Dagblaðið Vísir - DV - 10.06.2014, Blaðsíða 12

Vikublað 10.–12. júní 201412 Fréttir
Af með tjöruna -
á með
Aktu inn í
sumarið á
hreinum bíl!
Við erum á átta stöðum á höfuðborgarsvæðinu
www.lodur.is - Sími 544 4540
Risaveisla í Viðey á
afmæli auðmanns
n Sirkussýning og dans í fertugsafmæli Birgis Más n Lambakjöt í aðalrétt
B
irgir Már Ragnarsson,
samstarfsmaður Björgólfs
Thors til margra ára, fyrr­
verandi framkvæmdastjóri
Samson og stjórnarfor­
maður CCP, hélt upp á fertugsaf­
mæli sitt með vægast sagt pomp
og prakt síðastliðinn laugardag
í Viðey. Var sirkustjald sem tek­
ur fjögur hundruð manns leigt en
Birgir Már sagði í samtali við Vísi
á föstudag að ekki hafi verið um
stórt afmæli að ræða. Ljóst er þó
að kostnaður vegna veislunnar
hleypur á milljónum króna. Þema
afmælisveislunnar var byggt á
bókin The Great Gatsby sem fjall­
ar meðal annars um úrkynjun efri
stéttarinnar í Bandaríkjunum í
góðærinu á árunum fyrir krepp­
una miklu. Matreiðslumeistarinn
Friðgeir Ingi matreiddi fyrir gesti
og skemmtiatriði voru ekki í lakari
kantinum; Sirkus Ísland sýndi list­
ir, atvinnudansarar stigu á svið og
hljómsveitin GusGus lék fram eft­
ir nóttu. Ekki náðist í Birgi Má við
vinnslu fréttar.
Mikið umstang
Umtalsvert umstang var vegna
afmælisveislunnar en nær allt
hafurtask var flutt sérstaklega
vegna afmælisins út í Viðey. Reist
var svið inni í miðju tjaldinu og
blómahaf frá reykvískri blóma­
búð var sömuleiðis ferjað út í Við­
ey. Auk þessa voru allir stólar sem
og borð flutt sérstaklega út í eyna.
Framleiðslufyrirtækið TrueN­
orth sá um að skipuleggja veisl­
una en Lárus Halldórsson, við­
burðastjórnandi hjá fyrirtækinu
og skipuleggjandi afmælisins,
harðneitaði að svara spurningum
DV um veisluna er leitast var eftir
því. „Eins og í öllu sem við gerum
erum við bundin trúnaði við við­
skiptavininn og getum ekki tjáð
okkur á neinn hátt um einstök at­
riði,“ segir hann.
Sirkusinn sýndi listir
Lee Nelson, sirkusstjóri Sirkus Ís­
lands, segist í samtali við DV ekki
geta gefið upp hvað það kosti að
leigja sirkusinn og tjaldið. Þar sem
sirkusinn sé nýbúinn að fá tjaldið
sé ekki komin föst verðskrá fyrir
leigu á því heldur sé samið um
verð við hvert einstakt tilefni. „Jú,
Sirkus Ísland sýndi listir sínar í af­
mælinu. Það voru mestmegnis
minni atriði hjá okkur. Ég get samt
ekkert talað um peningana því það
væri mjög óháttvíst af mér,“ segir
Lee. Auk Sirkus Íslands og hljóm­
sveitarinnar GusGus dönsuðu at­
vinnudansarar á vegum Kristínar
Hall dansa í anda The Great Gats­
by.
