Dagblaðið Vísir - DV - 18.02.2014, Qupperneq 17

Fréttir Erlent 17Vikublað 18.–20. febrúar 2014
Blóði drifin Borgarastríð
n Stríðandi fylkingar berjast um allan heim n Átökin hafa dregið milljónir til dauða n Ekki sér fyrir endann á átökum víða
Borgarastyrjöldin í Sýrlandi
Upphafsár: 2011 Heimsálfa: Vestur-Asía
Land: Sýrland Mannfall: 95.000–136.000
→ Ekki sér fyrir endann á átökunum í Sýrlandi sem hófust
í mars árið 2011. Þar berjast sýrlenski herinn og ýmsar
uppreisnarsveitir sem vilja koma forsetanum, Bashar
al-Assad, frá völdum. Ástandið í landinu er skelfilegt sem
endurspeglast í fjölda látinna frá því að átökin hófust.
Að sögn Sameinuðu þjóðanna höfðu 100 þúsund manns
fallið í júní í fyrra, en ómögulegt er að segja nákvæmlega
til um hve margir hafa látist. Hundruð þúsunda íbúa
landsins hafa flúið land í leit að betra lífi utan Sýrlands.
Uppreisnin í Írak
Upphafsár: 2011 Heimsálfa: Vestur-Asía
Land: Írak Mannfall: 15.000
→ Vopnuð átök og ólga hefur verið einkennandi fyr-
ir Írak um langt skeið. Þegar Bandaríkjamenn réð-
ust inn í landið árið 2003 reyndu hópar uppreisnar-
manna að gera Bandaríkjamönnum lífið leitt. Eftir
að Bandaríkjamenn yfirgáfu landið árið 2011 hafa
þessir hópar látið sífellt meira á sér kræla og beint
spjótum sínum að írökskum stjórnvöldum. Þá
hafa trúarhópar barist sín á milli; uppreisnarhópar
súnní-múslima hafa gert árásir á sjía-múslima sem
eru í meirihluta í landinu. Tilgangurinn er að rýra
trúverðugleika ríkisstjórnar Íraks sem leidd er af
sjía-múslimum og varpa ljósi á vangetu hennar til
að stjórna landinu án aðkomu Bandaríkjamanna.
Átökin í Mið-Afríkulýðveldinu
Upphafsár: 2012 Heimsálfa: Afríka
Land: Mið-Afríkulýðveldið Mannfall: 1.000+
→ Ólga og átök hafa einkennt Mið-Afríkulýðveldið um langt
skeið en frá því í desember 2012 hefur stríðsástand ríkt í
landinu. Átökin blossuðu upp þegar Séléka, eins konar sam-
steypa uppreisnarmanna, sakaði forsetann, Francois Bizizé,
um að standa ekki við friðarsamkomulag frá 2011. Hópurinn
lagði undir sig nokkra bæi í mið- og austurhluta landsins í
kjölfarið. Í mars 2013 náðu uppreisnarmenn höfuðborginni á
sitt vald sem varð til þess að Bizizé flúði land og leiðtogi upp-
reisnarmanna, Michel Djotodia, útnefndi sjálfan sig forseta.
Hann lét af völdum í janúar síðastliðnum en þrátt fyrir það eru
vopnuð átök og morð daglegt brauð í Mið-Afríkulýðveldinu.
Stríðið í Afganistan
Upphafsár: 1978 Heimsálfa: Mið-Asía
Land: Afganistan Mannfall: 1,4–2,1 milljónar manna
→ Stríðið í Afganistan hófst 27. apríl 1978 þegar demókrataflokkurinn (PDPA)
náði völdum með byltingu sem hlotið hefur nafngiftina Saur-byltingin. Allt
frá þessum tíma hafa hörð átök á milli trúarhópa geisað í landinu. Sovétmenn
höfðu tögl og hagldir í landinu til ársins 1989 þegar leppstjórn þeirra var vikið
frá völdum. Við tók bráðabirgðastjórn ellefu skæruliðahópa, þar á meðal tali-
bana, en samastaða þeirra brást árið 1992. Síðan hefur upplausnarástand ríkt í
landinu og blóðugt borgarastríð verið háð – á milli talibana og skæruliðahópa.
