,
þegar Þóra Margrét fékk þvagfæra
sýkingu. Hún þurfti því að fara aftur
á spítalann í fimm daga.
Ætla að slá upp skírnarveislu
Katrín viðurkennir að hún sé búin
að sofa mikið frá því þær komu
heim af spítalanum. Hún er að
reyna að endurheimta orkuna eftir
átakanlega mánuði. Öll aðstoð hef
ur því verið henni mjög dýrmæt.
Tengdamóðir hennar var hjá henni í
mánuð eftir heimkomuna til að létta
undir, en hún býr á Akureyri. Katrín
er í góðu sambandi við fjölskyldu
Halldórs sem veitir henni mikinn
styrk.
„Svo ætlum við að slá upp
skírnar veislu núna í júní. Þó það
sé búið að skíra þær, þá ætlum
við bara að halda aðra veislu.“
Systurnar voru skírðar á spítalan
um sama dag og þær fæddust, líkt
og gjarnan er gert með fyrirbura.
En þær eiga eftir að fá tilheyrandi
veislu. „Svo förum við í kirkjuna
við kirkjugarðinn og höfum smá
athöfn þar,“ segir Katrín og á þar
við kirkjugarðinn þar sem Halldór
er jarðsettur.
Hún hugsar mikið til Halldórs.
„Sérstaklega þegar maður sér hvað
Halldóra er lík honum. Allir svipir,
þeir eru alveg eins. Hún hefur líka
skapið hans. Hann var rólyndis
maður og hún er róleg,“ segir Katrín,
brosir og lítur í átt til vöggunnar.
Þroskast eðlilega
Þóra Margrét og Halldóra Gyða fara
nú einu sinni í viku í vigtun og koma
svo til með að fara í sérstakt ung
barnaeftirlit fyrir fyrirbura í Reykjavík.
Taugalæknar á barnaspítala Hringsins
fylgjast svo með þroska þeirra. Tví
burasysturnar eru því undir aðeins
meira eftirliti en börn sem fæðast á
réttum tíma. Að sögn Katrínar hafa
læknar þó ekki ekki áhyggjur af því
að það muni há þeim í framtíðinni
að hafa fæðst svona mikið fyrir tím
ann. En það bendir ekkert til annars
en að þær þroskist og dafni eðlilega.
„Þær eru báðar byrjaðar að hjala og
Halldóra byrjaði að hlæja í gær,“ segir
Katrín og brosir einlægt. „Það er auð
vitað fylgst með því hvort þær verði
eitthvað misþroska, sem er áhættu
þáttur hjá öllum fyrirburum. Það
kemur bara í ljós.“
Komust fyrir í lófa
Katrín viðurkennir að það hafi verið
erfitt að horfa upp á dæturnar fyrst,
jafn litlar og þær voru. En þær komust
nánast fyrir í sitthvorum lófanum á
mömmu sinni fyrst þegar hún fékk að
halda á þeim. „Að bera saman mynd
ir af þeim frá því þegar þær fæddust
og núna, þetta er bara ótrúlegt,“ seg
ir Katrín og sýnir blaðamanni hvern
ig hún gat haft þær báðar á bringunni
á sér.
„Mér finnst eiginlega merkileg
ast að öll líffærin voru byrjuð að
starfa og þær byrjuðu að drekka strax.
Meltingarfærin voru þegar farin að
starfa og gerðu allt sem þau áttu að
gera.“
Þakkar fyrir stuðninginn
Þegar tvíburasysturnar komu óvænt í
heiminn í janúar ákváðu vinir Katrín
ar að stofna söfnunarreikning í henn
ar nafni. Hún vill nú fá að þakka öllum
þeim sem lögðu inn á reikninginn eða
styrktu hana með einum eða öðrum
hætti, meðal annars með fatagjöfum.
„Ég er meira að segja ennþá að fá send
föt frá fólki sem ég hef aldrei séð,“ seg
ir Katrín sem er virkilega þakklát fyrir
allan stuðninginn og horfir nú björt
um augum fram á veginn. n
n Stúlkurnar fæddust eftir 25 vikna meðgöngu n Missti mann vegna geðhvarfasýki
Kraftaverkabörnin dafna
„Satt best að segja
þá bjóst ég aldrei
við að koma heim með
tvær.“
helgarblað
25.–27. janúar 2013
10. tölublað
103. árgangur
leiðb. verð 659 kr.
Viðtal
32–33
m
y
n
d
s
ig
tr
y
g
g
u
r
a
r
i
n Harmur Katrínar n Geðhvarfasýki dró eigin
manninn til dauða
n „Einn daginn gafst hann upp“ n Fæddust 15
vikum fyrir tímann
Tvíburarnir
fæddust
föðurlausir
„
Þetta
hlýtur að
reddast
Völli Snær
fær ekki
að stækka
n Nágrannar stöðva sjónvarpskokk
Bjargaði lífi
Trausti Sveinsson
Hungur
Jóhanns
Eyfells
n Níræður vinnuþjarkur í Texas
Jón Snorri
ákærður
„Pabbi minn er dáinn“
hótað af
níðingum
n Ísafjarðarmálið gert upp n „Var fastur í helv
íti“ 14–18
Halldór Nilsson
F. 27. janúar 1982
D. 1. nóvember 2012
4
36–37
10
2
Fjölskyldan Guðbjörg Emilía og
Katrín halda hér á Þóru Margréti og
Halldóru Gyðu. DV MynD: SiGtryGGur Ari
Sólrún Lilja Ragnarsdóttir
blaðamaður skrifar solrun@dv.is
„Ég sakna auð-
vitað alltaf
Halldórs, þetta er
erfitt þannig. En að
vera ein með þessar
þrjár, það gengur vel.