Dagblaðið Vísir - DV - 18.02.2014, Qupperneq 16

Vikublað 18.–20. febrúar 201416 Fréttir Erlent
Blóði drifin Borgarastríð
n Stríðandi fylkingar berjast um allan heim n Átökin hafa dregið milljónir til dauða n Ekki sér fyrir endann á átökum víða
Aðskilnaður Kúrda í Íran
Upphafsár: 1918
Mannfall: 34.000+
Átökin í Kasmír-héraði
Upphafsár: 1947
Mannfall: 43.000–68.000
Ísrael og Palestína
Upphafsár: 1948
Mannfall: 21.500
Andóf Frelsishers
Drottins í Afríku
Upphafsár: 1987
Mannfall: 200.000–500.000
Stríðið í Darfúr
Upphafsár: 2003
Mannfall: 178.000–460.000
Borgarastyrjöldin
í Sómalíu
Upphafsár: 1991
Mannfall: 500.000+
Átökin í Kólumbíu
Upphafsár: 1964
Mannfall: 220.000–600.000
Átökin í Búrma
Upphafsár: 1948
Mannfall: 210.000
Moro-átökin á
Filippseyjum
Upphafsár: 1969
Mannfall: 120.000–150.000
Átökin í Suður-Súdan
Upphafsár: 2013 Heimsálfa: Afríka
Land: Suður-Súdan Mannfall: 10.000+
→ Suður-Súdan hafði ekki lengi verið
sjálfstætt ríki þegar átök blossuðu upp milli
stríðandi fylkinga. Að kvöldi 14. desember
2013 gerðu fyrrverandi liðsmenn Frelsishers
Suður-Súdans uppreisn – sem forseti lands-
ins, Salva Kiir, kallaði tilraun til valdaráns sem
fyrrverandi varaforseti landsins, Riek Machar,
átti að hafa staðið á bak við. Átök blossuðu
upp um allt land í kjölfarið og lýsti Barack
Obama Bandaríkjaforseti því yfir rétt fyrir
jól að landið væri á barmi borgarastyrjaldar.
Þann 23. janúar var greint frá því að ríkisstjórn
landsins hefði samið um vopnahlé við upp-
reisnarsveitir. Þrátt fyrir það er ástandið enn
eldfimt í Suður-Súdan.
Fíkniefnastríðið í Mexíkó
Upphafsár: 2006 Heimsálfa: Norður-Ameríka
Land: Mexíkó Mannfall: 112.000
→ Fíkniefnastríðið í Mexíkó er viðvarandi blóðug átök
á milli fíkniefnahringja í landinu. Fylkingarnar svífast
einskis til að ná yfirráðum yfir fíkniefnaflutningi á
milli Mexíkó og Bandaríkjanna og fjölmargir saklausir
borgarar hafa orðið fyrir barðinu á átökunum. Átökin
hafa í raun og veru staðið áratugum saman en árið
2006 settu yfirvöld sér það markmið að uppræta
starfsemi hópanna. Íhlutun stjórnarhersins hefur
hins vegar aðeins aukið á blóðbaðið. Handtökur lykil-
manna í hinum ýmsu hópum hafa ekki haft tilætluð
áhrif og raunar þvert á móti virkað sem olía á eld.
Uppreisn íslamista í Nígeríu
Upphafsár: 2001 Heimsálfa: Afríka
Land: Nígería Mannfall: 11.000
→ Átökin í Nígeríu hófst þegar herdeild öfgasinnaðra múslima,
Boko Haram, var sett á laggirnar. Samtökin, sem Bandaríkja-
menn skilgreina sem hryðjuverkasamtök, berjast fyrir því að
koma á íslömskum strangtrúarlögum á í norðurhluta Nígeríu.
Um helmingur landsmanna er múslimar en hinn helmingurinn
er kristinn. Þó hópar ofbeldismanna á vegum samtakanna hafi
barist við stjórnvöld í Nígeríu í þrettán ár hafa undanfarin fjög-
ur til fimm ár verið verst. Á árunum 2009 til 2012 féllu 3.600
manns í Nígeríu fyrir hendi meðlima Boko Haram eða skoðana-
bræðra þeirra. Ansaru, klofningshópur frá Boko Haram, hefur
það að yfirlýstu markmiði sínu að ráðast á Vesturlandabúa
hvar sem er í heiminum – til að vernda íslömsk gildi.
Enn yfirstandandi
Mannfall:
112.000
Mannfall:
10.000
Mannfall:
11.000
baldur@dv.is og einar@dv.is
Vildi hæli
í Sviss
Aðstoðarflugstjóri eþíópískrar
farþegaþotu tók flugvélina á sitt
vald aðfaranótt mánudags og
lenti henni í Bern í Sviss. Vélin
var á leið frá höfuðborg Eþíópíu,
Addis Ababa, til Mílanó á Ítalíu.
Að sögn erlendra fjölmiðla beið
aðstoðarflugstjórinn eftir því
að flugstjórinn færi á klósettið.
Þegar hann gerði það læsti hann
sig inni í flugstjórnarklefanum
og flaug vélinni til Sviss. Greið-
lega gekk að handtaka manninn
þegar vélin lenti heilu og höldnu.
Að sögn svissnesku lögreglunnar
vildi aðstoðarflugstjórinn fá póli-
tískt hæli í landinu.
Gengu út úr
réttarsalnum
Lögmenn Mohammeds Morsi,
fyrrverandi forseta Egyptalands,
gengu út úr réttarsal á mánudag
þar sem ákæra á hendur Morsi
var til meðferðar. Morsi hefur
verið ákærður fyrir njósnir og fyr-
ir að leggja á ráðin um hryðju-
verk. Voru verjendur Morsis
ósáttir við að hann og aðrir sak-
borningar þyrftu að hlusta á það
sem fram fór í gegnum glerbúr
í réttarsalnum. Morsi er ásamt
35 öðrum ákærður fyrir að vinna
með líbönskum og palestínskum
hópum og, sem fyrr segir, leggja á
ráðin um hryðjuverk í samvinnu
við þessa hópa á egypskri grund.
Réttarhöldunum hefur verið
frestað til 23. febrúar.
Vilja refsa
Norður-Kóreu
Búist er við því að mælt verði
með refsiaðgerðum gegn Norð-
ur-Kóreu í nýrri skýrslu Sam-
einuðu þjóðanna um mann-
réttindabrot í Asíuríkinu. Nefnd
á vegum Sameinuðu þjóðanna
hefur síðastliðið ár unnið að
skýrslunni en hún mun brátt líta
dagsins ljós. Í frétt breska ríkis-
útvarpsins, BBC, kemur fram að
í skýrslunni sé að finna lýsingar
á alvarlegum mannréttindabrot-
um; pyntingum, þrældómi og
kynferðisofbeldi svo dæmi séu
tekin. Norður-Kóreumenn neita
því staðfastlega að pyntingar við-
gangist og að mannréttindi séu
fótum troðum í landinu.