Í kjölfar árásanna á Bandaríkin 11. september réðust Bandaríkjamenn, með
fulltingi NATO, inn í landið til að freista þess að kveða al-Kaída í kútinn. Enn eru
hermenn í landinu og mannfall hefur verið gífurlegt.
Stríðið í Pakistan
Upphafsár: 2004 Heimsálfa: Suður-Asía
Land: Pakistan Mannfall: 51.000
→ Í stríðinu í norðvesturhluta Pakistan takast á heimamenn
og Bandaríkjamenn auk talibana, al-Kaída og fleiri herskárra
heittrúarsamtaka. Átökin hófust þegar pakistanski herinn hóf að
leita uppi liðsmenn al-Kaída í fjallahéruðum landsins. Sú aðgerð
var kynnt sem framlag Pakistana til stríðsins gegn hryðjuverk-
um. Síðan þá hefur ítrekað slegið í brýnu á milli stjórnarhersins
og hernaðarhópa í Mið-Asíu og Araba, sem slógust í hópinn
2008–2010. Stríðið hefur gengið nærri Pakistönum, bæði hvað
varðar mannafla og fjármagn. Fram hefur komið að Pakistan hafi
aldrei í sögunni orðið fyrir jafn miklum efnahagslegum og félags-
legum skakkaföllum. Ekki sér fyrir endann á stríðsátökunum.
Mannfall:
100.000
Mannfall:
15.000
Mannfall:
51.000
Mannfall:
2.000.000
Mannfall:
1.000
Lést eftir
drykkjuleik
Tvítugur breskur karlmaður lést
fjórum dögum eftir að hafa tek-
ið þátt í hættulegum drykkjuleik
sem fram fer á netinu. Maður-
inn, Bradley Eames, er talinn
hafa skolað niður 37 staupum
af gini. Hann birti myndband
af drykkjunni á veraldarvefn-
um. Leikurinn sem um ræðir
heitir Neknomiate, en í honum
eiga þátttakendur að drekka eins
mikið áfengi og þeir geta á sem
skemmstum tíma. Eames er sá
þriðji sem vitað er um sem látist
hefur í Bretlandi eftir drykkjuleik-
inn, að sögn Daily Mail.
Banaslys í
skemmti-
ferðaskipi
Áttatíu og fimm ára karlmaður
lést og nokkrir slösuðust þegar
skemmtiferðaskip fékk á sig brot-
sjó í Ermarsundi á dögunum.
Skipið, MS Marco Polo, var á leið
til hafnar í Tilbury á Englandi
þegar óhappið átti sér stað en
skipið hafði verið á 42 daga sigl-
ingu og var á leið frá Azore-eyj-
um. Að sögn breska ríkisút-
varpsins, BBC, brotnuðu rúður í
skipinu, en 735 farþegar voru um
borð í skipinu.
Nýnasistar
ákærðir
Saksóknaraembættið í Svíþjóð
hefur ákært sjö manns fyrir þátt-
töku í óeirðum í úthverfi Stokk-
hólms í desember síðastliðnum.
Atburðirnir áttu sér stað þegar
fólk, flest af erlendu bergi brot-
ið, kom saman til að mótmæla
kynþáttahatri í landinu. Ekki
vildi betur til en svo að sænskir
nýnasistar gerðu aðsúg að mót-
mælendum. Tuttugu og átta voru
handteknir í kjölfarið og þrír
fluttir á sjúkrahús, þar á meðal
einn lögregluþjónn. Að sögn sak-
sóknara verða fleiri ákærur gefn-
ar út á næstu dögum eða vikum.
Lögreglan var gagnrýnd eftir at-
vikið, ekki síst vegna þess að að-
eins sex lögregluþjónar áttu að
tryggja að mótmælin færu frið-
samlega fram. Mátti fámenn-
ur hópur lögreglunnar sín lítils
þegar allt fór í bál og brand.