Skyr í eftirrétt
Gallery Viðey, systurfélag veitinga­
staðarins Gallery Restaurant á
Hóteli Holti, sá um veitingar í af­
mælinu. Friðgeir Ingi Eiríksson,
matreiðslumaður og rekstrarstjóri
beggja veitingastaða, var kokkur
í veislunni og segir hann í sam­
tali við DV að matseðilinn hafi
verið með fremur hefðbundnum
hætti. „Ég sá um þessa veislu frá
a til ö. Það var rækjukokkteil í for­
rétt, lambakjöt í aðalrétt og skyr í
eftirrétt. Þetta var bara voðalega
hefðbundið og íslenskt. Þetta var
náttúrlega afmæli svo það var fullt
af gömlu fólki svo þetta var bara
hefðbundinn matur sem gengur í
alla,“ segir Friðgeir Ingi. n
Að innan Svið var reist í miðju tjaldinu. Líkt og sjá má á fjöðrum og blöðrum var þema
afmælisveislunnar byggt á bókinni The Great Gatsby. Mynd dV
Hægri hönd Birgir Már Ragnarsson
hefur verið einn helsti samstarfsmaður
Björgólfs Thors um árabil. Hann er
stjórnarformaður CCP og varð fertugur
í maí.
„Þetta var bara
voðalega hefð-
bundið og íslenskt.
Hjálmar Friðriksson
hjalmar@dv.is
Sirkus Líkt og sjá má er sirku-
stjaldið ansi stórt í samanburði við
Viðeyjarstofu. Sirkus Íslands hélt
söfnun fyrir kaupum á tjaldinu í
fyrra en það kkostaði rúmlega sex
milljónir króna. Mynd dV
Tíu ára afmæli
Háskóli unga fólksins fagnar tíu
ára afmæli þriðjudaginn 10. júní.
Um 350 nemendur á aldrinum
12–16 ára verða við Háskóla Ís­
lands en Háskóli unga fólksins
hefur verið haldinn á hverju sumri
frá árinu 2004. Skólinn stendur yfir
frá 10. júní til 14. júní. Koma með­
al annars við sögu kappaksturs­
bílar, svarthol, hvalir, pöddur,
stjórnmál og sameindalíffræði
svo eitthvað sé nefnt. Nemendum
gafst kostur á að velja á milli rúm­
lega 50 námskeiða í stundatöflu
sína fyrir vikuna, og þar á meðal
eru fjölmörg ný námskeið sem
eru í boði í tilefni afmælisins. Má
nefna kristallafræði, Biophilia­
tónvísindasmiðjurnar heims­
þekktu, ljósmyndafræði, stjórn­
unar­ og leiðtoganámskeið, smíði
kappakstursbíls og vatnalíffræði.
Kennsla í Háskóla unga fólksins
er í höndum kennara og fram­
haldsnema við skólann. Vikunni
lýkur með lokahátíð og vísinda­
veislu í stóra salnum í Háskólabíói
laugardaginn 14. júní. Á hátíðinni
fá nemendur afhent viðurkenn­
ingarskjal fyrir þátttöku í skólan­
um. Brynjar Dagur, sigurvegari
úr keppninni Ísland Got Talent,
stígur á svið með dansatriði og
vegleg vísindaveisla með lifandi
vísindamiðlun tekur svo við í and­
dyri Háskólabíós. Þar verður ým­
islegt í boði fyrir alla fjölskylduna,
meðal annars skrautskrift og jap­
anskir búningar, stjörnutjald,
leikir og þrautir, ýmis tæki og tól,
furðuspeglar, mælingar og alls
kyns óvæntar uppgötvanir. Há­
skóli unga fólksins hefur einnig
ferðast um landið sem hluti af Há­
skólalestinni síðustu fjögur ár en
í nýliðnum maímánuði heimsótti
Háskólalestin fjóra áfangastaði á
landsbyggðinni.
Engin
stefnuljós
Þrír af hverjum tíu ökumönnum
sem beygðu út af Reykjanes­
braut og inn á Krísuvíkurveg
gáfu ekki stefnuljós þegar starfs­
menn VÍS fylgdust með um­
ferðinni þar í síðustu viku. Þetta
kemur fram á vis.is. Ökumenn
163 ökutækja af 231 gáfu stefnu­
ljós. Margir þeirra of seint eða
eftir að þeir voru komnir inn
á beygjuakrein. Sambærileg
könnun VÍS í Hafnarfirði kom
verr út. Þá gaf aðeins þriðjungur
bílstjóra stefnuljós.