Dagblaðið Vísir - DV - 03.08.2011, Blaðsíða 19

O
rð hafa afleiðingar
Ég trúi ekki að Anders Be-
hring Breivik sé geðveikur.
Atburðirnir í Osló og á Ut-
øya voru hryllilegri en orð fá lýst.
Fórnarlömb Breiviks voru ung, sak-
laus og varnarlaus. Hvers vegna hann
gæti mögulega talið dauða þeirra vera
markmiði sínu – að koma múslimum
úr Noregi – til framdráttar er flestum
ómögulegt að skilja.
Heimssýn geðveiks einstaklings
einkennist hins vegar af dómgreindar-
og samhengisskorti og að mati Brei-
viks og þeirra sem deila heimsmynd
hans voru gjörðir hans rökréttar.
Í hans augum voru vinstri stjórn-
málaflokkarnir hættulegir Noregi og
norskri menningu vegna stefnu þeirra
í innflytjenda- og mannréttindamál-
um. Hans stríð var ekki gegn múslim-
um, sem hann álítur ómennska, held-
ur gegn samlöndum sínum sem veittu
óvininum aðgang inn í föðurlandið.
Það væri tilgangslaust að hreinsa land-
ið af íslömsku sýkingunni án þess að
skera sárið, inngangspunktinn, fyrst af
líkamanum. Innlendu svikararnir eru
í augum Breiviks hættulegasti óvinur-
inn. Þess vegna verða þeir (og börn
þeirra) að deyja.
Sköpunarverk öfgaafla
Það væri grunnfærnislegt að skella
allri sökinni á hægri öfgamenn Norð-
ur-Evrópu og Ameríku. Gildi íslams
eru að sumu leyti ósamrýmanleg gild-
um frjálsra, lýðræðislegra þjóðfélaga.
Meðferð kvenna í mörgum löndum
múslima er andstyggileg. Dauðadóm-
ar yfir þeim sem snúa frá íslam eru
villimannlegir.
Engu að síður verða fjölmiðlarnir,
bloggararnir og stjórnmálamennirn-
ir sem hvöttu Breivik til dáða að taka
ábyrgð á sköpunarverki sínu – heimi
þar sem aðgerðir hans voru fullkom-
lega rökréttar. Orð hafa ábyrgð, eins og
Hitler ætti að hafa kennt okkur, og af-
leiðingar krafna um „þjóðernishreins-
anir“ geta aðeins endað á einn hátt.
Skoðanir Breiviks eru því miður
á nákvæmlega sömu bylgjulengd og
hatrið og fáfræðin sem fjölmiðlar eins
og Faux News (þeir kalla sig Fox News)
dreifa 24/7 yfir heimsbyggðina og sem
bergmálar svo endalaust frá smærri
útpóstum – í sumum ríkjum Banda-
ríkjanna er næstum ómögulegt að
finna útvarpsstöð sem útvarpar öðru
en áróðri og hugarórum bókstafs-
trúarfasista.
Hættulegur haturskúltúr
Þessi öfgastefna, sem er orðin ein
hættulegasta ógn við siðmenntuð
þjóðfélög, snýst ekki um kirkjusöfn-
uði og kirkjur heldur um hugsunar-
hátt með eigin kúltúr, dægurstjörnur
og eiturpenna í fullu starfi. „Við ættum
að gera innrás í lönd þeirra (múslima),
drepa leiðtoga þeirra og snúa þeim til
kristni,“ skrifaði Ann Coulter.
Reyndar kemur lýsingin á Breivik
– hægrisinnaður, kristinn, anti-ríkis-
vald, anti-innflytjendur og byssu-
sjúkur – heim og saman við marga af
nýjustu þingfulltrúum repúblikana.
Þessir byssu- og biblíuberandi bók-
stafstrúarþingmenn hata Obama og
vinstrimenn og fyrirlíta menntun –
enda óþarfi fyrir þá sem hafa beina
línu til himnaforeldrisins. Leiðbein-
ingarnar að ofan, þó þær innihaldi fyr-
irmæli um hryðjuverk, eru guðs vilji.
