Dagblaðið Vísir - DV - 03.08.2011, Blaðsíða 4

4 | Fréttir 3. ágúst 2011 Miðvikudagur
„Það er greinilegt á þessu að þrösk­
uldinum hefur verið náð. Neytendur
eru farnir að draga úr neyslu á þess­
ari vöru,“ segir Runólfur Ólafsson,
framkvæmdastjóri FÍB. Vegagerð­
in hefur birt tölur um umferð versl­
unarmannahelgarinnar. Umferð á
helstu stofnæðum vegakerfisins,
umhverfis höfuðborgarsvæðið, svo
sem um Hvalfjarðargöng og Hellis­
heiði, var mikið minni en í fyrra. Um­
ferð um Hellisheiði dróst saman um
14,4 prósent þessa þrjá daga en 11,3
prósent um Hvalfjarðargöng.
Eins og fjallað er um á neytenda­
síðu DV í dag hefur bensínverð aldrei
verið hærra. Lítrinn kostar 242 krón­
ur og hefur hækkað tvöfalt á fjórum
árum.
Runólfur segir að fjölmargir hafi
samband við FÍB og segi að þeir
séu farnir að draga úr ferðalögum
og heimsæki síður ættingja og vini
sem búi fjarri. „Þetta hefur líka áhrif
á félagsstarf í dreifðari byggðum,
svo sem kórstarf og leikfélög,“ segir
hann. „Þetta virðist vera farið að hafa
áhrif á hefðbundið lífsmynstur fólks.
Afleiðingin getur orðið lakari lífs­
gæði,“ segir hann og gagnrýnir aukn­
ar álögur ríkisins á bensín, sem ekki
renni til framkvæmda í vegakerfinu.
Runólfur undrast að á sama tíma og
umferðin minnki vegna eldsneytis­
verðs, tali aðstoðarmaður fjármála­
ráðherra um að hækka þurfi skatta.
Hann bendir á að ef umferðin núna
sé borin saman við umferðina fyrir
hrun sé munurinn miklu meiri en
sjáist á þessum tölum. Hann hvetur
stjórnvöld til að verja því fé, sem rík­
ið fær með álögum á borð við kolefn­
isgjald, til vegaframkvæmda. Þangað
sé hægt að sækja fjármagn. Minni umferð Umferðin dregst saman á milli ára.
Himinhátt eldsneytisverð skerðir lífsgæði:
Hitta síður ættingja og vini
Verslunarmannahelgin:
Áfengissala
dróst saman
Sala áfengis í vikunni fyrir versl­
unarmannahelgi var tæplega 11
prósentum minni í lítrum talið en í
sömu viku fyrir ári. Samtals seldust
662 þúsund lítrar af áfengi í ár en í
sömu viku í fyrra seldust 744 þúsund
lítrar. Sex prósentum færri viðskipta­
vinir komu í Vínbúðirnar þessa viku
en sömu viku í fyrra, tæplega 117
þúsund á móti 124 þúsundum árið
2010. Færri viðskiptavinir komu
í Vínbúðirnar mánudag til föstu­
dags. Einungis á laugardeginum
komu fleiri viðskiptavinir í ár en í
fyrra. Þetta kemur fram á heimasíðu
Vínbúðanna.
Þar kemur fram að föstudagurinn
fyrir verslunarmannahelgi sé venju­
lega einn annasamasti dagur árs­
ins í Vínbúðunum. Var síðastliðinn
föstudagur þar engin undantekning.
39.700 viðskiptavinir komu í Vín­
búðirnar þann dag á meðan 43.700
heimsóttu Vínbúðirnar sama dag
fyrir ári, eða rúmlega níu prósentum
færri viðskiptavinir.
Óttast um
kajakræðara
Rétt fyrir miðnætti á sunnudag
var lögreglunni á Vestfjörðum til­
kynnt um tvo kajakræðara sem
farið var að óttast um. Þeir lögðu
upp frá Flateyri og ætluðu í Stað­
ardal og til baka aftur.