Tepartímeðlimir mæta vopnaðir á
bæjar- og sveitarstjórnafundi. Aðdá-
andi Söruh Palin gargaði við mikinn
fögnuð um forseta Bandaríkjanna á
aðalfundi repúblikana: „Obama er
hryðjuverkamaður, drepið hann!“
Morðhvatningar stjórnmála-
manna
Stjórnmálamennirnir sjálfir hika held-
ur ekki við morðhvatningarnar. Einn
frambjóðandi repúblikana í öldunga-
deildarkosningunum í fyrra, Sharron
Angle, sagði í viðtali: „People are really
looking toward those Second Amend-
ment remedies…what can we do to
turn this country around? I’ll tell you
the first thing we need to do is take
Harry Reid out.“ Fólk er virkilega að
líta til úrræða annarrar stjórnarskrár-
breytingarinnar… (um rétt til að bera
vopn)…hvað getum við gert til að snúa
við blaðinu hér… ég get sagt þér að það
fyrsta sem við þurfum að gera er að
„taka út“ Harry Reid.” (take s-one out
– að myrða, drepa e-n).
„Svona talsmáti er ekki kostnaðar-
laus,“ sagði starfsmaður CIA og ráð-
gjafi um hryðjuverkastarfsemi í viðtali
við New York Times. Margir báðu Pal-
in – sem hvatti kjósendur til að „hlaða
og miða“ á demókrata – um að draga
úr ofbeldistali fyrir kosningarnar. Ein
þeirra var þingkonan Gabrielle Gif-
fords, sem varaði við „afleiðingum“
slíkrar ræðumennsku. Hana hefur vart
órað fyrir hve persónulegar afleiðing-
ar afstaða hennar hafði, en í janúar
var hún skotin í höfuðið af öðrum öfga
hægrisinnuðum hryðjuverkamanni.
Gæti ekki gerst á Íslandi?
Við skulum ekki telja okkur trú um
að þetta geti ekki gerst á Íslandi. Við
erum ekkert öðruvísi en önnur þjóð-
félög – nema síður sé – hvað varð-
ar skiptingu heimsins í Okkur gegn
Þeim. Við fluttum inn verkafólk frá
Póllandi og Eystrasaltsríkjunum þeg-
ar tíðin var góð, en þeir gátu hypjað
sig þegar harðna fór í ári. Okkar stjórn-
málamenn eru jafn fúsir lýðskrum-
arar og kollegar þeirra hvar sem er í
heiminum og íslenskir eiturpennar
sem á bloggsíðum leggja til ofbeldi og
nauðganir á stjórnmálamönnum sem
þeim líkar ekki við eru ekkert öðruvísi
en útlendir haturshvatafélagar þeirra.
Það er kaldhæðnislegt að á þeim
áratug sem liðinn er frá 9/11 gætu
Bandaríkin hafa breyst úr því að vera
sjálfskipuð fyrirmynd lýðræðis og
frelsis í að vera, í nafni heilags anda,
heimsins helsti útflutningsaðili of-
beldis og haturs. Hið geigvænleg-
asta er að gjöreyðing krefst ekki leng-
ur hernaðaraðgerða heilla þjóða. Það
þarf bara einn til, eins og Anders Brei-
vik og Timothy McVeigh hafa sýnt.
„Við höfum séð óvininn og hann er
við sjálf.“ Bin Laden hlýtur að hlæja í
helvíti.
Umræða | 19Miðvikudagur 3. ágúst 2011
Hvað er það besta við sumarið?
„Ætli það sé ekki útiveran og íslenska
deildin í fótbolta.“
Stefán Gunnar Stefánsson
18 ára þjónn á Thorvaldsen
„Spila golf og drekka bjór.“
Hafsteinn Kristinsson
42 ára fjárfestir
„Tíminn. Sumarið er tíminn.“
Haukur Ingi Jónsson
35 ára athafnamaður
„Ef ég væri ekki að vinna þá væri það
sumarfrí.“
Davíð Hanssen
40 ára matreiðslumaður
„Sólin, útilegur og góður félagsskapur.“
Kara Rut Hanssen
21 árs þjónn í veiðihúsi
1 Með’ann á heilanum Henrý Þór: Þjóðin er með Davíð Oddsson á
heilanum en sér ekki Jón Ásgeir.
2 Óttast að Breivik verði byrlað eitur Sólarhringsvöktun á norska
fjöldamorðingjanum.