Þegar þeir skiluðu sér ekki
aftur á boðuðum tíma var hafin
eftirgrennslan, en síðan formleg
leit. Þyrla Landhelgisgæslunnar
var komin til Ísafjarðar til að að­
stoða við leitina. Klukkan 03.48
um nóttina fann björgunarsveitin
í Bolungarvík mennina við Galt­
arvita í heimsókn þar hjá fólki
sem heldur til þar. Ferðaáætlunin
var því ekki virt á því ferðalagi.
Við erum búin að lenda mörgum
sinnum í þessari valdníðslu,“ seg­
ir Svavar Jóhannsson, eigandi og
framkvæmdastjóri verslunarinnar
Fitness Sport, sem hefur stefnt Mat­
vælastofnun fyrir að stöðva send­
ingu af fitubrennsluefni í tollinum.
Þann 4. júlí síðastliðinn var send­
ing af fitubrennsluefninu Hydroxy­
cut Hardcore Pro Series stöðvuð í
tollinum. Var það gert á þeim for­
sendum að efnið innihéldi ólöglegt
litarefni, E­127, og íblandað koffín
(e. caffeine anhydrous). Segir í stefn­
unni að Matvælastofnun hafi ekki
kannað innihaldið heldur einung­
is farið á heimasíðu framleiðanda
vörunnar og fengið innihaldslýsingu
þaðan.
Þannig kviknaði sá grunur hjá
Matvælastofnun að fitubrennslu­
efnið innihéldi þessi efni. Í stefnunni
segir að sala á fæðubótarefnum sé
háð mjög ströngu regluverki og ekki
séu allar erlendar vörur gjaldgeng­
ar á Íslandi. Fleiri lönd en Ísland,
til dæmis Ástralía, búa við svipað
regluverk og tóku því innflytjendur
fæðubótarefna á Íslandi og Ástr­
alíu sig saman um að láta sérfram­
leiða ákveðna vöru fyrir markaði
þessara landa. Var það markmiðið
að framleiða vöru sem væri án allra
innihaldsefna sem ekki eru heimil­
uð samkvæmt íslenskum lögum og
reglum.
Áréttuðu að varan stæðist
reglur
„Það sem Matvælastofnun gerir um
daginn er að þeir stöðva þessu send­
ingu á þeim forsendum að um sé
að ræða vöru sem er framleidd fyrir
Bandaríkjamarkað. Þeir gera það
bara með því að fara á heimasíðu
fyrirtækisins og skoða innihalds­
lýsingu þar. Þeir nenna ekki að fara
niður í toll og skoða vöruna þar,“
segir Svavar en lögfræðingur hans
sendi Matvælastofnun bréf frá fram­
leiðanda vörunnar til þess að árétta
að ekki væri um bandaríska útgáfu
vörunnar að ræða heldur væri hún
framleidd fyrir Evrópumarkað og
stæðist því reglur. „Matvælastofn­
un tekur það ekki gilt heldur. Ef svo
væri þá væru þeir búnir að sleppa
vörunni,“ segir Svavar. „Það sem þeir
eiga að hafa fyrst og fremst áhyggjur
af er hvort varan sé á einhvern hátt
skaðleg. Hún er það klárlega ekki,“
segir Svavar.
„Þegar þeir komast að því að
þeir hafi gert þessi mistök þá neita
þeir að bakka með mistökin og fara
í baklás. Í stuttu máli sagt þá neita
þeir að sleppa þessari sendingu.
Þetta gerir það að verkum að við
stefnum Matvælastofnun fyrir hér­
aðsdóm,“ segir Svavar en hann segir
verðmæti sendingarinnar vera um
fimm milljónir króna og telur hann
Matvælastofnun vera skaðabóta­
skylda vegna málsins.
Vantar innihaldslýsingu
„Varan er bara ómerkt,“ segir Stein­
þór Árnason, lögfræðingur Mat­
vælastofnunar, um ástæðu þess að
sending Fitness Sport var stöðvuð í
tollinum. „Það sem hægt er að styðj­
ast við er heimasíða fyrirtækisins
sem lýsir því að þarna sé ólöglegt lit­
arefni. Við höfum í sjálfu sér ekkert
annað í höndunum en þessar upp­
lýsingar, því varan er ómerkt. Auk
þess leyfum við ekki að setja vörur
á markað þar sem vantar alla inni­
haldslýsingu. Það eru fjölmargar
ástæður fyrir því að þessi vara er
stöðvuð. Hún hefur ekki verið til­
kynnt til Matvælastofnunar, eins
og á að gera með öll fæðubótarefni.