3 Tryggvi Þór og rotturnar Sand-korn: Alþingismaðurinn beinir
bloggfærslu til þeirra sem vega að
honum þar sem hann líkir fjölmörgum
óvinum sínum við rottur.
4 Þingmenn kvöddu Sævar Cie-sielski Sævar var jarðsunginn á
þriðudag í Dómkirkjunni og var það
séra Örn Bárður Jónsson sem jarð-
söng hann.
5 Háseti á Goðafossi sendur í fangelsi Benedikt Pálmason var
dæmur í þriggja ára fangelsi fyrir að
smygla tæplega fjórum kílóum af
amfetamíni til landsins.
6 Útför Sævars Ciesielski í dag Sævar lést í Kaupmannahöfn þann
12. júlí síðastliðinn eftir höfuðhögg.
7 Grunaður nauðgari fari í gæslu-varðhald Tvítug kona sakar
manninn um nauðgun í Herjólfsdal
og mun hann sitja í gæsluvarðhaldi í
viku.
Mest lesið á dv.is
Myndin Er hann að fá’ann? Þessi renndi fyrir fisk í höfninni í Reykjavík fyrir stuttu þegar ljósmyndara bar að garði en ekki
fylgir sögunni hvort hann hafi veitt í soðið í þetta skiptið. MynD GunnaR GunnaRSSon
Maður dagsins
Nokkrar
krónur geta
bjargað
mannslífi
Þorkell Þorkelsson
Þorkell Þorkelsson ljósmyndari ætlar að
gefa ágóðann af sölu mynda sem hann tók
í Búrma til hjálparstarfs Rauða krossins.
Þorkell fór til Sómalíu þegar hungursneyð
var í landinu árið 1992 en ferðin hafði mikil
og mótandi áhrif á hann.
Hvað drífur þig áfram?
„Ég reyni bara að vera góður við sjálfan mig
og aðra.“
Hvar ert þú alinn upp?
„Ég er alinn upp í Vesturbænum í Reykjavík.“
af hverju ætlar þú að gefa ágóðann
af sölu myndanna til Rauða kross-
ins?
„Ég hef verið að vinna í verkefnum sem
tengjast mannúðar- og hjálparstarfi og fór
til Sómalíu árið 1992. Sú ferð hafði mjög
mótandi áhrif á mig sem ljósmyndara
og sem manneskju. Ég veit að sömu
hörmungarnar eiga sér stað þarna núna og í
raun þarf svo lítinn pening til að bjarga einu
mannslífi.“
Hvernig er ástandið í Sómalíu í dag?
„Ef það er einhvers staðar verulega erfitt og
vont ástand þá er það þar. Þurrkar og óöld
hafa búið til hörmungar sem verður ekki lýst
með orðum.“
Hvaða áhrif hafði það á þig að koma
til Sómalíu?
„Tuttugu árum síðar er ég enn að hugsa um
þessa ferð. Þessi upplifun hafði mikil og
mótandi áhrif á mig – hvernig ég hugsa og
hvað ég geri. Ég veit að einn maður getur
ekki breytt þessu ástandi en með því að
gefa pening gerum við líf þessara sam-
systkina okkar örlítið skárra.“
Ert þú bjartsýnn á framtíðina?
„Ég er bjartsýnn að því leytinu til að ég hef
trú á því að svona ástand geti ekki varað
endalaust. Ef það tekst að koma á friði, þá
verður allt hægt.“
Hvar er hægt að nálgast myndirnar?
„Við erum með lítið gallerí í Borgarnesi sem
heitir Gallerí Gersemi. Ég hvet fyrirtæki
og þá einstaklinga sem geta til að styrkja
söfnunina með því að kaupa mynd á 100
þúsund krónur. Á bak við þá upphæð eru
50–70 líf.“
Hvað er næst á dagskrá?
„Ég er að reka mitt fyrirtæki og leita mér að
vinnu. Svo eru vonandi einhver spennandi
verkefni fram undan.“
Orð hafa afleiðingar
Dómstóll götunnar
„Þessi öfgastefna,
sem er orðin ein
hættulegasta ógn við sið-
menntuð þjóðfélög, snýst
ekki um kirkjusöfnuði og
kirkjur heldur um hugsun-
arhátt með eigin kúltúr,
dægurstjörnur og eitur-
penna í fullu starfi.
Kjallari
Íris
Erlingsdóttir