Þannig að við eigum mjög erfitt með
að meta svona vöru,“ segir Steinþór.
Hann segir ekki vanta staðfest­
ingu á að varan sé framleidd fyrir
Evrópumarkað. „Það vantar inni­
haldslýsingu á aukaefninu sem hefur
verið bætt við vöruna og það stend­
ur ekki á vöruna að það sé litarefni
í vörunni. Það sést á hylkjunum að
það er litarefni í vörunni. En samt
kemur ekki fram á umbúðunum að
það sé litarefni og því er ekki hægt
að hleypa þannig vöru í gegn,“ segir
Steinþór. Í fyrstu var þó talið að var­
an innihéldi íblandað koffín en svo
reyndist ekki vera við nánari athug­
un, að sögn Steinþórs.
Stoppa ekki Cheerios
„Þetta er akkúrat málið,“ segir Svavar
um orð Steinþórs. „Framleiðandinn
setur á vöruna það sem er í vörunni.
Það gildir um öll matvæli sem þú
kaupir. Svo allt í einu tekur Matvæla­
stofnun upp á því að ákveða að eitt­
hvað sé í vörunni sem er ekki í vör­
unni. Af hverju stoppa þeir þá ekki
Cheerios og segja að eitthvað sé í því
sem er ekki. Þeir í rauninni vantreysta
framleiðandanum, þeir segja hann
ljúga í rauninni, að hafa ekki eitthvað
á umbúðunum sem er ekki í vör­
unni,“ segir Svavar. Varðandi að varan
hafi ekki verið tilkynnt segir Svavar að
hann hafi verið með tólf aðrar fæðu­
bótarvörutegundir í sendingunni
sem ekki voru tilkynntar en flugu
samt sem áður í gegnum tollinn.
n Eigandi Fitness Sport segir Matvælastofnun stunda valdníðslu n Stofnunin
stöðvaði sendingu af fitubrennsluefni n Varan sérframleidd fyrir Íslandsmarkað
Birgir Olgeirsson
blaðamaður skrifar birgir@dv.is
„Þeir nenna ekki að
fara niður í toll og
skoða vöruna þar.
Búinn að stefna
Matvælastofnun
Ósáttur Svavar Jóhannsson er afar ósáttur við vinnubrögð Matvælastofnunar.
Annie mikilvæg
fyrirmynd barna
Ólafur Ragnar Grímsson, forseti Ís­
lands, hefur sent afrekskonunni An­
nie Mist Þórisdóttur hamingjuóskir
vegna heimsmeistaratitilsins sem
hún tryggði sér í crossfit. Í kveðjunni
áréttaði forsetinn að hún hefði sýnt
ungu fólki hve langt væri hægt að ná
með aga, þjálfun og einbeitingu. Þá
sagði Ólafur Ragnar að mikilvægt
væri að æska landsins ætti sér slíkar
fyrirmyndir.
Eins og fram hefur komið tryggði
Annie Mist sér titilinn um helgina auk
um 30 milljóna króna í vinningsfé.
Hún hafði lent í öðru sæti keppninnar
í fyrra og skrifaði fyrr á þessu ári undir
samstarfssamning við Reebok.
Leiðrétting
Í tekjublaði DV var farið rangt
með tekjur Þorleifs Guðmunds­
sonar og Guðmundar Sigurjóns­
sonar hjá fasteignasölunni Eigna­
miðlun. Innsláttarvilla olli því að
Þorleifur var sagður með ríflega
hundrað þúsund krónur í mán­
aðarlaun í fyrra. Það er fjarri lagi
en hið rétta er að launin eru tífalt
hærri. Guðmundur var einnig
sagður með laun undir lágmarks­
launum en hefur í raun mun
hærri tekjur. DV biðst velvirðingar
á mistökunum.